النتائج 1 إلى 3 من 3

الموضوع: انت العين

  1. #1

    ساهري
    الصورة الرمزية حزن الليل
     رقم العضوية : 23246
     تاريخ التسجيل : Oct 2010
     المشاركات : 53
     الإقامة : دبي
     هواياتي : كتابة الخواطر ومشاهدة كرة القدم والتنس
     اغنيتي المفضلة : لاياصديقي
     قوة السمعة : 9
     الحالة :  حزن الليل غير متصل


     

    انت العين

    (انت العين )

    تبقى انت ما انت بعيد....
    انت العين وأكرب من جفنها....
    ومن غريب.....
    انت الوالد اللي يحظن بديه ابنه وبنته.....
    ومن وحيد.....
    انت الشعب كله بشيعتة وسنته.....
    منهو اللي كالك ناسيك.....
    هم ينسة الكمر وكته...
    لو نبض الكلب يتنكر لدكته.....
    بس عشكك عشك مفضوح.....
    وعشك الناس كلها مساتر وسكته.....
    صرت انت سبت وبركبه ايهودي...
    هم شايف يهودي ايجوز من سبته.....
    انت الفارس اللي يسبك هبوب الريح....
    وما اظن الخيل سابكتة.....
    وانت اللي يرهم اترابك كحل للعين....
    ودوة للي ما شفت علتة.....
    ومن طينك نحني اجفوف المعرسين....
    ومن اصبع فرح من طكتة.....
    وانت الريحة اترابك اترد الروح....
    هيل...وزعفران....وعنبر بشمتة.....
    ومثل تراب كاعك ما لكينة اتراب.....
    يرهم للصلاة من طينة تربته....
    انت اينام بيك المرتضى الكرار....
    ابو الحسنين التلوذ الناس بشارتة وبخته....
    وانت اينام بيك بكربلا حسين
    اللي ما بايع الطاغية ودنك ركبتة.....
    وانت اللي ظلت بيك شارة العباس....
    لمن.....
    دنكلة الفرات وباسة من شفتة....
    من طلعت منك يوم طرني البين....
    كلبي وياي ما جبتة.....
    اثاريني نسيتة اهناك....
    عندك كلبي امنتة.....
    شتلتة بجرف دجلة الخير....
    وي سباح الشواطي شربكت بتة....
    وانت دم عروكة ذيج الكاع......
    وبماي الفرات ودجلة عمدتة....
    ولمن صار ينكل جدمة بين الناس.....
    اخذتة وياي للكاظم وعلى الشباك زورتة.....
    صح هسة اصبحت من وطن نيدرلاند.....
    هولندي الهوية وشعري جللتة.....
    وصح اتاقلمت وي الغرب فد نوب....
    وصرت ماصخ مثلهم والملح عفتة.....
    وصح كمت ارطن رطنهم من يرطنون.....
    ولسان العرب بالاعجمي كسرتة.....
    لكن مدري شيصير بية من يمر طاريك.....
    احسك دفو تموز بوسط شتة انتة......
    وثاريني مثل طبع النخل لو طال.....
    يرجع للاصول وتنحني سعفتة.....
    العالم نسة يو اهدعش ايلول.......
    وصارت بيك سالفتة.....
    ناس اتكول لازم نحتويه....
    ونشفط البترول....
    ونعوض الراح ونسرك بركتة.....
    وناس اتكول لازم الحصار ايدوم.......
    وناس اتكول لازم ننزع اسلحتة......
    وناس اتكول خطية....
    اطفالة ماتو من الجوع......
    وناس اتكول حيل وياه.....
    ما حمد ربة وشاكر نعمتة.....
    وانت بين هذا وذاك صاير شبح لليرمون......
    وياهو الكام ضدك سدد تفكتة.....
    جي انك حلو والدول منة اتغار.....
    ما عدهم اللي عندك من مجد نلتة.....
    انت اول وطن ادم وضع جدمة علية......
    وكال يا الله ولنك وصلة من جلدة......
    وانت اول وطن حبه النبي ابراهيم.....
    ودعا ربة يصونة برحمتة وعزتة......
    وانت اول وطن مرسى لسفينة نوح.....
    والنبي ايوب ناخت بيك راحلتة......
    وانت اول وطن علم الناس ابجدية ويكتب التاريخ.......
    وانت اول وطن قانون سننتة.....
    وانت اول وطن كالتلة الشمس ....
    يمة صباح الخير....
    واذا رادت تمسي... تمسي يم كبتة.....
    وانت اول وطن ما تشبه الاوطان .......
    مدري ربك شلون خالقك....
    سبحان ربي شلون صورتة.....
    صورتة العراق وبس علينة ايلوك.....
    واحنا انلوكلة لمن يحن وكتة....
    واحنا انلوكلة لمن يحن وكتة


  2. #2

    ساهري
    الصورة الرمزية Rama
     رقم العضوية : 22907
     تاريخ التسجيل : Aug 2010
     المشاركات : 22,997
     الجنس : Female
     الدولة : United Arab Emirates
     إعجاب متلقى : 3169 إعجاب متلقى
     إعجاب مرسل : 3316 إعجاب مرسل
     قوة السمعة : 38
     الحالة :  Rama غير متصل


     

    افتراضي

    أعجز عن التعبير

    و ردي هنا سيكون أبسط ما يمكن



    أخي مفرداتكَ عراقية بحتة

    و أسلوبكَ في السرد قد أّذهلني



    لكن هناك تعقيب بسيط أود أن تسمح لي به

    هنا :


    وانت اللي ظلت بيك شارة العباس....
    لمن.....
    دنكلة الفرات وباسة من شفتة....


    أخي التشبيه حلو كتير

    بس ما بعرف ليه حاسة إنو ما بصير ينحكا هيك حكي عن العباس

    يعني مهما كان و حتى لو نهر دجلة

    ما بصير تذكر جملة "باسة من شفتة"



    مجرد وجهة نظر

    و شكراً جزيلاً ليمناكَ الرائعة



    تحياتي

    ريــــــــــم



    + 5 نجوم


  3. #3

    رحم الله وجهها لم أنسآه

    الصورة الرمزية أحاسيس كاظمية
     رقم العضوية : 23031
     تاريخ التسجيل : Sep 2010
     المشاركات : 21,910
     الجنس : Female
     الدولة : Saudi Arabia
     الإقامة : تحت التراب معه
     هواياتي : إحتواء داخلي من الشتات
     اغنيتي المفضلة : كُل إحاسيس القيصر
     إعجاب متلقى : 1354 إعجاب متلقى
     إعجاب مرسل : 14181 إعجاب مرسل
     قوة السمعة : 34
     الحالة :  أحاسيس كاظمية غير متصل


     

    افتراضي

    تسلم يمينك


معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الاعضاء الذين قرؤوا الموضوع: 0

لا يوجد أعضاء لوضعهم في القائمة في هذا الوقت.

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •