صفحة 1 من 2 1 2 الأخيرةالأخيرة
النتائج 1 إلى 10 من 12
Like Tree4إعجاب

الموضوع: قلب الوطن مجروح لا يحتمل اكتر

  1. #1

    لا حول ولا قوة إلا بالله
    الصورة الرمزية m_elshitaney
     رقم العضوية : 22841
     تاريخ التسجيل : Aug 2010
     المشاركات : 1,313
     الإقامة : مــصــر
     هواياتي : القراءه
     إعجاب متلقى : 255 إعجاب متلقى
     إعجاب مرسل : 9 إعجاب مرسل
     قوة السمعة : 13
     الحالة :  m_elshitaney غير متصل


     

    افتراضي قلب الوطن مجروح لا يحتمل اكتر

    الاستاذ مصرى رجل فاضل جداً يريد لأولادة ان يتحلوا بالصفات الحميدة فرباهم تربية جيدة و قرر تسميتهم كالآتى حب و وفاء و نجاح و إسلام و رضا و شريفة و وطنى و أمين و مخلص و هادى و سماح و عربى و أديب.

    فى يوم الاجازة بياخد الاولاد يصلوا الجمعة و يرجع البيت عشان تجتمع الاسرة كلها للغذاء على طاولة واحدة و بعدها يتفرجوا على التلفزيون يعنى جو أسرى جميل.
    فتح الاستاذ مصرى التلفزيون على مباراة كرة قدم و شوية و سمع شتايم بعض الجماهير فطار على الريمود و غير القناة لقناة رياضية آخرى فوجد احد المقدمين يتحدث عن احوال الرياضة فى مصر و شوية و المقدم بدأ يتكلم عن احد الحكام و نعتة بالحشرة


    فسألة الواد أديب هو مش عيب يا بابا إننا نشتم حد تانى زى ما علمتنا؟
    رد عم مصرى و قالة ايوة يا اديب بس هو اكيد مش قصدة
    راح اديب قالة طب و الناس اللى كانت بتقول الكلام العيب فى الماتش مش قصدهم برضة؟
    إنتطر الاستاذ مصرى و قالة و إنت عرفت الكلام دة منين يا ولد؟
    فى المدرسة يا بابا.طيب انا هاروح معاك المدرسة و اكلم الناظر
    رد اديب و ابقى تعالى معايا فى الشارع يا بابا و كلم الناس اللى ماشية عشان باسمع الكلام دة فى الشارع برضة عم مصرى معرفش يرد و قالة انا هاجى معاك المدرسة بكرة .


    فقلق الاستاذ مصرى لاحسن الامور تتطور و الموضوع يكبر خصوصاً إن المُقدم دة لسانة زالف و مبيهموش حد.
    فطار تانى على الريمود و قال بلاش رياضة إحنا نخش على اى قناة منوعات يعنى اغانى خفيفة و مفيهاش شتايم و لا حاجة و لسوء حظة كان فى اغنية لإحدى المطربات و شكلها مش تمام يعنى فداس الاستاذ مصرى على الريمود من غير ما يطير المرة دى لإنة فضل ماسك الريمود فى إيدة بمبدأ امن و لا تخون و راح على قناة جديدة فيها مطرب قال فى سرة الحمد لله كدة تمام الرجل لابس بنطلون و قميص يعنى مفيش قلق و مفيش ثانيتين و المطرب بدأ يقول (و هوبا حجرين ع الشيشة ع الشيشة ع الشيشة مع جوجو و السبع و ويشة ع الشيشة ع الشيشة ) و يا ريتة ما قال عم مصرى عرق و قرر لا للمنوعات سواء رجالة او ستات.

    و جاب قناة تانى وجد فيها شابين بيتكلموا قال هو دة الكلام فالشابين بيتكلموا عادى و مفيش خوف منهم و لكن دوام الحال من المٌحال الشابين جابوا تقرير خارجى و بيوجهوا اسئلتهم لبعض الشباب عن مطرب الجيل و للاسف الشباب كانوا مبسوطين جداً من مطرب الجيل.
    و دار الحوار التالى بين الاستاذ مصرى و إبنة وطنى:
    وطنى:انا عايز اطلع مطرب يا بابا و اهرب من الجيش عشان الناس تحبنى كدة.
    الاستاذ مصرى:عيب يا إبنى الكلام دة و الجيش دة واجب عليك نحو بلدك . إنت فاهم؟

    وطنى: طب إشمعنى شريفة عايزة تطلع مغنية؟
    عم مصرى: الكلام دة مظبوط يا شريفة؟
    شريفة : ايوة يا بابا لية لا انا صوتى حلو مش إنت قلتلى صوتك حلو قبل كدة؟
    عم مصرى: ايوة انا قلت بس انا قصدى تغنى فى البيت وسط اهلك انا ماقبلش بنتى تكون مطربة
    شريفة: طب إشمعنى اللى كانت بتغنى دى اهلها قبلوا؟
    عم مصرى نبضات قلبة بقت بتدق بسرعة و من غير ما يفكر قالها دى ماعندهاش اهل يا حبيبتى و الموضوع إنتهى .



    و عنها و راح مغير القناة فوجد ناس بتتناقش حول الروح الرياضية و آحداث مصر و الجزائر فالاستاذ مصرى تنفس الصعداء و رجع بظهرة على الكنبة و هو مبسوط و وجة كلامة لسماح و عربى و حب و هادى و قالهم شوفتوا انا لية مسميكم سماح و عربى و حب و هادى عشان إحنا اشقاء و حتى لو حصل اى مشكلة عابرة هنفضل اخوات و اديكى شايفة يا سماح إزاى إحنا بنسامح بعض و إنت يا حب شايف إحنا بنحب بعض إزاى و إنت يا عربى شايف إننا هنفضل طول عمرنا عرب و اشقاء و انت يا هادى شايف إزاى الإخوة بيحلوا المواضيع بهدوء لازم تفتخروا باساميكم.
    و فجأة و بدون مقدمات قلبت الحلقة هجوم على مصر من الضيف و عم مصرى وشة جاب الوان و اولادة بيبصوا علية نظرات مش تمام و عنها و على الريمود وش.



    بس مش عارف يروح فين لا رياضة نافع و لا فن شافع و لا العرب هيتصالحوا فقرر عم مصرى إنة ينقل على قناة دينية عشان يقعد و هو حاطط فى بطنة بطيخة صيفى ولأنة بومة حظة وقع فى واحد بيتكلم فى جواز التدخين فى نهار رمضان و قبل ما يدوس على الريمود كان إبنة إسلام خبطة السؤال المتين.

    إسلام : بابا هو مش السجاير حرام زى ما قولتلنا؟
    عم مصرى : ايوة يا إسلام حرام .
    إسلام طب إزاى حرام و حلال فى نفس الوقت؟

    عم مصرى رد و قال الرجل دة غلطان يا ابنى.
    إسلام غلطان إزاى يا بابا هو مش رجل دين و بيطلع فى التلفزيون؟؟؟

    عم مصرى إتزنق زنقة مش ظريفة خالص و حب يخلع من السؤال فقال لوفاء إعمليلنا كوباية شاى.



    و دخل على القناة رياضية تانى آرحم من الباقى يعنى و كان الماتش إنتهى و الدورى إتحسم ( كالعاده للأهلي ) يعنى إحتفالات و ضحك و مفيش و لا حشرة ولا غيرة فوجد احد لاعبى الكرة بيعيط قال يشوف إية الحوار فى دخلة وفاء بالشاى
    وفاء> مين دة يا بابا؟
    عم مصرى دة الحضرى يا وفاء.

    وفاء طب بيعيط لية

    عم مصرى عشان عايز يرجع تانى يا حبيبتى ؟
    وفاء طب هو مشى لية يا بابا ؟ هو مش إنت علمتنا إننا لازم نكون اوفياء هو دة الوفاء يا بابا؟

    عم مصرى و الله يا بنتى هو ندم و عايز يصلح غلطتة .
    راح داخل الواد مُخلص فى الكلام و قالة طب مش كدة غلط عشان هو لسة بيلعب فى مكان تانى فين الإخلاص اللى علمتهلنا يا بابا؟؟
    عم مصرى و الله يا مخلص انا مبقتش عارف الحقيقة.


    و قلب على قناة إخبارية و كانت بتناقش عودة احد رجال الاعمال المصريين بعد تصفية ديونة و جايبين صور من المطار و الناس سعيدة بعودتة فراح باصص عم مصرى لإبنة رضا و قالة من غيرما تسأل يا رضا معدش فى رضا و كلة بيكبش و يدبح فينا... إستريحت كدة؟؟؟
    الواد أمين كان بيقرا الجرنان و فجأة قام من مكانة و معاة الجرنان فى إيدة و راح قعد جنب عم مصرى

    امين: مش دة يا بابا الرجل اللى كسب الإنتخابات فى المنطقة هنا؟
    عم مصرى : ايوة هو.

    امين : إية دة يا بابا دة بيحرض الداخلية على ضرب المتظاهرين بالنار طب إزاى يعنى يكون احد اعضاء الشعب و يطالب الحكومة إنها تضرب النار ع الشعب يعنى كدة هو مش امين على حقوقنا؟ هما كام شعب يا بابا؟




    عم مصرى الدمعة نزلت من عينة و قال حقك عليا يا إبنى فانا واحد من اللى إختاروة حقكم كلكم عليا فانا برضة شايف الغلط قصادى و جنبى و فوقى و ورائى و محاولتش اغيرة و لكن يا كل ولادى و بناتى تذكروا قول رسولنا محمد ( ص
    (من رأى منكم منكراً فليغيّره بيده فإن لم يستطع فبلسانه فإن لم يستطع فبقلبه وهذا أضعف الإيمان )

    حاولوا ان تحاربوا كل من يحاول ان يشوة صورة هذا البلد العريق والحضاري والذي تمتد جذوره الحضارية إلى آلاف السنين تتراءى بغير حقيقتها.. لتصل إلى الآخرين مشوهة وبعيدة عن الواقع والسبب أن بعض الناس عديمي الضمير وقليلي الأخلاق ومعدومي الإحساس يحاولون التلاعب بحاضره ومستقبله.
    فالواسطة والروتين والعراقيل والتعقيدات والإهمال والفساد اصبحوا من سمات مجتمعنا علينا بتشخيص امراضنا بطريقة صحيحة لإنة دون تشخيص سليم لامراضنا لن نجد العلاج.



    و راح قايم عم مصرى مكسر التلفزيون و دخل ينام و ياريتة ما دخل ينام طلعولوة كل اللى شافهم فى التلفزيون و فى الجرائد و فى مكان عملة و هو نايم وبيضحكوا و يقولوا.

    ارقد فى سلام يا عم مصرى و إنسى إسمك لتبقى عصرى.



    يا ترى هنقدر نلحق عم مصرى و اولادة قبل ما يخلصوا عليهم؟
    تعاطفك لوحدة مش كفاية تبرع و لو بكلمة فصوتك أمانة.




    قلب الوطن مجروح
    لا يحتمــل اكتـــر
    نهــرب وفين هنروح
    لما الهموم تكتــر
    نحمى غصون الورد
    من دمع سال ع الخـــــد
    اه يا حبيبة الروح
    قلب الوطن مجـــروح
    لو حتى قلبــى تاه
    بين الشجن والاه
    ياللى لقاكى حياة
    انا حبى ليكى صلاة
    يا مطير العصافير
    رجع الهوى بالخيـر
    لو قلبى عاد ضميه
    اديه حنان وداديــــه
    ده الصمـــت مش لينــــا
    فين الولد ما يروح
    لازم يعود اسمــــر
    قلب الوطن مجــــروح
    لا يحتمل اكتــــــر
    لو تنطق المـــــوال
    لازم يروق الحـــــال
    محتــاج ليا دراع وشراع وراحة بــــال
    محتاج ليكى نجوم هايمة فى حضن هلال
    لو بحري نام اسقيــة صحيه وبوسى عنيـه
    يا ما بـــكره يسقينـــا
    خلي طريق البــــــوح
    يصبح طريق مرمـــــر
    قلب الوطن مجــــروح
    لا يحتمل اكتــــر

  2. #2

    لا حول ولا قوة إلا بالله
    الصورة الرمزية m_elshitaney
     رقم العضوية : 22841
     تاريخ التسجيل : Aug 2010
     المشاركات : 1,313
     الإقامة : مــصــر
     هواياتي : القراءه
     إعجاب متلقى : 255 إعجاب متلقى
     إعجاب مرسل : 9 إعجاب مرسل
     قوة السمعة : 13
     الحالة :  m_elshitaney غير متصل


     

    افتراضي

    القصيده اللي في الاخر دي اغنيه لمحمد منير والعنوان مقتبس منها




  3. #3

    أ يوحشني الزمان
    الصورة الرمزية نَغَمْ
     رقم العضوية : 22842
     تاريخ التسجيل : Aug 2010
     المشاركات : 3,842
     الإقامة : مـصـــر
     هواياتي : عشق بلدي
     إعجاب متلقى : 637 إعجاب متلقى
     إعجاب مرسل : 1167 إعجاب مرسل
     قوة السمعة : 14
     الحالة :  نَغَمْ غير متصل


     

    افتراضي

    بجد الله عليك يامحمد

    كالعاده استمتعت جداً بقراءة ماكتبت

    وكالعاده موضوعك راقي وقيّم جداً

    تسلم ايدك

    ودائماً انتظر جديدك







    رنوووده تسلم ايدك




  4. #4

    ƸӁƷخ ـرافية الـ ح ـسن ƸӁƷ

    الصورة الرمزية المـــلاك البــرئ
     رقم العضوية : 3175
     تاريخ التسجيل : Jan 2006
     المشاركات : 30,794
     الجنس : Female
     الدولة : Egypt
     الإقامة : Cairo, Egypt
     هواياتي : الرسم_عزف البيانو
     اغنيتي المفضلة : صباحك سكــــــــــر
     إعجاب متلقى : 7558 إعجاب متلقى
     إعجاب مرسل : 2266 إعجاب مرسل
     قوة السمعة : 50
     الحالة :  المـــلاك البــرئ غير متصل


     

    Icon2

    والله الثورة طلعت مواهب جامده عندكو وحلوة اوى
    تسلم ايدك يامحمد بجد توبيــك قمة فى الجمال والروعهـ
    تقبل مرورى المتواضع على متصفحك الجميل

    تقيمى +5 نجوم

    تحيتى

    Renaad

  5. #5

    ساهري
    الصورة الرمزية Rama
     رقم العضوية : 22907
     تاريخ التسجيل : Aug 2010
     المشاركات : 22,997
     الجنس : Female
     الدولة : United Arab Emirates
     إعجاب متلقى : 3169 إعجاب متلقى
     إعجاب مرسل : 3316 إعجاب مرسل
     قوة السمعة : 38
     الحالة :  Rama غير متصل


     

    افتراضي

    يسلمو ايديك أخي عالموضوع


  6. #6

    إنّ إلى ربِّكَ الرُّجعَى.
    الصورة الرمزية أسيل
     رقم العضوية : 23337
     تاريخ التسجيل : Nov 2010
     المشاركات : 6,919
     الجنس : Female
     الدولة : Palestine
     إعجاب متلقى : 3805 إعجاب متلقى
     إعجاب مرسل : 5161 إعجاب مرسل
     قوة السمعة : 19
     الحالة :  أسيل غير متصل


     

    افتراضي

    موضوع جميله يحمل حكايات تضمن واقع مرير
    هذا ليس حال مصر بل حال كل الدول العربية للأسف
    التي تحمل تناقضات كثيره في اغلب مناحي الحياة ان لم يكن معظمها
    (علينا بتشخيص امراضنا بطريقة صحيحة لإنة دون تشخيص سليم لامراضنا لن نجد العلاج)
    وحينما نجد العلاج علينا التخطيط والتنفيذ والوعي الاكثر

    عسى الله يحمي بلادنا ويجعلها مستقره مطمئنه آمنه
    زاخره بتقدمها وحضارتها وتعاملها وفكرها

    يسلموو خيووو

  7. #7

    رحم الله وجهها لم أنسآه

    الصورة الرمزية أحاسيس كاظمية
     رقم العضوية : 23031
     تاريخ التسجيل : Sep 2010
     المشاركات : 21,910
     الجنس : Female
     الدولة : Saudi Arabia
     الإقامة : تحت التراب معه
     هواياتي : إحتواء داخلي من الشتات
     اغنيتي المفضلة : كُل إحاسيس القيصر
     إعجاب متلقى : 1354 إعجاب متلقى
     إعجاب مرسل : 14181 إعجاب مرسل
     قوة السمعة : 35
     الحالة :  أحاسيس كاظمية غير متصل


     

    افتراضي

    تسلم يمينك


  8. #8

    لا حول ولا قوة إلا بالله
    الصورة الرمزية m_elshitaney
     رقم العضوية : 22841
     تاريخ التسجيل : Aug 2010
     المشاركات : 1,313
     الإقامة : مــصــر
     هواياتي : القراءه
     إعجاب متلقى : 255 إعجاب متلقى
     إعجاب مرسل : 9 إعجاب مرسل
     قوة السمعة : 13
     الحالة :  m_elshitaney غير متصل


     

    افتراضي

    اقتباس المشاركة الأصلية كتبت بواسطة نَغَمْ مشاهدة المشاركة
    بجد الله عليك يامحمد

    كالعاده استمتعت جداً بقراءة ماكتبت

    وكالعاده موضوعك راقي وقيّم جداً

    تسلم ايدك

    ودائماً انتظر جديدك




    تسلمي يا توته على ذوقك الجميل دا وأنا استمتعت جداً بمرورك هنا
    سعيد جداً برأيك .. وأنا دائماً انتظر مرورك ...


  9. #9

    لا حول ولا قوة إلا بالله
    الصورة الرمزية m_elshitaney
     رقم العضوية : 22841
     تاريخ التسجيل : Aug 2010
     المشاركات : 1,313
     الإقامة : مــصــر
     هواياتي : القراءه
     إعجاب متلقى : 255 إعجاب متلقى
     إعجاب مرسل : 9 إعجاب مرسل
     قوة السمعة : 13
     الحالة :  m_elshitaney غير متصل


     

    افتراضي

    اقتباس المشاركة الأصلية كتبت بواسطة المـــلاك البــرئ مشاهدة المشاركة
    والله الثورة طلعت مواهب جامده عندكو وحلوة اوى

    تسلم ايدك يامحمد بجد توبيــك قمة فى الجمال والروعهـ
    تقبل مرورى المتواضع على متصفحك الجميل

    تقيمى +5 نجوم


    تحيتى


    مصر ولاده يا رنوده .:)

    :

    بسيط جداً أمر الكتابه ولكن مع ردودك تلك يبدوا اني سأجن خخخخ
    منوره ريناد والله وسعيد جداً برأيك .. والجمال اكتمل بمرورك يا أحلى ملاك ..


  10. #10

    وكأني بك َأعانق القمر

     رقم العضوية : 22848
     تاريخ التسجيل : Aug 2010
     المشاركات : 14,558
     الجنس : Female
     الدولة : Egypt
     الإقامة : مصـريـهـ
     إعجاب متلقى : 2298 إعجاب متلقى
     إعجاب مرسل : 2362 إعجاب مرسل
     قوة السمعة : 31
     الحالة :  serialperson غير متصل


     

    افتراضي

    الله عليك يا محمد
    اسلوبك حلو اوى وشيق
    وناقشت فيه كتير من اللى حصل ايام زمان ولسه بيحصل
    لسه الجماهير بتشتم وبتخرج ع الروح الرياضيه
    والمذيع اللى مش عجبه حد بيدخل فيه شمال
    والناس اللى ماشيه فى الشارع كل وحد بيلعن وبيسب فى الزمن
    والناس والظروف

    حال محدش يرضاه ابدا

    محمد ابدعت فى طرحك



    يوما ما ..
    وحين تتركون أشياء من أجل الله وحده !
    فقط ابتغاءً لرضاه سبحانه ..
    كونوا على يقين أن الله سيمنحكم عوض أجمل ، أجمل بكثير !


صفحة 1 من 2 1 2 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الاعضاء الذين قرؤوا الموضوع: 0

لا يوجد أعضاء لوضعهم في القائمة في هذا الوقت.

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •