ليش الغدر ليش الخيانة ؟

يالما قصرت وياج بحب
نطيتج الروح والقلب
يالنطيتج روحي ملك ..
وآنه خذتها ايجار
يالنطيتج قلبي هبة ..
وآنه خليته بصدري ..
كلت اعيش وياج بأحلى دار
دار اسمها الحب والغرام
تاليها تخونين ؟
والله حرام
تتركيني وحدي بدنيا الظلام
تتركيني انه وكليبي مثل الايتام
تتركيني بين دفاتر واقلام
دفاتر ..
ما ملاها غير الحنان والمشاعر ..
وشوكـ الايام
ما ملاها غير حب واخلاص ..
و وفى ديام
ملاها كلبي من اقلامه
رسم بيها احلى احلامه
رسم بيها اعلامه
الترفرف بحبج و وسامه
ملاها بعزف انغامه
وروحه ترفس مثل الحمامه
خدعتيني يحبيبه بكثير اوهام
خدعتيني يبنيه بأعذب كلام
شوهتي سمعة الحب ..
وشوهتي عندي روح الغرام
حطمتي يعزيزه كل الاحلام
ليش خليتيني اعيش بين الاوهام ؟
تخونيني بيوم ما ظنيت
وتنسين شوكـ الايام
سألي الايام المرت ..
انا بيها لج ما حنيت ؟
قصرت وياج بشي ؟
عقب ايام العشره
عقب كل ليالي السهره
عقب الصبر على الجمره
عقب ليل اليتانينا فجره
شحدج تكولين اي !
قصرت وياي بشي
إنتي بالنسبة الي هديه
تخونيني والله اذيه
جزاء الحب والوفه ..
والصبر على آلام هالدنيا
تغدريني يبنيه ؟
تدرين الليل يتانينا ؟
تدرين الظلام حبنا ؟
تدرين الاماكن اشتاكتلنا ؟
شجاوب المحب والمشتاكـ والمنتظر ؟
اكلهم حبيبي خان وبيه غدر ؟
لو اكلهم نساني وليه هجر ؟
لو أكلهم لعب عليه وعليكم وتالي فر ؟
ليش الغدر ليش الخيانه ؟
هذا قلبي رماه بهالسهم زمانه
قلبي بعملتج فقد امانه
خليتي قلبي المسكين ..
يتحسف على الايام ..
ومن يذكرها ويزيد حنانه
آنه وقلبي ..
بسهم الخيانه هالزمن رمانه
أسألج وبصراحه جاوبيني ...
ليش الغدر ؟ ليش الخيانه ؟