صفحة 1 من 2 1 2 الأخيرةالأخيرة
النتائج 1 إلى 10 من 12
Like Tree3إعجاب

الموضوع: وفّر وقتك في رمضان.. طريقة حفظ الخضار والفاكهة والعصاير

  1. #1

    مصرية ثورية
    الصورة الرمزية yasmina19
     رقم العضوية : 24301
     تاريخ التسجيل : Feb 2011
     المشاركات : 4,379
     الجنس : Female
     الدولة : Egypt
     الإقامة : مصر
     اغنيتي المفضلة : انا وليلى والحب المستحيل
     إعجاب متلقى : 1523 إعجاب متلقى
     إعجاب مرسل : 1429 إعجاب مرسل
     قوة السمعة : 18
     الحالة :  yasmina19 غير متصل


     

    وفّر وقتك في رمضان.. طريقة حفظ الخضار والفاكهة والعصاير

    بسم الله الرحمن الرحيم

    انا لقيت الموضوع ده في موقع تاني فا قلت اجيبه ليكم علشان الافادة

    ويا رب يعجبكم




    رمضان شهر الخير والبركة والعبادة...

    شهر بتزيد فيه فرصتنا علشان نكسب حسنات وندعي ربنا ونطهر قلوبنا ونكفّر عن سيئاتنا اللي عملناها طول السنة...

    وعلى الرغم إن معظمنا عارف كل ده كويس، لكن للأسف مش كلنا بيعرف يستغل الشهر ده كما ينبغي...

    وخصوصاً الستات والبنات اللي بيضيعوا معظم وقتهم في المطبخ علشان يحضّروا كل ما لذ وطاب بهدف إمتاع أسرتهم بعد يوم صيام طويل...

    وطبعاً ما فيش شك إن ده هدف نبيل في حد ذاته، لكن زي ما قولنا قبل كده الهدف من شهر رمضان مش الأكل والشرب، لكن الهدف منه هو السعي والاجتهاد للحصول على أكبر قدر من الحسنات بالإكثار من العبادات والطاعات...

    وعلشان كده قررنا إننا نبدأ مع بعض من بدري شوية نستعد لشهر رمضان الكريم، وعلى مدار الشهر اللي جاي كله هنعرّف كل ست بيت وكل بنت لسه متجوزة جديد إزاي تقدر توفّق بين إنها تعمل لعيلتها أحلى وأجمد الأكلات، وفي الوقت نفسه تستغل الشهر المبارك صح، وتلاقي الوقت الكافي لقراءة القرآن والصلاة وكمان لصلة الرحم..

    وإزاي تستعدي لرمضان قبل ما يبدأ وتكوني جاهزة لأي طوارئ تحصل؟!

    خليكِ معانا وتابعينا على مدار الشهر...

    حفظ الأكل توفير للوقت والفلوس والمجهود
    حفظ الطعام سواء كان خضار أو فاكهة أو عصير أو لحوم أو بقول وغيرها من الحاجات اللي هتحتاجيها في مطبخك وإنتِ بتحضّري الفطار، من أحسن الطرق اللي هتوفّر لك وقت كتير، وخصوصاً لو كنتِ بتشتغلي وعايزة ترجعي من الشغل تلاقي أكلك جاهز على السوى على طول...

    وكمان الطريقة دي اقتصادية جداً؛ لأنها هتوفّر لك فلوس كتير، لأنك تقدري تشتري الحاجة اللي إنتِ عايزة تخزنيها في الوقت اللي بتكون فيه سعرها قليل وتحتفظي بها وتستعمليها لمدة طويلة...

    والنهارده وإحنا بنحضر لرمضان مع بعض، هنعرف إزاي نقدر نحفظ أنواع مختلفة من الأغذية بطريقة صحية، وفي نفس الوقت توفّر لنا وقت كبير وإحنا بنحضّر للفطار في رمضان...

    تعالي نشوف هنحضر إيه مع بعض...


    احفظي خضارك على التسوية على طول
    دلوقتي هاقول لك على طريقة لحفظ الخضار هتخليه يعيش لفترة طويلة في الفريزر، وكمان لما تطلعيه مش هيحتاج أكتر من ربع ساعة على النار علشان يستوي، بس أهم حاجة إنك لما تيجي تشتري الخضار اللي هتحفظيه يكون طازة وسليم.

    طرق لحفظ بعض أنواع الخضار اللي ممكن تعملي بها أطباق مختلفة في رمضان:


    البامية<


    بتشيلي الجزء الزائد اللي فيها "يعني تقمعيها"، وبعد كده تغسليها كويس وتسيبيها تنشف، وبعدين هاتي حلة وفيها كمية صغيرة جداً من السمنة ومعاها كمية من البصل المفروم وشوّحي البصل في السمنة، وبعد كده حطي البامية وشوّحيها مع البصلة على النار لمدة 3 أو 5 دقايق، وبعد كده سيبيها تبرد وقسّميها في أكياس بلاستيك، بحيث إن كل كيس يكون فيه الكمية اللي تكفي لوجبة فطار على حسب عدد أفراد العيلة عندك.


    الفاصوليا والبسلة


    هتعمليها بنفس الطريقة اللي فاتت، بس طبعاً هتنظفي الفاصوليا الأول وتقطعيها لقطع صغيرة، والبسلة هتفصصيها وبعد كده تشوّحيهم مع البصل والسمن على النار لمدة 3 أو 5 دقايق وتشيليهم في أكياس في الفريزر.


    الملوخية


    هاتي الملوخية وقطفيها واغسليها كويس، وحطيها في مصفاة علشان تصفي ميتها كويس، وبعد كده خرّطيها وحطّيها في أكياس نايلون ناشفة وحطيها في الفريزر.


    ورق العنب


    هاتي ورق العنب واغسليه كويس، وبعد كده حطيه في مية مغلية لمدة 3 دقائق، وشيليه منها وحطيه في مصفاة يصفي ميته، ويبرد، بعد كده لفّيه في فوطة ناشفة وحطيه في أكياس نايلون، بس اتأكدي إن الكيس ما فيهوش أي أثر للهواء، وبعد كده حطيه في الفريرز.


    القلقاس


    بتقشّريه من غير ما تغسليه، وبعد كده امسحيه بفوطة نظيفة وقطعيه لمكعبات، وحطّيه في الأكياس وحطيه في الفريزر.


    الثوم


    خلّي بالك لو هتحفظي الثوم إنك تشتريه وهو جديد يعني يكون طري مش ناشف، وبعد كده بتقشري القشرة الخارجية الموجودة على الرأس من بره؛ يعني مش بتقشريه فص فص، وبعد كده بتفرميه مع كمية صغيرة من الملح وحطيه في أكياس وحطيف الفريزر، بس لازم تتأكدي إنك تقفلي الكيس كويس جداً، علشان ريحة الثوم ما تأثرش على باقي الأكل الموجود في الفريزر.


    *************************

    الفاكهة في ثلاجتك جاهزة لأي طوارئ
    الفاكهة من الحاجات المهمة جداً لإنها بتحتوي على نسبة كبيرة من الفيتامينات والمعادن المفيدة والضرورية للجسم، ولازم كلنا نهتم بإن الفاكهة تبقى عنصر أساسي في قائمة الأكل بتاعتنا وخصوصاً في رمضان، لإنها بتعوض الجسم عن الفيتامينات والسوايل اللي بنفقدها طول اليوم...

    طرق لحفظ أنواع مختلفة من الفاكهة:

    المانجو


    يُفضّل إنك تحفظيها على شكل قطع صحيحة، ودي أحسن طريقة لحفظ المانجو، وهي إنك تجيبيها بس خلي بالك إنك تنقيها تكون جامدة مش مستوية أوي، واغسليها كويس وقشّريها وقطعيها لشرائح عريضة، ورشّي عليها عصير ليمون، واحفظيها في أكياس بلاستيك جافة في الفريزر.


    التفاح والجوافة


    بتغسليهم وتقطّعيهم وترشّي عليهم سكر وليمون، وتحفظيهم في أكياس بلاستيك جافة في الفريزر.


    المشمش والخوخ


    فبتغسليهم وتنزليهم في مية مغلية وتسيبيهم لمدة ثواني، وبعدين شيليهم وحطيهم في مية مثلجة، وبعد كده قشريهم وقطعيهم، وبعدين رشي عليهم ليمون وسكر، واحفظيهم في أكياس بلاستيك جافة في الفريزر.


    الفراولة


    بتغسليها وتشيلي الجزء الأخضر منها وتقطّعيها وتحفظيها في أكياس بلاستيك جافة في الفريزر.


    والفاكهة المحفوظة بالطريقة دي ممكن تعملي بها عصاير وكوكتيلات مختلفة بإنك تطلعي كيس الفاكهة اللي إنتِ عايزاها من الفريزر وتضربيه في الخلاط مع كمية من المية أو اللبن، وبكده هتحصلي على عصير مثلج فيه قطع صغيرة جداً من الثلج، والطريقة دي بتكون منعشة جداً في الصيف، وكمان ممكن تزيّني بها أي نوع من الكيكات اللي هتعمليها.


    *************************




    العصير الجاهز هيوفّر لك وقت ويخليكِ جاهزة
    ممكن بدل ما تحتفظي بالفاكهة صحيحة إنك تعمليها عصير سواء كان عصير مانجو أو جوافة أو فراولة أو غيرها من العصاير الفريش، وتحطيها في زجاجات بلاستيك، وتحطيهم في الفريزر...

    وطبعاً طريقة عمل العصير سهلة ومعروفة، وكل اللي عليكِ إنك تغسلي الفاكهة وتقشريها وتضربيها في الخلاط مع كمية مناسبة من المية والسكر، وبعد كده تصفي العصير لو كان محتاج إنه يتصفّى، وبعد كده تقسّمي العصير على أكياس بلاستيك أو زجاجات بلاستيك زي ما قولنا قبل كده وتحطيهم في الفريزر...

    وتقدري كمان تعملي كميات من الكركديه والتمر الهندي والخروب وقمر الدين، وكل العصاير اللي بنحب نشربها في رمضان وتحطيهم في الفريزر، وتطلعيهم قبل الاستعمال بفترة، وبكده يكون العصير جاهز..
    ودلوقتي هاقول لك على طرق عمل المشروبات دي:

    الكركديه والتمر هندي


    أحسن وأصح طريقة لتحضير الكركديه أو التمر هندي، هي إنك تنقعيهم في كمية من المية، وتسيبيهم لمدة يوم في المية دي، وبعد كده تصفيهم، وتاخدي السائل اللي طلع، وحطّي له كمية السكر المناسبة، وحطيه في أكياس بلاستيك أو في زجاجة، وشيليه في الفريزر، وعند الاستخدام ممكن تزوّدي له مية لو كان محتاج إنه يتزوّد.



    قمر الدين


    بتجيبي لفة قمر الدين وتنقعيها في مية سخنة لمدة ساعتين، وبعد كده قلّبيها كويس، وخدي العصير اللي طلع وحطيه في زجاجة أو كيس بلاستيك مفرغ من الهواء تماماً، وشيليه في الفريزر.



    الخروب والدوم


    ودي من أحسن العصاير اللي ممكن إنها تتشرب في رمضان، وبتكون لها تأثير مرطب ولذيذ في الحر لما بتتشرب باردة، وطريقة عملهم متشابهة، وكل اللي عليكِ إنك تجيبي الخروب أو الدوم مطحونين من عند العطار، وتحطيهم على النار ومعاهم كمية من السكر تساوي كمية الخروب أو الدوم اللي هتعمليها..

    يعني لو هتعملي كوبايتين خروب بتحطي معاهم كوبايتين سكر، وبتسيبيهم على النار لغاية ما تحسي إنهم بقوا شبه الكراميل شوية، وبعد كده ضيفي عليهم المية، بحيث إنك لو هتحطي كوب واحد من الخروب، تضيفي عليهم 3 أو 4 كوبايات مية، وسيبيهم لغاية ما يغلوا على النار وبعد كده شيليهم من على النار، وسيبيهم لغاية ما يبردوا وبعد كده صفّيهم، وقسّميهم على أكياس أو زجاجات بلاستيك وشيليهم في الفريزر.
    Rama و عطر الحب و أحاسيس كاظمية معجبون بهذا.


  2. #2

    مراقب عام

    الصورة الرمزية سر الــوجــود
     رقم العضوية : 22850
     تاريخ التسجيل : Aug 2010
     المشاركات : 5,448
     الجنس : Female
     الدولة : Egypt
     الإقامة : أم الدنيا
     إعجاب متلقى : 1239 إعجاب متلقى
     إعجاب مرسل : 1078 إعجاب مرسل
     قوة السمعة : 24
     الحالة :  سر الــوجــود غير متصل


     

    افتراضي

    موضوع مفيد ورائع ياسوو
    تسلم ايدك
    بانتظار جديدك بشووق


  3. #3

    ƸӁƷخ ـرافية الـ ح ـسن ƸӁƷ

    الصورة الرمزية المـــلاك البــرئ
     رقم العضوية : 3175
     تاريخ التسجيل : Jan 2006
     المشاركات : 30,794
     الجنس : Female
     الدولة : Egypt
     الإقامة : Cairo, Egypt
     هواياتي : الرسم_عزف البيانو
     اغنيتي المفضلة : صباحك سكــــــــــر
     إعجاب متلقى : 7558 إعجاب متلقى
     إعجاب مرسل : 2266 إعجاب مرسل
     قوة السمعة : 50
     الحالة :  المـــلاك البــرئ غير متصل


     

    افتراضي

    تسلم ايدك ياقمر موضوع يجنن

    Renaad

  4. #4

    ساهري
    الصورة الرمزية Rama
     رقم العضوية : 22907
     تاريخ التسجيل : Aug 2010
     المشاركات : 22,997
     الجنس : Female
     الدولة : United Arab Emirates
     إعجاب متلقى : 3169 إعجاب متلقى
     إعجاب مرسل : 3316 إعجاب مرسل
     قوة السمعة : 38
     الحالة :  Rama غير متصل


     

    افتراضي

    يسلمو ايديكي يا روحي


  5. #5

    مصرية ثورية
    الصورة الرمزية yasmina19
     رقم العضوية : 24301
     تاريخ التسجيل : Feb 2011
     المشاركات : 4,379
     الجنس : Female
     الدولة : Egypt
     الإقامة : مصر
     اغنيتي المفضلة : انا وليلى والحب المستحيل
     إعجاب متلقى : 1523 إعجاب متلقى
     إعجاب مرسل : 1429 إعجاب مرسل
     قوة السمعة : 18
     الحالة :  yasmina19 غير متصل


     

    افتراضي

    اقتباس المشاركة الأصلية كتبت بواسطة ضحي محمد مشاهدة المشاركة
    موضوع مفيد ورائع ياسوو
    تسلم ايدك
    بانتظار جديدك بشووق

    شكرا لمرورك الجميل ضحى
    وانا بانتظار ردك بشوق


  6. #6

    لَمْ أُخلَقْ لِ } ألبقاء
    الصورة الرمزية ضجيج ألصمتْ
     رقم العضوية : 22891
     تاريخ التسجيل : Aug 2010
     المشاركات : 23,510
     الإقامة : بــ حَ ــنَينْ مَــتَرفْ~..!!
     هواياتي : رَسم ألآحلآم ع ـلى لوحة الاوهآآم !!
     اغنيتي المفضلة : تقول انسىآ
     إعجاب متلقى : 2381 إعجاب متلقى
     إعجاب مرسل : 1350 إعجاب مرسل
     قوة السمعة : 37
     الحالة :  ضجيج ألصمتْ غير متصل


     

    افتراضي

    الف شكر عيني


  7. #7

    مصرية ثورية
    الصورة الرمزية yasmina19
     رقم العضوية : 24301
     تاريخ التسجيل : Feb 2011
     المشاركات : 4,379
     الجنس : Female
     الدولة : Egypt
     الإقامة : مصر
     اغنيتي المفضلة : انا وليلى والحب المستحيل
     إعجاب متلقى : 1523 إعجاب متلقى
     إعجاب مرسل : 1429 إعجاب مرسل
     قوة السمعة : 18
     الحالة :  yasmina19 غير متصل


     

    افتراضي

    اقتباس المشاركة الأصلية كتبت بواسطة المـــلاك البــرئ مشاهدة المشاركة
    تسلم ايدك ياقمر موضوع يجنن
    تسلمى يا احلى رنودة فى الدنيا
    شكرا لمرورك الجميل


  8. #8

    مصرية ثورية
    الصورة الرمزية yasmina19
     رقم العضوية : 24301
     تاريخ التسجيل : Feb 2011
     المشاركات : 4,379
     الجنس : Female
     الدولة : Egypt
     الإقامة : مصر
     اغنيتي المفضلة : انا وليلى والحب المستحيل
     إعجاب متلقى : 1523 إعجاب متلقى
     إعجاب مرسل : 1429 إعجاب مرسل
     قوة السمعة : 18
     الحالة :  yasmina19 غير متصل


     

    افتراضي

    اقتباس المشاركة الأصلية كتبت بواسطة reeree مشاهدة المشاركة
    يسلمو ايديكي يا روحي
    تسلمى ريرى
    شكرا لمرورك روحى


  9. #9

    مصرية ثورية
    الصورة الرمزية yasmina19
     رقم العضوية : 24301
     تاريخ التسجيل : Feb 2011
     المشاركات : 4,379
     الجنس : Female
     الدولة : Egypt
     الإقامة : مصر
     اغنيتي المفضلة : انا وليلى والحب المستحيل
     إعجاب متلقى : 1523 إعجاب متلقى
     إعجاب مرسل : 1429 إعجاب مرسل
     قوة السمعة : 18
     الحالة :  yasmina19 غير متصل


     

    افتراضي

    اقتباس المشاركة الأصلية كتبت بواسطة أمــيـرتــهـمـ مشاهدة المشاركة
    الف شكر عيني
    شكرا شذى روحى لمرورك العطر


  10. #10

    مفردات الانثى الحالمة
    الصورة الرمزية عطر الحب
     رقم العضوية : 22835
     تاريخ التسجيل : Aug 2010
     المشاركات : 3,813
     الجنس : Female
     الدولة : Saudi Arabia
     الإقامة : بين السماء والأرض
     هواياتي : معرفة المجهول
     اغنيتي المفضلة : كل أغانيه ..أعشقه
     إعجاب متلقى : 919 إعجاب متلقى
     إعجاب مرسل : 1670 إعجاب مرسل
     قوة السمعة : 16
     الحالة :  عطر الحب غير متصل


     

    افتراضي

    موضوع قيم شكرا حبيبتي على طرح الجميل

    دمتي بخير




    تبعثر أجزائي فأصبحت أنثى متمردة


    ask me

صفحة 1 من 2 1 2 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الاعضاء الذين قرؤوا الموضوع: 0

لا يوجد أعضاء لوضعهم في القائمة في هذا الوقت.

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •