النتائج 1 إلى 7 من 7

الموضوع: شباب كوووووووول :::: كلمات ل عمرو الساهرى

  1. #1

    الصورة الرمزية عمرو الساهرى
     رقم العضوية : 339
     تاريخ التسجيل : Jun 2005
     المشاركات : 487
     قوة السمعة : 15
     الحالة :  عمرو الساهرى غير متصل


     

    شباب كوووووووول :::: كلمات ل عمرو الساهرى

    [align=center]شباب كوول ::: كلمات بالعاميَّه المصريَّه ل عمرو الساهرى

    (1)
    ياما ناس ومعاها شهايد
    تافهين مافى منهم فايد
    تشوفهم لابسين وألآجه
    ودماغهم ولا فيها حاجه
    تلاقيهم ماشيين بهوات
    وكلامهم كله افتكاسات
    وع المحمول دايماً يحكوا
    وع الرقص وع الستات
    شباب ماشا الله عليه فنان
    عيال مرووشه والعوبان
    فى الخيبه دايما كده فالحين
    ودماغهم مليانه محشى وطين
    ياناس ياهو هو خلاص
    العلم ده سيبه وخلاص انداس
    والدنيا بقت رنَّه ومحمول
    وشاب ظريف وبنت وكول
    وهدوم مش عارف ماركتها
    وبنات وياعينى على خيبتها
    وعربيه كمان وسجاره
    والدنيا قاسيه ودواره
    ونصب وسرقه ونهب كمان
    وتجاره ما هى تجاره
    والدنيا ياناس أدى حالها
    مكسب ياروحى على خساره
    يموت العازف والالحان
    وتبقى معانا الزمَّاره
    _________________
    (2)
    قابلتنى شبَّه ظريفه اليوم
    ولابسه كمان من غير هدوم
    عمَّاله تضحك وتكاكى
    تحكى بلازم ومن غير لزوم
    قالت لى تعالى ياعم وشوف
    اللعب هنا ع المكشوف
    قرَّب بقى وبلاه الخوف
    مالك كده منى مكسوف
    قالت لى قرَّب وشوف الشوز
    قلتها أبداً والله ما يجوز
    قالت لى بلاه الشوز يا عمى
    قرَّب كده وتعالى جنبى
    ورينا شطارتك يابن الأيه
    وروَّق كده وسيبها عليه
    ودق لها مطرح ما ترسى
    أنا مش حلوه ولا أيه؟
    حلاوتك يابنتى مش بالجسم
    ولا بالعيله ولا بالأسم
    يا ما كتير بنات قمرات
    ضاعوا ياحلوه كده من الرسم
    تعمل نفسها دايبه ودوب
    وتلبس كمان بالشقلوب
    وتاخد بُمبه من المحبوب
    او يمكن تاخد تعسيله
    او تشرب وتدوق البيره
    وجايز تقضِّيها حبوب
    شباب اليوم يتخاف منَّه
    شباب فسدان همدان تعبان
    الزمن والناس واكلين منَّه
    مكبوت حيران واخر دوخان
    فيابنت الناس خلى ف بالك
    فوقى كده وصحِّى دماغك
    وامشى سليم وبلاش تلاكيك
    وبلاش تقضيها مسالك
    ده الواد لو مشَّى معاكِ
    وقال دنا دايب ف هواكِ
    وغنَّى كمان ليكِ لولاكِ
    وعمل نفسه كده محروم
    وصِعِب عليك يابنت الناس
    فخلى بالك من التمثيل
    وخلى بالك من الاحساس
    دى الخبطه ع الراس توجع
    فما بالك بكلام الناس
    لمَّا البيه يسرح بيكِ
    ويشاور للكل عليكِ
    البنت دى بنت حلال
    اطلبها تجدها كده فى الحال
    بكلمه ونظرة وغمزة عين
    تأتى اليكِ بكل المال
    وانت ياحلوه نعسانه
    وفى بحر الحب غرقانه
    وتحلمى بالبيت والعيله
    وهو يغنى ياحليله
    تقولى هيبقى ابو عيالى
    وهو يقول نفسى فى ليله
    اعيش واتمتع وادَّرمغ
    ويسيبك ياروحى ذليله
    ويحكى كمان عن كل شىء
    ولما ينجز يديكِ طريق
    وتبقى اسم ف دفاتره
    دايماً ينساكِ ومش فاكره
    وتعيشى انت فى الأوهام
    وتمنِّى روحكِ بالأحلام
    وهو خلاص نفَّض ليكِ
    ويبص كده على قدَّام
    يشوف له بنت أحسن منكِ
    ويقول لك انا مش مطمن لكِ
    وايه ضمَّنى إنِّك خام
    يلِّى انتِ مشيتى ويايا
    ورقصتِ كمان على هوايا
    بقولك انا كده كفايه
    يلا بقى سيبينى اوام
    انتِ أكيد تعرفى غيرى
    ومفيش دخَّان كده من غير نار
    ويسيبك يا حلوه ويفلسع
    فى نار الغدر اللى بتلسع
    ويجرى كمان ويقول وسَّع
    ويقول انا اسمى استهتار
    ويسيبك فى دنيا غير الدنيا
    ويرفع لك هو الستار
    ___________________
    (3 )
    واقف قرفان ومتنرفز
    والحيره فى راسه هتبلبز
    عمَّال يُنفخ وكمان طهقان.
    قلت له مالك ياعم البيه
    مالك زعلان أوى كده ليه
    قال انت مالك ومالى
    ابعد بقى سيبنى ف حالى
    وروح بعيد دلوقتى يا مان.
    والواد ياعينى مازال حيران
    عمَّال يندُغ ف اللبان
    ييجى شمال ويروح يمين
    ويدبدب فى الأرض كمان
    أنا قلت المسأله كبيره
    والحاله باين دى خطيره
    وفجأه رنَّ المحمول
    وحبيبنا روَّق وبقى كوول
    وضحك كمان واتنعنش
    ومزاجه اتعدِّل واتفرفش
    رُحت عليه وانا فرحان
    طمِّنى ياأبو التراويش
    قال لى ياباشا خلاص ارتحت
    والهم خلاص والكبت مفيش
    وانا فى دماغى بلف وادور
    وعايز أعرف أيه الدور
    قال لى بكل بساطه ياعمى
    الرَّنه دى زالت همى
    دى كانت ماما بتكلمنى
    وتقولى يا توتو وكمان يابنى
    اوعى تاكل كده من برَّه
    وفى المخالف ما تمشيش
    واوعى تكلم ايوها حد
    واوعى تنسى تجيب العيش
    قلت يا رب يا قابل التوبه
    هى الناس كلها معيوبه
    البيه متنرفز وعامل شبُّوره
    ولازم حتى يجيب العيش
    ماما تعطيه الشورى
    فمابالك لو بقى مسئول
    والحكم فى ايده كده والقول
    هيمشى مميل ولاَّ معدول
    يا عم امشى وما تدَّقش
    روَّق كده وكمان طنِّش
    توتو ده بكره يبقى كبير
    يبقى كمان مسئول ووزير
    وييجى كمان كده فى الاخبار
    ويبقى الجد معاه بهزار
    يغسل ايده قبل الاكل
    وبعد الاكل وقبل الزار
    وقبل ما يطلع كده من الدار
    وقبل ما ياخد اى قرار
    يرن رنَّه بالمحمول
    ويقول ياماما انا جىَّ على طول
    قولى لى بس أنا اعمل ايه
    يا ماما قولى لى اعمل ايه
    قلب الام يا روحى عليه
    هى هتأخده وتدفيه
    وتهسِّكهُ كده وتغطيِّه
    وتقول له يا توتو نام
    وادبح لك جوزين حمام
    وسلام على توتو ألف سلام
    ________________
    (4)
    طالع من صالةِ الجيم
    منفوخ تقولش ياخويا طور
    ماشى فى الشارع ولا همُّه
    راسم كده علينا الدور
    لابس بودى ومافيش منَّه
    فارد صدره ع الجمهور
    الباشا مشَّى قدَّامنا
    خبَّى ياروحى علينا النور
    شاف بنتين واقفين
    ميِّل عليهم فى دقيقتين
    وصبَّح عليهم ومسَّى
    وقال أهلا بالحلوين
    ورفع وبيِّن عضلاته
    ورخّم أوى ف حركاته
    البنات بسرعه خافوا منَّه
    هربوا وجروا بعيد عنَّه
    وهو واقف زى الطور
    ووراه الصبى بيرش بخور
    ويقول له ياباشا دى خفيفه
    وقبل ما تدخل قول دستور
    لو كانت الدنيا بالعضلات
    أو كان الحب بالعمارات
    كان واحد زيِّى كده رفيَّع
    من الركنه والكبت مات
    احنا يا سيدى بنى أدمين
    عندنا مخ وعقل ودين
    ربنا يرفع فى قيمتنا
    واحنا دايماً كده نازلين
    العلم ده هو المبدأ
    ولازم بالعلم نبدأ
    مش لازم نبقى أنانيين
    فكَّر كيف تبنى ف مخَّك
    وتعوِّد قلبك ع الحنان
    وتساعد كل من قصدك
    وتعطف على الغلبان
    وتسامح كل من ظلمك
    ده انت بالعقل مش بالجسم انسان
    __________________
    د / عمرو الساهرى
    2007
    [/align]


