صفحة 1 من 2 1 2 الأخيرةالأخيرة
النتائج 1 إلى 10 من 11
Like Tree1إعجاب

الموضوع: بكــــــــرهـ اح ــسن

  1. #1

    وكأني بك َأعانق القمر

     رقم العضوية : 22848
     تاريخ التسجيل : Aug 2010
     المشاركات : 14,558
     الجنس : Female
     الدولة : Egypt
     الإقامة : مصـريـهـ
     إعجاب متلقى : 2298 إعجاب متلقى
     إعجاب مرسل : 2362 إعجاب مرسل
     قوة السمعة : 31
     الحالة :  serialperson غير متصل


     

    Icon10 بكــــــــرهـ اح ــسن







    إشتري علبة شوكولاتة مستوردة غالية و كلها.



    بص على بنت حلوة و إعرف أنها لو عرفتك كو...يس أكيد هتحبك.
    ......


    إلعب لعبة مالعبتهاش من و إنت صغير.



    إعرق و إنهج و حس إنك عايش.



    إطفي نور أودتك شغل التكييف إسمع أكثر مزيكا بتحبها و إسرح معاها.



    بص لأهلك و عرفهم قد إيه بتحبهم.



    بص للي تحتك و إعرف قيمة كل حاجة معاك.



    بص للي فوقيك و إعرف إن رغبتك إنك تبقى زيهم هي اللي مدية طعم لحياتك.



    إستمتع بشمس الصيف.. بصلها و قولها إنك مش كارهها.. حتى لو عرقتك و لزقتك..



    روح أقعد على البحر.. دخل رجليك في الرمل.. و خرجها.. بطل تفكير.. و إبدأ حس..



    في الشتا إنزل تحت البطانية و حط كوباية الشوكولاتة السخنة جمبك.. إبتسم و غمض عينيك و نام.



    إشتغل لحد ما تحس إنك مت.. نام ثاني و إشحن و روح موت نفسك ثاني.. وإعرف إنك زودت حاجة للدنيا ماحدش كان هيزودها غيرك.



    إعرف إنك كائن مهم و في كل لحظة بتغير إتجاه التاريخ.



    بص لشحات واقف جمبك.. ماتديلوش ولا نكلة.. بس سلم عليه و إضحكله و قوله “عامل إيه؟ تمام؟



    سلم على واحد صاحبك و خدوا بالحضن.. و زود مدة الحضن ثانية زيادة.. هتقوله حاجات كثير.. – بس إتأكد إن نيته مش وسخة و إنه عارف إنك “مستقيم” –



    بص لبنت مغرورة و إضحك من جواك.



    بص لبنت وحشة و عاكسها بنظراتك و إعرف إنها هترجع البيت مبسوطة.



    بدون سبب إبعت رسالة لأي حد بتحبه قوله حاجة حلوة.



    إفتح شباك العربية و إطلع على طريق سريع خلي الهوا “يطس” في وشك.. صرخ.. بس إتأكد إنك مش داخل على لجنة و إنك لوحدك و مافيش حد تعرفه في العربيات اللي حوليك.



    إضربها ج ـزمة.



    خلى اللي يكره يكره و اللي يشتم يشتم وإعرف إنهم مضيعين وقتهم.



    إتأكد إنك لو عارف إنك هتموت بكرة هتعمل نفس اللي بتعمله دلوقتي.



    حب جامد قوي حتى لو حبك مش هيستمر لحد بليل.



    كل أكلة حلوة قوي.. بس ماتخليهاش تشبعك.



    إشرب مشروب دخلت المطبخ و إخترعته و لو ماعجبكش إرميه في الحوض و إنزل إشرب حاجة ثانية بتحبها.



    ماتشربش شيشة أو سجاير.. إشرب الهوا.. إستمتع بيه.. مش هتعرف قيمته إلا لو خلوا الهوا بفلوس.. ساعتها هتستمع بيه كأنه سيجارة حشيش مغربي.



    بطل خمرة و مخدرات.. و إتعلم إزاي تستمتع بحتى أوحش الحاجات حوليك.



    أكسب نفسك و حب حد بيكرهك.



    إكسب نفسك ثاني و حب حد بتكرهه.



    إكسب نفسك ثاني و إنسى حد لسه بتحبه من غير ما تكرهه.



    إتفرج على ماتش كورة لفرقتين ماتعرفهمش و شجع واحد فيهم قوي.. قوي.. حتى لو كان بيلعب زي الزمالك. (( هههههههههههه))




    إنزل شجع مع الزملكاوية لما يكسبوا.. حتى لو إنت مش زملكاوي.


    (نصيحه منى بلاش دى )




    إقرا الكلام ده من غير ماتعلق عليه و لو مش عاجبك بطل قراية.



    شوف فيلم الكيف و ماتتفرجش على آخر ربع ساعة فيه.



    إتفرج على الناظر من أول ما بيظهر محمد سعد.



    لما تقابل واحد مش فاكر إسمه و مش بتسلم عليه عادة خده بالحضن و قوله واحشني جدا يا معلم..



    إقرا كتاب عن موضوع معقد مانتاش فاهمة و بعدها إنزل مع صحابك.. هتتبسط قوي.



    جرب أكلة جديدة في مطعم فخم.. ثمنها يخرب بيتك.. و روح و إنت مبسوط.



    شد مع عربية سيات.



    إلبس أحلى لبس عندك و إنزل إمشي في الشارع و إنت فارد ظهرك.. و ماتحطش إيديك في جيبك خليهم أحرار.



    إشتري ورد لواحدة تعرفها عادي.. و قولها أصلك زي أختي و بعزك قوي.. هتتجنن.



    إرقص حتى لو في أودتك و إنت قافلها بالمفتاح.. ممكن تغني كمان و إنت ماسك الفرشة على إنها ميكروفون.



    إفتكر قبل ما تنام كل الكلام الحلو اللي سمعت الناس بتقوله عنك.



    كل ما تلاقي حد بيحكي عن مشكلة دورله عن الجانب المشرق فيها.. مهما كانت عويصة.. طلعله فيها فوايد و باركله.



    كل ما حد يقولك إزيك عامل إيه؟ قوله الحمد لله مبسوط قوي.. قولها بسرعة من غير ماتفكر و إبتسم.. لوحدك هتتبسط فعلا.



    شوف إيه أكبر مشكلة في حياتك.. فكر في أسوأ حاجة ممكن تحصل بسببها و هتلاقيها مش هتموتك و هتفضل برضه في الآخر فوق الأرض مش تحتها و إن الدنيا هتمشي و إحمد ربنا.



    فكر في الموت كويس.. و إعرف إنه لسة ماجاش و إعرف إنه قبل ما ييجي لازم تعمل كل اللي نفسك فيه.. و لازم تتبسط و ماتضيعش لحظة مدايق مهما كان السبب.



    سافر حتة ماروحتهاش قبل كده.. صورها و صور نفسك فيها.. صلي فيها.. أو بوس أرضها.. أو خد منها تذكار و إرجع ثاني نام على سريرك و عرفه إنه وحشك.



    إستحمى في نص ساعة.. خلى المية تنزل على وشك و إسمع صوتها كويس.



    جيب لنفسك هدية و إستنى لحد عيد ميلادك و إديها لنفسك.



    جيب هدية لحد بتحبه من غير مناسبة.. و إديهاله في عدم إهتمام كأنك ماعملتش حاجة غريبة.



    إنزل من بيتك بشبشب و شورت من غير ماتسرح شعرك.. و إتأكد من جواك إنه عادي جدا.. أنا مش مهتم.. و خليك واثق من نفسك.



    إشرب مية كثير.



    ماتغضبش مهما حصل.



    أشكر كل الناس بسبب و من غير سبب.



    لو حد إتريق عليك إضحك.. حتى لو من جواك بتضحك عليه.



    لو حد شتمك حط ده في تانك البنزين بتاعك علشان يبقى طاقة تحركك لقدام.



    لو الناس بعدت عنك إعرف لأنكم مش زي بعض.. لا هما وحشين و لا إنت وحش.. إنتم بس مش زي بعض.. و إتبسط إنك مش بتضيع وقتك معاهم.



    لو لقيت نفسك لوحدك شوية ده معناه إنك فريد و نادر من نوعك.. و مين في الدنيا يقول إن نوعك غلط أو وحش.. بس إنت تقدر تتأكد إن ده النوع المناسب ليك.. و إتبسط بيه.. و لو نفسك تغيره غيره.. مافيش حاجة بتلزق حتى إسمك و دينك.



    بص لإمبارح.. و شوف إتعلمت منه قد إيه..



    خطط لبكره بس إوعى تخاف منه .. إزاي تخاف من حاجة إنت اللي بتبنيها أصلا.. حاجة لسة ماحصلتش و ماحدش في الدنيا يقدر يعرف إيه اللي هيحصل فيها..



    إستمتع بالنهاردة كويس.. لأن كل نهاردة هيبقى إمبارح بتاع بكرة زي ما كان بكرة بتاع إمبارح..



    إسمع أغنية مدحت صالح وانا ويايا بعيش زي المليونيرات و شوفها على اليو تيوب و إضحك منها أو عليها.. بس في الحالتين هتضحك.



    لما حد يحكيلك حاجة مملة علشان يبين مواهبه في الحياة إعمل نفسك مهتم آخر حاجة و لما يخلص إعمل نفسك منبهر آخر حاجة برضه.. و كمان إسأله عن تكملة الحكاية.. بس ماتعملش كده كثير.. مرة كل فين و فين..



    إفتكر أيام لما كنت بتصحى بدري علشان المدرسة.. و لما كنت بتذاكر فيزيا أو تاريخ.. و أهلك مانعينك من النزول و إتبسط إن ده كله خلص و مش راجع ثاني.



    إتبسط.. و لو مش عايز تتبسط.. مش هتعرف تعكنن عليا.


    لـ عمرو سلامة



    أحاسيس كاظمية معجب بهذا .



    يوما ما ..
    وحين تتركون أشياء من أجل الله وحده !
    فقط ابتغاءً لرضاه سبحانه ..
    كونوا على يقين أن الله سيمنحكم عوض أجمل ، أجمل بكثير !


  2. #2

    لَمْ أُخلَقْ لِ } ألبقاء
    الصورة الرمزية ضجيج ألصمتْ
     رقم العضوية : 22891
     تاريخ التسجيل : Aug 2010
     المشاركات : 23,510
     الإقامة : بــ حَ ــنَينْ مَــتَرفْ~..!!
     هواياتي : رَسم ألآحلآم ع ـلى لوحة الاوهآآم !!
     اغنيتي المفضلة : تقول انسىآ
     إعجاب متلقى : 2381 إعجاب متلقى
     إعجاب مرسل : 1350 إعجاب مرسل
     قوة السمعة : 37
     الحالة :  ضجيج ألصمتْ غير متصل


     

    افتراضي

    رائع جدا سوكا

    سلمت يمينك

    وبجد هالدنيا ما تسوى :)


  3. #3

    مراقب عام

    الصورة الرمزية سر الــوجــود
     رقم العضوية : 22850
     تاريخ التسجيل : Aug 2010
     المشاركات : 5,448
     الجنس : Female
     الدولة : Egypt
     الإقامة : أم الدنيا
     إعجاب متلقى : 1239 إعجاب متلقى
     إعجاب مرسل : 1078 إعجاب مرسل
     قوة السمعة : 24
     الحالة :  سر الــوجــود متصل الآن


     

    افتراضي

    اقتباس المشاركة الأصلية كتبت بواسطة serialperson مشاهدة المشاركة

    إتفرج على ماتش كورة لفرقتين ماتعرفهمش و شجع واحد فيهم قوي.. قوي.. حتى لو كان بيلعب زي الزمالك. (( هههههههههههه))





    إنزل شجع مع الزملكاوية لما يكسبوا.. حتى لو إنت مش زملكاوي.


    (نصيحه منى بلاش دى )





    إقرا الكلام ده من غير ماتعلق عليه و لو مش عاجبك بطل قراية.



    يااااسلاااام
    طبعا مش عاجبني
    ماصدقتي انتي !!
    مااااااشي ياسوكا

    موضوع حلو اووي ويخلي الواحد يبص للدنيا من منظور ايجابي
    تسلمي ياسوكا


  4. #4

    ساهري

     رقم العضوية : 22857
     تاريخ التسجيل : Aug 2010
     المشاركات : 1,361
     إعجاب متلقى : 278 إعجاب متلقى
     إعجاب مرسل : 188 إعجاب مرسل
     قوة السمعة : 12
     الحالة :  rody* غير متصل


     
    اقتباس المشاركة الأصلية كتبت بواسطة serialperson مشاهدة المشاركة
    إتفرج على ماتش كورة لفرقتين ماتعرفهمش و شجع واحد فيهم قوي.. قوي.. حتى لو كان بيلعب زي الزمالك. (( هههههههههههه))




    إنزل شجع مع الزملكاوية لما يكسبوا.. حتى لو إنت مش زملكاوي.


    (نصيحه منى بلاش دى )

    اكيد لان لعب الزمالك يجيب سعاده وفرحه لانه بيفوز والحمد لله مش بيكسب او يتعادل بطلوع الروح وسلم لى على الانتاج والحكام بالمره

    واكيد لان الزمالك باذن الله هياخد الدورى

    اما انتى يا وليه ياللى اسمك سوكا بغض النظر عن الكلمتين فى الزمالك اللى اشك انهم من تأليفك

    عسل والله والدنيا دى عايزه اقدم جزمه

    تسلم ايدك يا احلى واجمل واغلس اهلاويه عرفتها وبحبها بردو قوى

    تحيـــــــــــــــــــــــــاتى يا بطتى


  5. #5

    غداً تشرق الشمس..
    الصورة الرمزية black Rose
     رقم العضوية : 24772
     تاريخ التسجيل : May 2011
     المشاركات : 1,039
     الإقامة : بين قطرات الندى
     إعجاب متلقى : 97 إعجاب متلقى
     إعجاب مرسل : 327 إعجاب مرسل
     قوة السمعة : 11
     الحالة :  black Rose غير متصل


     

    افتراضي

    فعلا الحياة بتكون حلوة إذا احنا تطلعنا عليها من منظور إيجابي..

    موضوع رائع :)) يسلمووو


  6. #6

    وكأني بك َأعانق القمر

     رقم العضوية : 22848
     تاريخ التسجيل : Aug 2010
     المشاركات : 14,558
     الجنس : Female
     الدولة : Egypt
     الإقامة : مصـريـهـ
     إعجاب متلقى : 2298 إعجاب متلقى
     إعجاب مرسل : 2362 إعجاب مرسل
     قوة السمعة : 31
     الحالة :  serialperson غير متصل


     

    افتراضي

    اقتباس المشاركة الأصلية كتبت بواسطة أمــيـرتــهـمـ مشاهدة المشاركة
    رائع جدا سوكا

    سلمت يمينك

    وبجد هالدنيا ما تسوى :)

    فعلا ما تسوى ولا شئ

    نورتى شذى



    يوما ما ..
    وحين تتركون أشياء من أجل الله وحده !
    فقط ابتغاءً لرضاه سبحانه ..
    كونوا على يقين أن الله سيمنحكم عوض أجمل ، أجمل بكثير !


  7. #7

    وكأني بك َأعانق القمر

     رقم العضوية : 22848
     تاريخ التسجيل : Aug 2010
     المشاركات : 14,558
     الجنس : Female
     الدولة : Egypt
     الإقامة : مصـريـهـ
     إعجاب متلقى : 2298 إعجاب متلقى
     إعجاب مرسل : 2362 إعجاب مرسل
     قوة السمعة : 31
     الحالة :  serialperson غير متصل


     

    افتراضي

    اقتباس المشاركة الأصلية كتبت بواسطة ضحي محمد مشاهدة المشاركة
    يااااسلاااام
    طبعا مش عاجبني
    ماصدقتي انتي !!
    مااااااشي ياسوكا

    موضوع حلو اووي ويخلي الواحد يبص للدنيا من منظور ايجابي
    تسلمي ياسوكا

    ههههههههههههههههههه طيب وانا مالى

    هو عمرو اللى كتب وانا نقلت

    روحى اضربيه

    نورتى دودو



    يوما ما ..
    وحين تتركون أشياء من أجل الله وحده !
    فقط ابتغاءً لرضاه سبحانه ..
    كونوا على يقين أن الله سيمنحكم عوض أجمل ، أجمل بكثير !


  8. #8

    وكأني بك َأعانق القمر

     رقم العضوية : 22848
     تاريخ التسجيل : Aug 2010
     المشاركات : 14,558
     الجنس : Female
     الدولة : Egypt
     الإقامة : مصـريـهـ
     إعجاب متلقى : 2298 إعجاب متلقى
     إعجاب مرسل : 2362 إعجاب مرسل
     قوة السمعة : 31
     الحالة :  serialperson غير متصل


     

    Icon10

    اقتباس المشاركة الأصلية كتبت بواسطة rody* مشاهدة المشاركة
    اكيد لان لعب الزمالك يجيب سعاده وفرحه لانه بيفوز والحمد لله مش بيكسب او يتعادل بطلوع الروح وسلم لى على الانتاج والحكام بالمره

    واكيد لان الزمالك باذن الله هياخد الدورى

    اما انتى يا وليه ياللى اسمك سوكا بغض النظر عن الكلمتين فى الزمالك اللى اشك انهم من تأليفك

    عسل والله والدنيا دى عايزه اقدم جزمه

    تسلم ايدك يا احلى واجمل واغلس اهلاويه عرفتها وبحبها بردو قوى

    تحيـــــــــــــــــــــــــاتى يا بطتى



    ههههههههههههههههههههه هموت ضحك انا

    اه بيفوز ويكسب ع طول عشان كده

    بقالكو 6 سنين ماخدتوش بطوله وحده

    وعشان كده المقاصه هزمتكو وهما 10 لاعيبه

    افرحى يابت بفرقك افرحى واضحكى كمان

    محدش واخد منها حاجه

    نورتى يا اخف دم زمالكوى قابلته

    بحبك يا زمالكويه



    يوما ما ..
    وحين تتركون أشياء من أجل الله وحده !
    فقط ابتغاءً لرضاه سبحانه ..
    كونوا على يقين أن الله سيمنحكم عوض أجمل ، أجمل بكثير !


  9. #9

    وكأني بك َأعانق القمر

     رقم العضوية : 22848
     تاريخ التسجيل : Aug 2010
     المشاركات : 14,558
     الجنس : Female
     الدولة : Egypt
     الإقامة : مصـريـهـ
     إعجاب متلقى : 2298 إعجاب متلقى
     إعجاب مرسل : 2362 إعجاب مرسل
     قوة السمعة : 31
     الحالة :  serialperson غير متصل


     

    افتراضي

    اقتباس المشاركة الأصلية كتبت بواسطة خدني لعيونك مشاهدة المشاركة
    فعلا الحياة بتكون حلوة إذا احنا تطلعنا عليها من منظور إيجابي..

    موضوع رائع :)) يسلمووو

    فعلا الحياه حلو لو احنا عايزينها حلوه

    نورتى يا سكره



    يوما ما ..
    وحين تتركون أشياء من أجل الله وحده !
    فقط ابتغاءً لرضاه سبحانه ..
    كونوا على يقين أن الله سيمنحكم عوض أجمل ، أجمل بكثير !


  10. #10

    رحم الله وجهها لم أنسآه

    الصورة الرمزية أحاسيس كاظمية
     رقم العضوية : 23031
     تاريخ التسجيل : Sep 2010
     المشاركات : 21,910
     الجنس : Female
     الدولة : Saudi Arabia
     الإقامة : تحت التراب معه
     هواياتي : إحتواء داخلي من الشتات
     اغنيتي المفضلة : كُل إحاسيس القيصر
     إعجاب متلقى : 1354 إعجاب متلقى
     إعجاب مرسل : 14181 إعجاب مرسل
     قوة السمعة : 35
     الحالة :  أحاسيس كاظمية غير متصل


     

    افتراضي


    آكيد بكره آحلى ياسوكا
    تسلم يمينك ياقمر


صفحة 1 من 2 1 2 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الاعضاء الذين قرؤوا الموضوع: 0

لا يوجد أعضاء لوضعهم في القائمة في هذا الوقت.

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •