النتائج 1 إلى 5 من 5

الموضوع: حامد زيد

  1. #1

    الصورة الرمزية اماني المحبة
     رقم العضوية : 1314
     تاريخ التسجيل : Oct 2005
     المشاركات : 2,964
     الإقامة : مدينة الحب ((جده))
     إعجاب متلقى : 2 إعجاب متلقى
     إعجاب مرسل : 0 إعجاب مرسل
     قوة السمعة : 16
     الحالة :  اماني المحبة غير متصل


     

    افتراضي حامد زيد

    أربع خناجر

    مشكله لا جات حاجتك بيديـن البخيـل
    مايفكـك ليـن تدفـع كثـر مايدفـعـه




    ومشكله لا صرت مطعون بكفوف الدخيل
    في ظهرك اربع خناجر وبالصدر اربعـه




    ومشكله لا ضاق بالوقت رجـالً ثقيـل
    يطلـب احبابـه وعيـا زمانـه ينفعـه




    ليت ربي مايحاسب خليـلً مـن خليـل
    دام مال الحـظ فزعـه وللوجـه اقنعـه




    ودام مال العذل تالـي ومابالحيـل حيـل
    الغـلا سمـاً نذوقـه ومـرً نجـرعـه




    نحتري فيه القا والحصيل هو الحصيـل
    مثـل حلمـاً ماتحقـق وعيـت اقطعـه




    كني اللي حط بشفاه من جمـر المليـل
    لا قـدر يرميـه للنـاس وزرا يبلـعـه




    والظروف اللي حدتني لنيـران وفتيـل
    عرضت دمع المحاجـر لشـيً يجزعـه




    والمدامـع بالغـلا لا تحـال ولا تحيـل
    والمشاكل كـل ماجـات جـات مجمعـه




    اعذلوني عن هوى النفس وعيوني تخيل
    في حبيـب ٍ ماتركتـه ولازلـت اتبعـه




    مغرم في حب مثله ولا ارضى له بديـل
    عيني تشوفه وقلبـي يجـوع ويشبعـه




    ذاك كل مازان بالـي وطالعـت النخيـل
    ماذكـرت الا ثباتـه بوقـت الزعزعـه




    ماهو الاقطعة مـن حشـا قلبـاً عليـل
    وماني الا قطعـة منـه مخلـوقً معـه




    لا جميل شفت قبلـه ولا بعـده جميـل
    العذارا رهن رمشه وانا رهـن اصبعـه




    والله انه لو طلبني اطلـوع المستحيـل
    لا اطلعه منـي منـاك يعنـي لا اطلعـه




    ماعلي مـن الملامـه وهـرج الهبيـل
    مشجع الرجال لا ثـار غيـره مشجعـه




    في عيون اللي عشقني ولا جاني هزيـل
    الله اللي حط عشقـه بقلبـي وزرعـه




    لو سكت ينطق له الصم والدنيـا تسيـل
    وان حكى لو يمشي المزن ياقف يسمعه




    سلسبيل من شفاتـه يخالـط سلسبيـل
    معمعه بسكات واحـلا سكـات بمعمعـه




    ماهقيت ان اكثر الليل يمـرح بالجديـل
    لين شفته شوف عينـي بكفـه يرفعـه




    وان حيت ومابقالي معـه ياكـود ليـل
    لا اسهره بأول غروبه وموت بمطلعـه




    والله ان العشق جمره وطاحت بالشليـل
    وان حصل ماطاعك الوقت بحبابك طعـه




    من هو اللي علم عداي نكران الجميـل
    ومن هو اللي خان خلي وحـاول يقنعـه




    كل عاذل ردني عنك يالطـرف الكحيـل
    ياعسى الله يقلعـه ياعسـى الله يقلعـه




    يامعرض قلب الاحباب للـدرب الطويـل
    السعه لا بـارك الله بالضيـق السعـه




    والله ان الوقت قاسي وانا مانـي ذليـل
    واشهد ان الرجل مرات ظنـه يخدعـه




    وانتم اتعذلون خفـاق بعيـون العديـل
    مارحمتم نـار جرحـه وحيـرة مدمعـه




    والسوالف ليلها ليـل والحايـل يحيـل
    والمشاكـل مشكلـه بمشكلـه متجمعـه




    مشكله لا خانك الوقت بالحمـل الثقيـل
    لو زرعت الزرع هوج العواصف يشلعه




    ومشكله لاصار عاذلـك مايبـرد غليـل
    لا تـرده طيـب كلمـه ولحـدً يمنعـه




    ومشكله لا صرت مطعون بكفوف الدخيل
    في ظهرك اربع خناجر وبالصدر اربعـه