  2. #2

    ساهري
    الصورة الرمزية سيف الله
     رقم العضوية : 6718
     تاريخ التسجيل : Jul 2006
     المشاركات : 1,212
     الإقامة : دوحـ][الحب][ــة
     هواياتي : العزف على الكيتار - الفروسية - كرة القدم - النت
     اغنيتي المفضلة : موضحكتك - واني احبكي - هاحبيبي - اشهد
     قوة السمعة : 15
     الحالة :  سيف الله غير متصل


     

    افتراضي

    ياما ناس ومعاها شهايد
    تافهين مافى منهم فايد
    تشوفهم لابسين وألآجه
    ودماغهم ولا فيها حاجه
    تلاقيهم ماشيين بهوات
    وكلامهم كله افتكاسات
    وع المحمول دايماً يحكوا
    وع الرقص وع الستات
    شباب ماشا الله عليه فنان
    عيال مرووشه والعوبان
    فى الخيبه دايما كده فالحين
    ودماغهم مليانه محشى وطين
    ياناس ياهو هو خلاص
    العلم ده سيبه وخلاص انداس
    والدنيا بقت رنَّه ومحمول
    وشاب ظريف وبنت وكول
    وهدوم مش عارف ماركتها
    وبنات وياعينى على خيبتها
    وعربيه كمان وسجاره
    والدنيا قاسيه ودواره
    ونصب وسرقه ونهب كمان
    وتجاره ما هى تجاره
    والدنيا ياناس أدى حالها
    مكسب ياروحى على خساره
    يموت العازف والالحان
    وتبقى معانا الزمَّاره
    المقطع الاول جميل جدا..
    ولي عودة ان شاءالله على المقاطع الاخرى..

    بس اخوي اذا ممكن تشرحلي هذه المعاني

    مامعنى:

    ألآجه؟؟
    افتكاسات؟؟
    عيال مرووشه والعوبان؟؟




    اخوك/سيف الله

    [align=center][/align]

    [align=center][/align]
    [align=center]===========================================[/align]
    [align=center][/align]
    [align=center]===========================================[/align]
    -

    [align=center]دع ِالأيــام تفعلُ مــا تشـــاءُ وطِـب نفسـاً إذا حـكمَ القضــاءُ

    ولا تجـــزع لِحـادثةِ الليــالـي فــمــا لحـــوادثِ الــدُنيا بـقـــاءُ

    وكُـن رجُلاً على الأهوالِ جلـداً و شيمتُك السماحةُ و الوفــاءُ
    [/align]
    [align=center]===========================================[/align]

    [align=center][/align][align=center]الشاعر يوسف العصيمي _ شاعر المليون[/align]


    [align=center][media]http://www.nabati.ae/streaming/Eps8/Yousef.wmv[/media][/align]

    [align=center]*·~-.¸¸,.-~*كافي دم يا عرااااق*·~-.¸¸,.-~*[/align]

  3. #3

    الصورة الرمزية تلميذ راسب فى الحب
     رقم العضوية : 13563
     تاريخ التسجيل : Jan 2007
     المشاركات : 254
     الإقامة : على ضفاف النيل
     هواياتي : الرياضه
     اغنيتي المفضلة : كل الاغانى
     قوة السمعة : 13
     الحالة :  تلميذ راسب فى الحب غير متصل


     

    افتراضي

    يادكتور عمرو حاول تبعد عن مصر وشباب مصر

    انا لو قلت رائى فى الكليمات التافه دى هتزعل
    على شان خاطرى متكتبش عن مصر وشبابها


  4. #4

    ساهري

     رقم العضوية : 8911
     تاريخ التسجيل : Sep 2006
     المشاركات : 562
     اغنيتي المفضلة : ا
     إعجاب متلقى : 2 إعجاب متلقى
     إعجاب مرسل : 0 إعجاب مرسل
     قوة السمعة : 13
     الحالة :  نسمة غير متصل


     

    افتراضي


    الأخ عمرو ... جعلك الله من الصالحين قولا وعملا



    الحمد لله ... لقد انهيت قراءتها بعد ان قطعت نفسي رعاك الله

    لفد قرأت البيت الأول ثم توقفت وبدأت أسأل نفسي ....

    بابنت هل انت كذلك ؟. فينبري الضمير بالأجابة وأعاهد نفسي

    على الثبات والصلاح ... وهكذا أكملت كل الأبيات ....

    كانت محاسية للذات عجيبة رهيبة ... وبصراحة لم تذكر شيئا

    لانعلمه من قبل الا القليل ... ولكن طرحك للموضوع وبالأسلوب

    الساخر الذي اوردته ... جعله قمة في الروعة والأبداع

    وفقك الله وهدانا وإباك ...

    أختك .... نسمة

  5. #5

    الصورة الرمزية عمرو الساهرى
     رقم العضوية : 339
     تاريخ التسجيل : Jun 2005
     المشاركات : 487
     قوة السمعة : 15
     الحالة :  عمرو الساهرى غير متصل


     

    افتراضي

    سيف الله
    والله مرورك الرائع زوَّد جمال الكلمات
    وانا تحت امرك اكيد واتمنى ان القصيده كلها تعجبك مثل ما اعجبك المقطع الاول
    بالنسبه للكلمات اللى انت لقيت بيها صعوبه
    هى من الكلمات الدارجه عندنا بمصر
    بس كونك مش مصرى ممكن تكون شويه غريبه عليك
    بس تفسيره كالتالى
    الآجه يعنى شياكه وجمال مثلا نقول الواد ده النهارد اخر الآجه يعنى أخر شياكه
    افتكاسات دى كلمه حديثه بالشارع المصرى
    ومفردها افتكاسه وهى مش عربيه خالص بس معناها ان واحد عنده القدره على اختراع اى شىء وتبرير اى كلام
    يعنى افتكاسات معناها اختراعات بمعنى اخر تحايل على الكلمات
    كلمة العوبان بقى تاتى من لعب ولعبى يعنى خلبوص فى مصر بنقول مقطع السمكه وديلها يعنى بتاع كله
    اشكرك من كل قلبى
    وربى يبارك بيك


    تلميذ راسب فى الحب
    اولا أنت أسأت لى وبصراحه مش عارف ليه
    اولا انا اعرف قيمة كلماتى جدا وحكايه انك تقول تافه او مش تافه
    دى حاجه ترجع لك
    بس انا حابب اقول لك كلمه ان انا مصرى
    وعارف كويس قيمة مصر وشباب مصر
    انا بكل بساطه عبرت عن شباب بنوعيات مختلفه
    مش شرط يكون موجود فى مصر
    ممكن يكون موجود فى اى مكان
    بس عبرت لالعاميه المصريه لانها الاقرب والاوضح
    وبعدين هو انت عمرك ما صادفت ناس بالشكل ده
    ولا ماشاء الله الشباب كله بيصلى دلوقتى وملتزم


    الشاعره نسمه
    بصراحه اعجبنى وجودك وردك الرائع الملىء بروح المثابره
    شوفى انت بكلمه واحده يتضح انك ممن يحاسبون انفسهم
    وكمان من الناس اللى يهمها اوى وجودها
    بصراحه فرحتينى
    وان شاء الله ربنا يوفقنا نعمل احسن ما بايدينا
    والله ولى التوفيق
    شكرا لك وربى يبارك بعمرك


  6. #6

    الصورة الرمزية تلميذ راسب فى الحب
     رقم العضوية : 13563
     تاريخ التسجيل : Jan 2007
     المشاركات : 254
     الإقامة : على ضفاف النيل
     هواياتي : الرياضه
     اغنيتي المفضلة : كل الاغانى
     قوة السمعة : 13
     الحالة :  تلميذ راسب فى الحب غير متصل


     

    افتراضي

    يادكتور انا مصرى زيك
    بس كل الحكايه انى بغير على بلدى
    وكليماتك بدون شك مميزه جدا

    بس ده رائى بصراحه
    انا قرأة لك كتير وكلامك كله جميل بأستسناء دي وواحده تانيه عن مصر برده
    ماتزعل من رائى


  7. #7

    مالعمر إلا عبور في
    الصورة الرمزية انجيلينا جولى
     رقم العضوية : 11894
     تاريخ التسجيل : Dec 2006
     المشاركات : 1,186
     الإقامة : بلاد القهر والكبت
     إعجاب متلقى : 50 إعجاب متلقى
     إعجاب مرسل : 5 إعجاب مرسل
     قوة السمعة : 14
     الحالة :  انجيلينا جولى غير متصل


     

    افتراضي

    هههههههههههههههههه انت عارف رايئى قبل كدة هههههههههههههههههه
    انت منين من المحروسة

    ميرسى يااحلى ملاك (رينوده)

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الاعضاء الذين قرؤوا الموضوع: 0

لا يوجد أعضاء لوضعهم في القائمة في هذا الوقت.

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •