النتائج 1 إلى 9 من 9

الموضوع: تتجوزيني؟

  1. #1

    وكأني بك َأعانق القمر

     رقم العضوية : 22848
     تاريخ التسجيل : Aug 2010
     المشاركات : 14,558
     الجنس : Female
     الدولة : Egypt
     الإقامة : مصـريـهـ
     إعجاب متلقى : 2298 إعجاب متلقى
     إعجاب مرسل : 2362 إعجاب مرسل
     قوة السمعة : 30
     الحالة :  serialperson غير متصل


     

    تتجوزيني؟

    تتجوزيني ؟

    ـ أفندم ؟

    ـ بقولك تتجوزيني ؟

    ـ؟؟؟

    ـ تتجوزيني ؟

    ـ لأ

    ـ ليه ؟

    ـ بصراحة كدة شكلك مش عاجبني

    ـ إزاي يعني ؟

    ـ يعني .. أصل أنا ليا مواصفات معينة لفارس أحلامي

    ـ مواصفات معينة ؟ .. هو انتي هتتجوزي عربية ؟

    ـ لأ ! .. بصراحة كده .. إنت مش فارس أحلامي اللي باتمناه


    --------------------------


    ـ تتجوزيني ؟

    ـ إيه ده ؟ شكلك اتغير

    ـ إيه رأيك ؟

    ـ واو .. شعرك اصبح ناعم ! .. دي باروكة ؟

    ـ أيوة

    ـ ودي عدسات خضراء ؟

    ـ أيوة

    ـ واو ! .. بس بجد .. بقيت وسيم .. واو ! ده انت بقيت شبه نيكولاس كيج

    ـ مين عباس كيج ده ؟

    ـ عباس ؟!! ياي .. إيه عباس دي ؟ اسمه نيكولاس

    ـ مين نيكولاس ده ؟

    ـ بقة مالكشي في السيما وجاي تكلمني ؟ .. ياي

    --------------------------


    ـ تتجوزيني ؟

    ـ انت لسه ليك عين تكلمني ؟

    ـ أيوة .. أنا عرفت مين بنكرياس كيج ده

    ـ أولاً : اسمه نيكولاس كيج

    ـ أيوة أيوة .. كنت هاقول اسمه صح .. بس اختصرته .. ده ممثل

    ـ ممثل إيه ؟

    ـ ممثل أمريكاوي

    ـ أمريكاوي ؟! .. إخّييي ! .. اسمه أميريكان يا بابا .. ما تبقاش دونكي

    ـ دونكي دي تبقى شتيمة ؟

    ـ أوف كورس



    --------------------------


    ـ تتجوزيني ؟

    ـ عندك عربية موديل كام ؟

    ـ موديل دي تبقى شتيمة ؟



    --------------------------


    ـ تتجوزيني ؟

    ـ قوللي الأول .. حاطط أنهي نغمة في الموبايل بتاعك ؟

    ـ نغمة دي تبقى شتيمة ؟


    --------------------------


    ـ تتجوزيني ؟

    ـ ما قلتليش .. إنت بتشتغل إيه ؟

    ـ أنا -بلا فخر- عاطل

    ـ عاطل ؟ .. ياي

    ـ مش أحسن من اللي ما بيشتغلش ؟

    ـ لا

    ـ يعني مش هتتجوزيني ؟

    ـ لا

    ـ كدة أنا أزعل

    ـ ما تزعلش يا بابا .. خليك فريش

    ـ ماشي .. ماشي .. بس قوليلي

    ـ إيه ؟

    ـ فريش دي تبقى شتيمة ؟

    --------------------------


    ـ تتجوزيني ؟

    ـ لقيت شغل ؟

    ـ أيوة طبعًا .. سنتين وأنا بادور .. أخيرًا لقيت
    ـ وإيه هو ؟

    ـ سواق تاكسي

    ـ ياي ! .. مش مكسوف وانت بتقولها ؟

    ـ فيها إيه ؟ العمل شرف .. وكلها كام سنة وأجمع مبلغ كويس

    ـ شرف ؟ جتك القرف

    --------------------------



    ـ تتجوزيني ؟

    ـ جمعت مبلغ كويس ؟

    ـ طبعًا .. مبلغ كبير جدًا

    ـ قد إيه يعني ؟

    ـ ألف جنيه

    ـ نعم ؟!!! .. ألف جنيه دول تروح تسرح بيهم ببطاطا

    ـ يعني موافقة ؟

    ـ روح اتنيّل



    --------------------------


    ـ تتجوزيني ؟

    ـ عندك شقة ؟

    ـ طبعًا .. أودة على السطوح

    ـ نعم ؟

    ـ إيه المشكلة ؟! .. أحسن ما ننام في الشارع

    ـ في الشارع ؟! .. إيه الألفاظ السوقية دي ؟
    ياي ! .. لازم يا بابا تجيب شقة

    ـ طيب .. كلها كام سنة وأجيبلك أحسن شقة في الدنيا

    ـ وهتجيبها في جاردن سيتي ولا في الزمالك ؟

    ـ لا .. في الأهلي .. هيهع هيهع هيهع


    --------------------------


    ( بعد سنوات)
    :

    ـ تتجوزيني ؟

    ـ جبت الشقة ؟

    ـ أيوة .. الحكومة بتبني شقق للشباب وأنا خدت شقة .. صحيح إنها اتأخرت لسبع سنوات .. لكن المهم إنها جات

    ـ فانتاستيك

    ـ بس الشقة ناقصة حاجة

    ـ إيه هي ؟

    ـ مفيهاش حمام

    ـ امشي من قدامي ! .. مش طايقاك


    --------------------------


    ـ تتجوزيني ؟

    ـ إنت تاني ؟

    ـ جبتلك حمّام إنما إيه

    ـ خليه ينفعك

    ـ ليه بس ؟ .. ده ينفع لينا احنا الاتنين

    ـ وأنا مالي ؟

    ـ مش عاجبك .. مش مشكلة .. أكتبه باسمك


    --------------------------


    (بعد سنين)
    ..

    ـ هتتجوزيني ولا أولع فيكي ؟

    ـ ومالك محروق كدة ؟

    ـ حكايتنا طولت قوي .. طولت أكتر من اللازم

    ـ أوكي .. بس ممكن أعرف حاجة ؟

    ـ إيه ؟

    ـ إنت ليه متمسك بيا أوي كدة ؟

    ـ أصل .. أصل

    ـ أصل إيه ؟

    ـ أصل أنا بحُبك (بضم الحاء)

    ـ بحُبك ؟!! .. إيه بحُبك دي ؟! .. إسمها بحِبك (بكسر الحاء)! .. بعدين خليك روش وقول: I love you

    ـ ماشي .. بس قوليلي

    ـ نعم ؟

    ـ روش دي تبقى شتيمة ؟



    --------------------------


    ـ تتجوزيني ؟

    ـ بصراحة .. في حاجة كنت عاوزة أقولهالك من زمااااااان

    ـ إيه ؟

    ـ أنا بصراحة .. مش شايفة إن في حد في العالم يستاهلني
    ـ يا سلام ! .. ليه ؟

    ـ عشان أنا جميلة .. خفيفة الدم .. رشيقة .. رقيقة

    ـ رقيقة ؟! .. ده انت بدأتي تقشفي

    ـ فشر

    ـ فوقي لنفسك .. العمر بيجري

    ـ أنا مصرة على رأيي

    ـ يعني إيه ؟

    ـ يعني اقطع معايا

    ـ بعد كل السنين دي ؟! .. بعد كل الحب ده ؟

    - بلاش تراجيديا من فضلك

    ـ ماشي .. بس قبل ما أمشي عاوز أسألك سؤال واحد بس

    ـ إيه هو ؟

    ـ تراجيديا دي تبقى شتيمة ؟


    --------------------------


    ( بعد سنوات )
    ..

    ـ تتجوشيني ؟

    ـ إيه ؟

    ـ تتجوشييينييييييي ؟

    ـ إنت مين ؟

    ـ أنا حبيبك يا هبلة .. البشي النضارة عشان تشوفيني

    ـ طيب شاعدني عشان ألاقي النضارة

    ـ آهي على الترابيزة قدامك

    ـ فين ؟

    ـ لا دي نظارتي أنا

    ـ أيوة لقيتها

    ـ البشيها بقة

    ـ ططييبب

    ـ عينيكي فوق شوية .. ده بقك

    ـ طيب لبشهالي إنت

    ـ عقبال ما البشك الدبلة

    ـ ما تكشفنيش .. كنت بتقول إيه بقى ؟

    ـ كنت بقول تتجوشششيييينيييييي ؟

    ـ أكوشك ؟ .. إزاي ؟

    ـ يا ولية مش تكوشيني .. تـ .. تـ .. جـ .. و.. شـ .. يـ .. نـ .. ي ؟

    ـ دي شتيمة ؟

    ـ لاااااء .. بقولك تتجوشيني ؟

    ـ آه !! .. أجوشك

    ـ بالضااااابط .. هاه ؟

    ـ شيبني أفكر

    ـ أشيبك تفكري ؟! .. ده انت هتموتي خلاش

    ـ لا .. شيبني أفكر بش

    ـ ربنا يوفقك

    ـ إيه ؟

    ـ ربنا يوفقك

    ـ بتقول إيه ؟

    ـ ربنا ياخدك



    --------------------------


    (على فراش الموت)
    :


    ـ تـ … كوح .. كوح .. تتـ .. كوح كاح كيح .. تتكو .. كوح .. كوح..
    تتكوشـ .. كوح كوح .. يني ؟

    ـ مش شامعة

    ـ بـ .. قوللـ .. كوح .. كوح .. بقولك .. تـ .. تـ .. كوح .. كوح .. تتجوشيـ .. ؟ كوح .. كوح

    ـ أجوّش مين ؟

    ـ هـ .. و.. ه .. كووح كوح كاح .. هوه إنتي .. كوح كوح .. معرفتيـ .. ش .. كوح كوح كيح .. ميـ .. كوح .. مين ؟

    ـ إيه ؟

    ـ لا .. كوح .. أبدًا .. كوح .. كنت … كح كح .. بأكح

    ـ كنت بتكح سلامتك مقولتليش ليه

    ـ هو .. كوح .. إنتي .. لشة .. عارفـ .. ـة .. كوح كوح

    ـ بتقول إيه ؟

    - يا .. ولية .. كوح كوح .. ردي .. كوح كوح .. عليا .. تـ .. تـ .. جو.. شيـ .. كوح كوح كوح كوح .. نـي ؟

    ـ أجوّشك ؟!! .. طب بش خد الدوا الأول

    ـ يا وليـ .. ـة .. كوح .. كوح .. أنا .. كوح .. كوح .. هتتجوشيـ .. كوح كوح كوح .. ـني ؟

    ـ أيوة يا حاج .. موافقة

    - موافقة إنك تتكوشني؟ أخيـ….كوح كوح ..كوح .. كدة أموت .. كوح كوح .. وأنا .. كوح .. مطمئن ومرتاح .. الودااا .. كوح ..ع ع ع ع

    ـ يا حاج .. يا حاج

    لاااااااااااااااااااااااا ااااا

    ههههههههههههههههههههههههه هههههه








    يوما ما ..
    وحين تتركون أشياء من أجل الله وحده !
    فقط ابتغاءً لرضاه سبحانه ..
    كونوا على يقين أن الله سيمنحكم عوض أجمل ، أجمل بكثير !


  2. #2

    ساهري
    الصورة الرمزية Rama
     رقم العضوية : 22907
     تاريخ التسجيل : Aug 2010
     المشاركات : 22,997
     الجنس : Female
     الدولة : United Arab Emirates
     إعجاب متلقى : 3167 إعجاب متلقى
     إعجاب مرسل : 3316 إعجاب مرسل
     قوة السمعة : 37
     الحالة :  Rama غير متصل


     

    افتراضي

    هههههههههههههه

    واقع أليم بصراحة

    بس مضحك نوعاً ما



    يسلمو ايديكي يا عسل


  3. #3

    وكأني بك َأعانق القمر

     رقم العضوية : 22848
     تاريخ التسجيل : Aug 2010
     المشاركات : 14,558
     الجنس : Female
     الدولة : Egypt
     الإقامة : مصـريـهـ
     إعجاب متلقى : 2298 إعجاب متلقى
     إعجاب مرسل : 2362 إعجاب مرسل
     قوة السمعة : 30
     الحالة :  serialperson غير متصل


     

    افتراضي

    مرسى ع المرور العسسسسسسسل يا عسل انتى



    يوما ما ..
    وحين تتركون أشياء من أجل الله وحده !
    فقط ابتغاءً لرضاه سبحانه ..
    كونوا على يقين أن الله سيمنحكم عوض أجمل ، أجمل بكثير !


  4. #4

    "رجل المستحيل"
    الصورة الرمزية ahmed zeaad
     رقم العضوية : 23243
     تاريخ التسجيل : Oct 2010
     المشاركات : 4,800
     الجنس : Male
     الدولة : Egypt
     الإقامة : cairo, Egypt
     هواياتي : :)
     اغنيتي المفضلة : ليلي
     إعجاب متلقى : 1148 إعجاب متلقى
     إعجاب مرسل : 332 إعجاب مرسل
     قوة السمعة : 19
     الحالة :  ahmed zeaad غير متصل


     

    افتراضي

    انا عاوز أسال سؤال


    الموضوع دا يبقي شتيمه :d


    جامد جدا يا سوكا


    دائما مبدعه



    سلامي


  5. #5

    الصورة الرمزية phoenix
     رقم العضوية : 22972
     تاريخ التسجيل : Aug 2010
     المشاركات : 1,247
     الجنس : Female
     الدولة : Egypt
     إعجاب متلقى : 105 إعجاب متلقى
     إعجاب مرسل : 232 إعجاب مرسل
     قوة السمعة : 11
     الحالة :  phoenix غير متصل


     

    افتراضي

    هههههههههههههههههههههههههه
    ههههههههههههههههههه

    ياعينى عليه
    عرف انها وافقت اتصدم مات

    جامدة يا سوكا



  6. #6

    لَمْ أُخلَقْ لِ } ألبقاء
    الصورة الرمزية ضجيج ألصمتْ
     رقم العضوية : 22891
     تاريخ التسجيل : Aug 2010
     المشاركات : 23,510
     الإقامة : بــ حَ ــنَينْ مَــتَرفْ~..!!
     هواياتي : رَسم ألآحلآم ع ـلى لوحة الاوهآآم !!
     اغنيتي المفضلة : تقول انسىآ
     إعجاب متلقى : 2371 إعجاب متلقى
     إعجاب مرسل : 1350 إعجاب مرسل
     قوة السمعة : 36
     الحالة :  ضجيج ألصمتْ غير متصل


     

    افتراضي

    حلوو يا قمر

    يسلمو الايادي


  7. #7

    وكأني بك َأعانق القمر

     رقم العضوية : 22848
     تاريخ التسجيل : Aug 2010
     المشاركات : 14,558
     الجنس : Female
     الدولة : Egypt
     الإقامة : مصـريـهـ
     إعجاب متلقى : 2298 إعجاب متلقى
     إعجاب مرسل : 2362 إعجاب مرسل
     قوة السمعة : 30
     الحالة :  serialperson غير متصل


     

    افتراضي

    اقتباس المشاركة الأصلية كتبت بواسطة ahmed zeaad مشاهدة المشاركة
    انا عاوز أسال سؤال


    الموضوع دا يبقي شتيمه :d


    جامد جدا يا سوكا


    دائما مبدعه



    سلامي

    ههههههههههههههههههه تؤ تؤ

    انا برده اعمل موضوع شتيمه عيب عليك يا راجل

    انت اللى جامديا احمد

    منورنى ديما



    يوما ما ..
    وحين تتركون أشياء من أجل الله وحده !
    فقط ابتغاءً لرضاه سبحانه ..
    كونوا على يقين أن الله سيمنحكم عوض أجمل ، أجمل بكثير !


  8. #8

    وكأني بك َأعانق القمر

     رقم العضوية : 22848
     تاريخ التسجيل : Aug 2010
     المشاركات : 14,558
     الجنس : Female
     الدولة : Egypt
     الإقامة : مصـريـهـ
     إعجاب متلقى : 2298 إعجاب متلقى
     إعجاب مرسل : 2362 إعجاب مرسل
     قوة السمعة : 30
     الحالة :  serialperson غير متصل


     

    افتراضي

    اقتباس المشاركة الأصلية كتبت بواسطة angel r مشاهدة المشاركة
    هههههههههههههههههههههههههه

    ههههههههههههههههههه

    ياعينى عليه
    عرف انها وافقت اتصدم مات

    جامدة يا سوكا
    ومش اى صدمه دى صدمه بموته

    منوره يا ضاضا



    يوما ما ..
    وحين تتركون أشياء من أجل الله وحده !
    فقط ابتغاءً لرضاه سبحانه ..
    كونوا على يقين أن الله سيمنحكم عوض أجمل ، أجمل بكثير !


  9. #9

    وكأني بك َأعانق القمر

     رقم العضوية : 22848
     تاريخ التسجيل : Aug 2010
     المشاركات : 14,558
     الجنس : Female
     الدولة : Egypt
     الإقامة : مصـريـهـ
     إعجاب متلقى : 2298 إعجاب متلقى
     إعجاب مرسل : 2362 إعجاب مرسل
     قوة السمعة : 30
     الحالة :  serialperson غير متصل


     

    افتراضي

    اقتباس المشاركة الأصلية كتبت بواسطة سيدة القصر مشاهدة المشاركة
    حلوو يا قمر

    يسلمو الايادي
    انتى احلى يا شذى

    منـــــــــــوره



    يوما ما ..
    وحين تتركون أشياء من أجل الله وحده !
    فقط ابتغاءً لرضاه سبحانه ..
    كونوا على يقين أن الله سيمنحكم عوض أجمل ، أجمل بكثير !


معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الاعضاء الذين قرؤوا الموضوع: 0

لا يوجد أعضاء لوضعهم في القائمة في هذا الوقت.

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •