النتائج 1 إلى 4 من 4

الموضوع: (تراب دخان)من صلاح جاهين‏

  1. #1

    ƸӁƷخ ـرافية الـ ح ـسن ƸӁƷ

    الصورة الرمزية المـــلاك البــرئ
     رقم العضوية : 3175
     تاريخ التسجيل : Jan 2006
     المشاركات : 30,792
     الجنس : Female
     الدولة : Egypt
     الإقامة : Cairo, Egypt
     هواياتي : الرسم_عزف البيانو
     اغنيتي المفضلة : صباحك سكــــــــــر
     إعجاب متلقى : 7558 إعجاب متلقى
     إعجاب مرسل : 2266 إعجاب مرسل
     قوة السمعة : 50
     الحالة :  المـــلاك البــرئ غير متصل


     

    (تراب دخان)من صلاح جاهين‏

    تراب دخان



    لقيت فى جيبى قلم.
    قلم رصاص، طول عقلة الصابع،
    معرفش مديت إيدى عايز إيه .. راح طالع،
    أصفر، ضعيف، ضايع،
    وما بين تراب دخان، وقشر سودانى، كان مدفون،
    وكنت ماشى لوحدى فى الشارع،
    معرفش رايح فين، لكن ماشى،
    والليل عليا وع البلد غاشى،
    ليل، إنما ليل أسود الأخلاق.
    ليل، إنما عملاق،
    اسود سواد خنَاق،
    اسود، كمليون عسكرى، بستره خفاشى،
    وجزمه ضباشى،
    بينظموا السهرة.
    الخلق يا حسره،
    الخلق مالهاش خُلق للسهرة ..
    الخلق عاملين زى عشاق كلهم مهاجير،
    ومروحين مقاهير
    يستنظروا بكره.
    مقهور أنا وماشى
    - أصل القمر قال جاى وماجاشى -
    ع النيل ماجاشى .. وماجاش كمان ع الهرم ..
    لفيت عليه القلعه لفيت بولاق،
    قمرى لقيته عدم.
    لفيت عليه امبابه والوراق،
    قمرى لقيته محاق.
    وعنيا وقعوا م السما ع الأرض،
    الأرض برضه محاق.
    قهاوى، سوده من الهباب والهذر،
    والراديوهات تنعب نعيب الجنون.
    يا ليله من غير قمر …
    يا كحل من غير عيون.
    ولقيت فى جيبى قلم،
    كأنه واد مقروض ومتجادع،
    قُزعه لكين ملعون،
    مبرى قوى ومسنون
    تقولش ح يخطط نظام الكون؟!
    وأعمل بيه إيه وأنا ماشى فى الشارع،
    أنا كمان قُزعه وكمان ضايع
    وكمان عليا تلول تراب دخان.

    يا ميت ندامه عليكو يا صنايع،
    سبع صنايع، بس آه يا ندم،
    سبع صنايع بس آه يا زمان …
    ارسم لى قطه يا بابا ..
    ارسم له قطه بتشتغل بهلوان
    أكتب لى اسمى يا بابا ..
    أكتب له اسمه بخط مرعوش حنان.
    ادينى قلمك يا بابا.
    اديله قلمى يشخبطه ع الحيطان.
    وشيلنى أوبح يا بابا ..
    أشيله على صدرى كما الصولجان!
    … كان القمر أيامها طفلى أنا،
    وعليه زغب ناعم كمثل الطير،
    واخضر كأنه لمونه م البنزهير،
    وكنت اشيله ، وافرجه لكل حى،
    اتفرجوا، شوفوا غلاوة الضنا
    والناس يقولوا اسم الله خير والله خير،
    يا رب خليه لك ..
    الرب خلاه .. بس مش ليا،
    ضاع القمر منى وانا غفلان،
    وصبحت يا إخوان،
    لابد ما يتشحتفوا عنيا
    علشان أطول منه شعاع من ضى

    وادينى ماشى لوحدى فى الشارع ..
    معرفش رايح فين، لكين ماشى،
    والليل عليا وع البلد غاشى،
    ولقيت فى جيبى قلم ..
    كتبت به غنوة عذاب.



    صلاح جاهين

    Renaad

  2. #2

    لَمْ أُخلَقْ لِ } ألبقاء
    الصورة الرمزية ضجيج ألصمتْ
     رقم العضوية : 22891
     تاريخ التسجيل : Aug 2010
     المشاركات : 23,510
     الإقامة : بــ حَ ــنَينْ مَــتَرفْ~..!!
     هواياتي : رَسم ألآحلآم ع ـلى لوحة الاوهآآم !!
     اغنيتي المفضلة : تقول انسىآ
     إعجاب متلقى : 2371 إعجاب متلقى
     إعجاب مرسل : 1350 إعجاب مرسل
     قوة السمعة : 36
     الحالة :  ضجيج ألصمتْ غير متصل


     

    افتراضي

    دوما اختياراتك تبهرني

    سلمت يمناك


  3. #3

    ƸӁƷخ ـرافية الـ ح ـسن ƸӁƷ

    الصورة الرمزية المـــلاك البــرئ
     رقم العضوية : 3175
     تاريخ التسجيل : Jan 2006
     المشاركات : 30,792
     الجنس : Female
     الدولة : Egypt
     الإقامة : Cairo, Egypt
     هواياتي : الرسم_عزف البيانو
     اغنيتي المفضلة : صباحك سكــــــــــر
     إعجاب متلقى : 7558 إعجاب متلقى
     إعجاب مرسل : 2266 إعجاب مرسل
     قوة السمعة : 50
     الحالة :  المـــلاك البــرئ غير متصل


     

    افتراضي

    ميرسي لمرورك الحلو ياغالية

    Renaad

  4. #4

    وكأني بك َأعانق القمر

     رقم العضوية : 22848
     تاريخ التسجيل : Aug 2010
     المشاركات : 14,558
     الجنس : Female
     الدولة : Egypt
     الإقامة : مصـريـهـ
     إعجاب متلقى : 2298 إعجاب متلقى
     إعجاب مرسل : 2362 إعجاب مرسل
     قوة السمعة : 30
     الحالة :  serialperson غير متصل


     

    افتراضي

    أصل القمر قال جاى وماجاشى -
    ع النيل ماجاشى .. وماجاش كمان ع الهرم ..
    لفيت عليه القلعه لفيت بولاق،
    قمرى لقيته عدم.
    لفيت عليه امبابه والوراق،
    قمرى لقيته محاق.



    صلاح جاهينا عمنا كلنا

    بنموت فيه وفى كلامه

    بيدخل القلب من غير ما يخبط

    تسلم ايدك رنوده



    يوما ما ..
    وحين تتركون أشياء من أجل الله وحده !
    فقط ابتغاءً لرضاه سبحانه ..
    كونوا على يقين أن الله سيمنحكم عوض أجمل ، أجمل بكثير !


معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الاعضاء الذين قرؤوا الموضوع: 0

لا يوجد أعضاء لوضعهم في القائمة في هذا الوقت.

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •