هذه أول مشاركة لي في هذا المنتدى الرائع واتمنى أن لا أكون ثقيلاً عليكم وتقبلوا تحياتي..


عند بابك
*******
صرختي كبر المدى..
لكن بليّا صوت..
صرختي في ظرف..
يملاه,,,,السكوت..
وكم كلمه..
أبسكتها,,,,وأبحكيها..
عند بابك..

شوفي بقاياي,,, وخذيها..
ومامضى لي من سنيني..
عند بابك..

خذي باقة اوجاعي..
وتغليفة اضلاعي..
خذي موتي المولود..
مع مولد زمانك..
خذي عمري المؤود..
في قبر حرمانك..
خذي ماتنزف شراييني..
خذي دمعي..
بحر عيني..
خذيني..
لو تلاقيني..
أو بقى لك شي فيني..
ولا أنسى,,,قبل لاأنسى..
خذي صورة هلاكي..
يوم احبك..
وصورة قلبي المذبوح..
من قلبك..
خذي الذكرى..
بخليها..
عند بابك...

تعلمت ان الهوى ديره..
كلها شك,,وملام,,
وكلها حيره..
تعلمت ان الهوى شاعر..
وقلبك من أساطيره..
تعلمت ان الهوى زله..
وكحلك,, من تحاذيره..
تعلمت ان الهوى قلبك..
يغيب ولايحس فيني..
تعلمت ان الهوى دربك..
يتوّهني وينفيني..
وانا أدري وش اللي مكنّه مني..
صراحة قلبي الصادق..
وأخلاصي ..
وحسن ظني..
ولا أنسى..
قبل لاأنسى..
خذي صورة هلاكي..
يوم أحبك..
وصورة قلبي المذبوح..
من قلبك..
خذي الذكرى..
بخلّيها..
عند بابك...
*** *** ***
فارس محمد فارس