على فرض أنك شاب متمكن ماديا وردت تفكر بالزواج من حبيبتك( طبعا بعد إهمال تفاصيل حالتك عندك سياره لو لا وحذف فقره الموبايل من الأن فصاعدا ) رح تتخذ قرار الزواج وتبتدي بسلسلة خطوات التنفيذ ............

أولا :-

رح تكول لأختك لأنها أقرب وحده ألك(هذا طبعا بعد التغاضي عن سلسلة الخلافات بينكم وإهمال أنك خربت سالفة زواجها من اللي تحبه واخيرا ما ممكن ننسى انك زوجتها لصديقك المتخلف لان عنده وكاله مال كارتات موبايل بالحارثيه ) وتخليها تساعدك بالخطوات الجايه...........

ثانياً :-

رح تاخذ أختك وتروحون انتُ الاثنين على الحجيه والدتك .........

الأخت: يمه أخويه يريد يتزوج شنو رأيك ............

الأم : كللللللللللللللللليش اخيرا يمه رح تسمع كلامي وتاخذ بت خالتك والله فرحت قلبي .........

حضرتك: يمه صلي على النبي يا بت خالتي صدك جذب تحجين ........

الوالده : ليش شبيها بنت خالتك هيه لان وزنها 120 كيلو ما تريد تتزوجها ؟ بعدين ألمن تريد تاخذ ؟

حضرتك: أريد آخذ بنت جيرانه أبو أحمد .........

وهنا تبدأ الست الوالده بتصنيف البنيه ورح تجمع بيها عيوب الدنيا كلها و تنكد عليك أشد تنكيد وبعد المفاوضات التي قد تدوم أشهراً توافق بس لازم تعيش في بيت وحدك لأنها متحب البنيه وبما أنك ما عندك هاي الأمكانيه رح تحترم نفسك وتبطل سالفة الزواج وتخليك تحجي ويه البنيه بالتلفون هووووووووووووووووووووووووووايه أحسن .

وبالخير عليك مقدما عزيزي العريس



تحياتي .........
بنت العراق