    ****************************************

    الجريمة

    يوم ثارت في جنون مـن جنـون الجاهليـه
    عاتبتني لين شبـت فـي شرايينـي لهبهـا

    واستفزتنـي وفـزت وزعلـت منـي عليـه
    وستضاقت من كلامي يـوم زعلنـي عتبهـا




    من بعدها ما بقى لـي فـي محانيهـا بقيـه
    اسدلت دمع المحاجر للبكـا ورخـت هدبهـا




    والله اني مانويـت ابـدي معاهـا بالخطيـه
    بس هي اللي تعدت حدهـا لحظـة غضبهـا




    والله اني كنت اكابـر بالعتـب بحسـن نيـه
    بس ابدري هو صحيح اني الوحيد اللي عجبها




    يمكن اني كنت قاسي بالعتـب معهـا شويـة
    كثر ما كانت تمنى راحتـي واعشـق تعبهـا




    جرحتنـي بالكـلام وكبـرت حيـل القضيـة
    واخسرت بي كل عرق من شراييني كسبهـا




    ولا هـي ماكـان فيهـا للمـوادع مقدريـة
    والجفا كانت تعافه بـس مـدري وش قلبهـا




    ليتني مارحت اقيـاس قيمتـي عنـد بدويـة
    رجعت لـي كـل عـرق حبهـا ولا نهبهـا




    وعلمتني كيف بالجفا وانتصر وابقى ضحيـه
    وعلمتني كيف قلبي لـو غلبهـا مـا غلبهـا




    وعلمتني يـوم صـدت عنفـوان الاجوديـة
    ماتلـوح للمقفـي لـو سلبهـا مـا سلبهـا




    رابية بين القبايـل والعـرب واهـل الحميـة
    عاقلـه ماتبـذر إلا نخلـة تعـرف رطبهـا




    إن تهادت ذكرتنـي فـي خفـوق العامريـه
    وإن تمادت تركب ابليس الرجيـم وماركبهـا




    جفنها لا سلهمت به مـا يطليـق السامريـة
    تسحبه برضاه عينه وان سهت عينه سحبهـا




    وان حكت تعطي مكانـه للحـروف الابجديـة
    كـن كلمتهـا تلفـت للكـلام اللـي عقبهـا




    والحروف اليـا تعـدت بالشفـاه النرجسيـة
    كنها صـارت قصيـدة بـس ربـي ماكتبهـا




    وش بوصف من حلاها وش بخلـي للبريـة
    مابها بالحسن عيـب واكشفتـه الا حجبهـا




    شعرها فيه الخوي اللي تبـرى مـن خويـه
    والشفا لو تشرب الما واختلط فيهـا شربهـا




    كن في ضمة شفاهـا جمرتيـن بنـار حيـه
    كل من حس بدفاها وحتـرق صـد وقربهـا




    شفتها مثل الجريمـه وابتليـت ابهـا بليـه
    غلطة ٍجيت اتحاشى ظلمهـا قلـت ارتكبهـا




    كل شـي شفـت فيهـا فيـه نبـره جاذبيـه
    موهبة من فضل ربي واشهد ان الله وهبهـا




    كلـهـا لله بلله فاتـنـه هــا لآدمـيــه
    عاجبتني من بداية راسهـا لا سفـل كعبهـا




    لـو تبادلنـي شعـوري والهديـة بالهديـة
    ماوفت لي لو تبيـع ثيابهـا واغلـى ذهبهـا




    هملتنـي والقلـوب الجرهـديـة جرهـديـة
    وحرقتنـي والمحبـه نارهـا تاكـل حطبهـا




    ولا انا ماكنـت اكابـر والليالـي السرمديـة
    يمكن ان اللي غصبني للولع فيهـا غصبهـا




    ياخوفوقي وادري انك منت في حاجة وصيـة
    شف مكاني وانت تدري وين هي يمة عربهـا




    رح لها وان كان فيها قلب يطمح فـي مجيـه
    شف طلبها في عروقه وان حصل تمم طلبهـا




    وانشده وان قال عنها من هدر دمـي بريـه
    قله ان اللي حصلـي بالمحبـة مـن سببهـا




    ولو يقول اني تعمـدت الخطـا لجـل الأذيـة
    قله انـي مـا تحمـل بالعتـب قلـه ادبهـا




    ولو يقول اني انا اللي كنت بـادي بالخطيـة
    قل هي اللي تعـدت حدهـا لحظـة غضبهـا



    ****************************************

    المباني

    جابك الله من غياب ٍ ضيّـق صـدور المبانـي
    قبل لا الوحشه تزعزع بيتك الصلـب وتبيـده

    بيتك اللي من رحلـت وكـل جدرانـه تعانـي
    ماتحمـل ينتظـر شهريـن وعيونـك بعيـده

    الله العالـم لـو إنـك جيـت متأخـر ثوانـي
    ماتشوف إلا بقايا مـن حصـاه ومـن حديـده

    من عرفتك وأنت تايه من مواني لـي موانـي
    وتارك ٍ قلبي مولّع مـن وقيـده فـي وقيـده

    ضاعـت سنينـي أحـد بهاليالـي وتحدانـي
    وأنت ماتشبع غياب ولاتخـاف مـن النقيـده

    ودي أتحمـد لـك الله بالسلامـه , مامدانـي
    كل ماتوصـل برحلـه ترجـع برحلـه جديـده

    دام تدري كل وجـه ٍ غيـر وجـه الله فانـي
    ياخي أكسبلك ثواب وخاف ربـك فـي عبيـده

    كان فيني عيـب قلي:فينـي العيـب الفلانـي
    كان هرجي مزعلـك فـي شـي قلي:لاتعيـده

    عيب تصغر في عيوني وأنت برقاب الغوانـي
    كيف تستسهل طعوني وأنت خابرنـي وليـده ؟

    لعنبوك أن مت بيدك من يفكك مـن أخوانـي ؟
    لحزنوا ربعي على فرقاي شاللـي تستفيـده ؟

    أنت منت اللي عشقته أنت أكيد انسـان ثانـي
    ليه صرت بهالبرود وبهالاحاسيـس البليـده ؟

    وين حبك للزعـل .ويـن العنـاد الأولانـي ؟
    وين حنّية زمـان وفرحـة العمـر الرغيـده ؟

    وين ذاك اللي اليا أقبـل مايبـات إلا بمأنـي ؟
    وين راح اللي اليا أقفى مايـروح ألا فقيـده ؟

    واحد ٍ من جابـه الله بـس يامـر ويعصانـي
    الوحيد اللي أخافه غصب وأمشي معـه سيـده

    (مابغيت أطيـح بيـده) ليـن ماربـي بلانـي
    ولا أنا لو هي بكيفي (مابغيـت أطيـح بيـده)

    ذاك بس اللـي يامـن جيتـه يلخبـط كيانـي
    اللي بنظـره ينشـف دم قلبـي فـي وريـده

    قبل أشوفه أجمع اله أحلى القصايـد والمعانـي
    وأن لقيته ماعرفت أقـول لـي جملـه مفيـده

    الف مره قبلـه أعـد القصيـده مـن لسانـي
    ولعنبوه أن جيت عنده قمت أخربط بالقصيـده

    أمدحه وأنا أدري أنـه لـو تباطانـي نسانـي
    أنطحه وانا أعرفه مجنـون وأفكـاره عنيـده

    من يسوي بي سواتك يالرهيف الاسمرانـي ؟
    منهو من الناس غيرك غلطته ترفع رصيـده ؟

    من يقص(جناح طيرك)وأنت أعز أنسان جاني ؟
    ليه أخاف(رماح غيرك)وأنت ضرباتك سديده ؟

    ان تبعتك .أتبعك من طيبـي وواسـع بطانـي
    ولا أنا لاجيـت أكيـد انسـان عـزالله بكيـده

    أقدر أنزع لك ثيابـي وألبـس ثيـاب الأنانـي
    وأقدر أطلع من عذابي والعب بدورك وأجيـده

    ومستعد أكسب رهاني لو بغيت أكسب رهانـي
    وأخدعك بحساس كاذب وأتحدى مـن يصيـده

    أبك أنا لي شفت خلّي حط غيري فـي مكانـي
    والله إني لتركه وأن صد لعشـق سيـد سيـده

    جيت مابيك تحقرني جيت أبيـك تعـز شانـي
    جيت أبي فزعة ظلوعك من مشاعرك البليـده

    خلني داخل (حدودك) وأجبـر بخاطـر زمانـي
    أكذب بباقي (وعودك) وأصدق بلحظـه سعيـده

    أنتشلني من (بـرودك) لـو تولّـع بالمحانـي
    عطني أحساس (بوجودك) وأخذ كل اللي تريـد

    تكفى واليا قلت :تكفى بيع خلـق الله عشانـي
    لاتضيّع من يدينـي فرصـة العمـر الوحيـده

    يعلم الله شفت منـك ومـن غيابـك ماكفانـي
    كان ماتقـدر تخفـف هـم قلبـي !! لاتزيـده

    شف غيابك وش يسوي بالصـدور وبالمبانـي
    وأنت تدري كيف كانت صدمت غيابك شديـده

    والله أنك لو وصلـت البيـت متأخـر ثوانـي
    مالقيت إلا بقايـا مـن حصـاه ومـن حديـده




    سعوديين لو قلنا نبرهن قولنا بأفعال يذوق المر والحسره مع الذله معادينا

  2. #2

    ساهري
    الصورة الرمزية دمعه فرح
     رقم العضوية : 10568
     تاريخ التسجيل : Nov 2006
     المشاركات : 1,858
     الإقامة : في قلب من احب
     هواياتي : كتابه النثر والشعر والقراءه
     اغنيتي المفضلة : الحب المستحيل
     إعجاب متلقى : 6 إعجاب متلقى
     إعجاب مرسل : 1 إعجاب مرسل
     قوة السمعة : 14
     الحالة :  دمعه فرح غير متصل


     

    افتراضي

    ناني يالغاليه الله لايحرمني منك وسلمت يمينك ياقلبي
    عالمجهود ,اطربتيني يالغلا بالقصايد الحلووه
    اشكرك مره ثانيه على ذوقك يا ذوووووووووووق

    تحياتي لك




  3. #3

    الصورة الرمزية اماني المحبة
     رقم العضوية : 1314
     تاريخ التسجيل : Oct 2005
     المشاركات : 2,964
     الإقامة : مدينة الحب ((جده))
     إعجاب متلقى : 2 إعجاب متلقى
     إعجاب مرسل : 0 إعجاب مرسل
     قوة السمعة : 16
     الحالة :  اماني المحبة غير متصل


     

    افتراضي

    تسلمين ياقلبي على المرور الجميل
    الله لايحرمني منك




    سعوديين لو قلنا نبرهن قولنا بأفعال يذوق المر والحسره مع الذله معادينا

  4. #4

    الصورة الرمزية المتيم الساهر
     رقم العضوية : 15879
     تاريخ التسجيل : Feb 2007
     المشاركات : 1,326
     الإقامة : في زمن العجايب
     هواياتي : التقلب على جمر العذاب
     اغنيتي المفضلة : هارب , الحب المستحيل , شحلو طولك , عبرت الشط , زيديني عشقا , التحديات , و كل ما غنى القيصر
     إعجاب متلقى : 2 إعجاب متلقى
     إعجاب مرسل : 0 إعجاب مرسل
     قوة السمعة : 14
     الحالة :  المتيم الساهر غير متصل


     

    افتراضي

    من روائع زيد

    اشكرك اختي على اختيارك الجميل

    تحيه

    [align=center]


    تقول انسى
    واقول احن لو اقدر رغم طول النوى انسى
    تقول اقسى
    واقول اللى شرب من عينك الاحساس ما يأسى
    احبك يا بعد هالقلب احبك , احبك , احبك

    ابا اتأسف وانا ما اخطيت لانى بالفعل حبيت
    انا سمعتنى الايام ياليتك تسمعى يــــاليت

    صعب اصبر على الحرمان صعب انسى ولو لحظه لانى عاشق وانسان
    صعب اصبر على الحرمان صعب انسى ولو لحظه لانى عاشق وانسان

    كفايه قسوة العالم تعالى انا محتاجلك دايــم قبالـى
    تعالى من ورا حزنى تعالى من خيــــالى

    وتقــــــــــــــوول انســــــــــى


    انــــــــــا لفــيت حتــــى تــعبت الدنـــيا من اسفـــارى
    ولا لقيت فى عز الشتاء مثلك دفى واخلاااااص يا نارى

    نهارى والسهر انتى
    واحــلام العمر انـتى

    ولو بان لى صوتـك
    عرفت السر فى سكوتك
    انا عشقك وا نا موـــتك
    وانا دارى

    وتقــــــــــــــوول انســــــــــى

    احبك
    احبك
    احبك

    انااااااا





    هاتي يديك , فأنت زنبقتي و حبيبتي رغم الذي كان , رغم الذي كان



    [/align]

  5. #5

    الصورة الرمزية اماني المحبة
     رقم العضوية : 1314
     تاريخ التسجيل : Oct 2005
     المشاركات : 2,964
     الإقامة : مدينة الحب ((جده))
     إعجاب متلقى : 2 إعجاب متلقى
     إعجاب مرسل : 0 إعجاب مرسل
     قوة السمعة : 16
     الحالة :  اماني المحبة غير متصل


     

    افتراضي

    مشكور ملك الليل على المرور




    سعوديين لو قلنا نبرهن قولنا بأفعال يذوق المر والحسره مع الذله معادينا

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الاعضاء الذين قرؤوا الموضوع: 0

لا يوجد أعضاء لوضعهم في القائمة في هذا الوقت.

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •