[align=center]انه اصبحت مو انسان بلايه العراق
كل يوم اذكرك والدمع على وجن
محد ينسى صبح بغداد الامجاد
وانه عندي بلاد وتاريخ الوطن

الله واكبر شد يصير بهل البلد
بغداد عيونها من الدمع اتغركن

حظرولك توابيت من كل الاخشاب
وبديهم فصلولك ولبسوك الجفن

الكاع انشكت وبلعت هل البشر
والذبح صار عاده والسيوف ينحدن

والكبه الشريفه اتفجرت ياناس
وكل المساجد والمناير اتحطمن

والارض ماطلعت زرع انكلب سموم
وثياب العراق قطعه قطعه اتحركن

اشضل بيك غير الاسم والخارطة
والمناطق بيك كل يوم يخلصن

ونفطك يتهرب لجوار ولكل الدول
وشما جره تبقى عراق يابو المحن

وبس دجله من غير الفرات والله
اتشبع العطشان لو ميت زمن....

شلون لو دجله اتخاوي الفرات
وتطرد الاعداء وتكلهم خل يولن

روحي عفناك والدمع سايل غصب
وانه ادري الدبابات بيك يمشطن

وين صار الجنوب ويل الشمال
كلنا نريد فزعتك يابو الحسن

بغداد انهضمت وشبعت ضيم وقهر
وصوت القنابل صار اهناك مثل الحن

صار انفجار اهنا وصار انفجار هناك
وطلقة اتفرق الاب ويلي عن الابن

كافي عاد مو ملينه لونك يا دم
وجم عزيز وطفل راح بهل المدن

بس احبك يعراق لو تنكلب تابوت
واحضنك لو صرت موت والله اموتن

لك يابستان انته وابد ماتحترك
وبيك كل هاي الدول يتشمخرن

مو حبر بس عل ورق لاوحق تربتك
من كثر حبك حتى المصارين يلهجن

يابو الخير انته يافحل يابو المرجله
بيك تاريخ الك هاي الدول صفكن

مامتت لا ابد صدكني متموت ابد
ويجي اليوم الي تتطلع من السجن

ياعود العرب انته يل الملاك الزين
تبقى الصكر لو جنحانك اتكصكصن

وشنهي المهرة من غيرك يخيال
يافرس انته وغارت منك هل الحصن

واختم روحي لك وانكلب بيك الحبر
اخذ دمي وغسل جفوفك خل يطهرن

عراقي انه كيفي والعراقي كيفى
ومااغير هويتي لاوحك موت الحسن

خل يطم نفسه اليفرق طم التراب
تبقى السنه والشيعه اثنين مايتفركن

تبقى السنه والشيعه اثنين مايتفركن

********************************************
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ


عراقي لحد كطع النفس[/align]


[color=FF0000[align=center]][align=center]تحياتي لكم اخوكم ميثم الشمري

ارجوا الردود
[/align][/align][/color]