النتائج 1 إلى 3 من 3

الموضوع: هذ ا من الشعر الشعبي العراقي اعجبني اتمنى ان ينال رضاكم

  1. #1


     رقم العضوية : 12751
     تاريخ التسجيل : Dec 2006
     المشاركات : 321
     قوة السمعة : 13
     الحالة :  على الكبيسى غير متصل


     

    هذ ا من الشعر الشعبي العراقي اعجبني اتمنى ان ينال رضاكم

    [size=6][color=#FF0000]ياسامعين الصوت

    يسألوني

    انت شيعي ؟؟ انت سني ؟؟

    وين ساكن؟؟

    يم الشيخ لو يم ابو النعمان

    لو يم ابو الجوادين

    وآنه بالحسينيه... بالجامع أدور منهو اليوم طاحوا

    طاح أخوي؟...أنذبح خالي ؟...أبن عمي؟

    ما أبجي عليهم... أبجي منهم

    ياخايبين ضيعتوا الوطن

    والوطن غالي أعز من روحي عندي


    يسالوني انت شيعي؟ انت سني؟

    وآنه للكاظم أبذاك الصوب ازوره

    أنامن بالصحن من شمة عطوره

    وبكربلا للحسين
    أتعنه ازوره...

    من صغر ظفري وصغر سني

    ويسالوني انت شيعي ؟... انت سني؟


    آنه بالجوادين بذاك الصوب تباركت وأدفنت أمي

    و بشيخ معروف نايم المرحوم ما من يوم وسألني

    على امك أنت طالع لو على عمك النام يمّي؟


    بالهويه ياخذوني اليوم ويسالوني وين رايح انت سني؟

    كلت والله للعباس جدي مِتعنّي أرد أشوفه ...

    أسأله العباس سني ؟

    كلت متعنّي أشوفن داحي خيبر الكرار أشكيله همّي

    أرد أشوفن ويرضى الحسين بكربلا...

    وبنفس الوطن ينهدر دمك و دمي؟


    آنه ما ادري أصار بيينه ....

    آخ وياوسفه الصار بيينه

    الله واكبرسووهه بيينه

    ياوسفه ونجحت خططهم

    ياوسفه اللي طاحوا بالجوامع بالحسينيات اليوم

    ذوله أولاد خالي ...أولاد عمّي


    ياهالوادم من الصوبين أتفلش وطنّه

    يهالوادم وصلت النار بحجرنه وأحتركنه

    ياسامعين الصوت الجاي منهم أكثر من اليوم بحزنّه

    ياسامعين الصوت كافي

    أنت شيعي؟....أنت سني؟


    ياخوي الوطن من الصوبين طايح

    ياخوي من طائفية الشردتنه وطشّرت دمك ودمي

    ياعراقي أصحى تره أتفلش
    بلدنا ..

    ياخويَ احتركنه ما بقى بالوطن غيرالجنايز...

    على الصوبين يمّك ويمّي


    ياخويَ الاجنبي وج النار بيينه

    ياخويَ وفرحان بذبحنه منّا
    بيينه...

    ماله شغله يتفرج علينه...

    أمجتف أبيده ويغنّي

    ويسألوني أنت شيعي؟... أنت سني؟


    ياخويَ ودير بالك

    فلشوا الجامع الجنت بي وياك أصلّي

    كالوا الشيعي علكها ...

    والحسينيه فجّروهه...

    وكالوا الفجّرهه سنّي


    ياخوي وآنه للحسن والهادي أضمه....

    من زمان انام وياه بالصحن من صغر سنّي

    آنه افجره وصدّكت والائمه تاج راسي...

    بعد ابوي وبعد أمي


    وصدّكت تطيني اِيديَّ....

    ومن زمان أنت تشيل همّي

    ياخوي وصدكت لو نسيت أحنه بثورة العشرين أيد وحده ...

    وبيهه أنخبط دمك بدمي


    ياخوي شبيك وكافي عاد

    العراقي باللبن فتّح

    ُأهُم اللي شعلوهه وكالوا....

    هذا شيعي.... وهذا سني

    **************
    التعديل الأخير تم بواسطة Ahmed ; 02-26-2007 الساعة 08:50 PM

    يمنع وضع اعلانات لمنتديات اخرى في التوقيع


    ادارة الموقع

  2. #2

    ساهري
    الصورة الرمزية HEBAH
     رقم العضوية : 13653
     تاريخ التسجيل : Jan 2007
     المشاركات : 472
     الإقامة : سورية...م بالسعودية
     هواياتي : السباحه..القرأءة...الكتابه
     اغنيتي المفضلة : هاه حبيبي
     قوة السمعة : 13
     الحالة :  HEBAH غير متصل


     

    افتراضي

    [align=center]

    شكرا علي



    جدا رائعة




    تحياتي الك عزيزي[/align]

    [align=center]
    ِ[/align]


    [align=center] أحبك أحبك أحبك أحبك ياهنا عمــــــــــــــــــــــري[/align]

  3. #3

    الى متى الضياع ؟
    الصورة الرمزية شاعر حزين
     رقم العضوية : 5004
     تاريخ التسجيل : Apr 2006
     المشاركات : 537
     الإقامة : بغداد
     هواياتي : الشعر .. والبقية تأتي
     اغنيتي المفضلة : مع بغدادية
     إعجاب متلقى : 49 إعجاب متلقى
     إعجاب مرسل : 38 إعجاب مرسل
     قوة السمعة : 14
     الحالة :  شاعر حزين غير متصل


     

    افتراضي

    ابو حسين .. القصيدة رائعة وجميلة

    بس انشرها بمنتديات اللي تمجد للارهاب
    وتقول :
    ان من يذبح شيعيا او خمسه يدخل الجنه
    وهي منتديات عراقية
    وموجودة
    دون ذكر اسم

    روح اهناك انشرها
    لانه الحمد لله هنا اغلب الاعضاء 90% اذا مو اكثر كلها متوالفة ومتآلفه فيما بينها
    الا شرذمة قليلة
    هنا بالمنتدى ماكو شي اسمه سني ولا اكو شي اسمه شيعي ولا غير هذا
    اكو شي اسمه عراقيين
    اكو شي اسمه عرب
    اكو شي اسمه اخوان
    اكو شي اسمه ( اكرمكم عند الله اتقاكم )
    اكو شي اسمه ( لا فرق لعربي على أعجمي ولا لأسود على أبيض الا بالتقوى )

    وكل شخص حر في كيفية عبادة ربه وخالقه ، لانه شي اقتنع بي
    اعتقد كل الاعضاء يوافقوني على كلامي

    على كل حال
    جزيت خيرا على القصيدة الجميلة

    تحياتي واحتراماتي
    شاعر حزين

    مناجاة
    أُناجيك فمالك لا تجيبين .. لعينيك انظر ولي لا تنظرين
    قطِّع قلبي بالنوى إربا .. ولم يبقَ منه إلا اللجين
    سموتِ بقلبي حتى سماه .. وما روّيتِ منه ضماه
    لا اعجبُ من فعلك هذا .. فلم يسمُ راويا إلا الحسين

    وهبتك الشمس والقمرْ .. وكل بستان شقه نهرْ
    وزدتك جوهرا من روحي .. وما زدتني إلا أنين!

    .

    بقلمي المكسور...

    شاعر حزين


معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الاعضاء الذين قرؤوا الموضوع: 0

لا يوجد أعضاء لوضعهم في القائمة في هذا الوقت.

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •