النتائج 1 إلى 9 من 9
Like Tree7إعجاب
  • 3 المشاركة بواسطة شاعره القطرين
  • 1 المشاركة بواسطة serialperson
  • 1 المشاركة بواسطة المـــلاك البــرئ
  • 1 المشاركة بواسطة دان 2
  • 1 المشاركة بواسطة أسيل

الموضوع: الواد كبر وباع أبوه.. قصيدة جمال بخيت الجديدة

  1. #1

    يقينى بالله يقينى
    الصورة الرمزية شاعره القطرين
     رقم العضوية : 22849
     تاريخ التسجيل : Aug 2010
     المشاركات : 4,207
     الجنس : Female
     الدولة : Egypt
     الإقامة : أرض الكنانة
     هواياتي : الذوبان فى الكوثر
     اغنيتي المفضلة : ليلى
     إعجاب متلقى : 1166 إعجاب متلقى
     إعجاب مرسل : 2120 إعجاب مرسل
     قوة السمعة : 17
     الحالة :  شاعره القطرين غير متصل


     

    افتراضي الواد كبر وباع أبوه.. قصيدة جمال بخيت الجديدة




    الواد كبر
    ابنى العظيم ابنى الجميل
    ابنى اللى قادر ينتصر على المستحيل
    الدنيا قاعدة ف مجلسه
    وله مهابه يحسها كل البشر
    اللى ف حضوره اتعطروا
    واللى ف هواه اتنفسوا
    كل الكبار .. ولاّ الصغار
    لو قربوله ..
    بيهمسوا
    كلماته شعر
    مفتى .. وعالم عبقرى
    كوم التراب يصبح دهب
    لو لمسه واحدة يلمسه
    الواد كبر
    تجيبوله جيش .. هايطوره
    تجيبوله عصر من الجهاله
    ينوره
    تجيبوله سد ..
    بطرف إيده .. يهندسه
    الواد فهم
    من غير ماحد يعلمه معنى العلام
    من قعدته ف مجلسى
    درس الحروب قبل السلام
    هضم المذاهب كلها
    سَرّبت له بين السطور
    علم النفور والانسجام
    علمته ينظر للبشر
    وف عينه مليون اتهام
    يرمى بذور الخوف ف دقة قلبهم
    ومن الوشوش
    يحصد نسيم الابتسام
    الواد كبر ..
    وكبر معاه وطنه الأشم
    الواد كبر ولازم له هم
    ولازم له قصر
    ولازم له عرش وصولجان
    وحدود وحاشية ومهرجان
    ممكن كمان
    سيرك وجنينة حيوانات
    سجن ومعارضة .. وتضحيات
    وحزب من اهل الكلام
    يدبجوله ف الخطب
    ويحفّظوه بعض النصوص
    وهيلمان وزرا ولصوص
    شوية منهم يسرقوا
    وشوية ياخدوا حقهم
    لما يوزع ف الوطن ويفرقه
    قلب الوطن .. لجل التخين
    راس الوطن .. لجل الكهين
    داعر لطيف
    اكبر حرامى ومدعى انه الشريف
    عين الوطن ..
    معروفة طبعا لجل مين ..
    للمخبرين ..
    الواد كبر .. ولازم له شعب يهرسه
    وقانون عظيم
    بإشارة واحدة ينشره
    واشارة تانيه .. يحبسه
    ولازم له منهج حكم
    - لكن معتبر –
    ع الخوف ضرورى يأسسه
    ولازم له كلب من الصحافه
    يمدحه ..
    وف وقت عوزة ..
    يقدسه ..
    وينزهه عن الغلط .. أو العبط
    وف عز اصعب وقت ف ليل الوطن
    يقعد معاه ..
    يونسه
    ويجيب له شمس .. تشمسه
    الواد كبر
    وصبح علامة للنبوغ ..
    الواد خلاص قرب يطول
    سن البلوغ ..
    ولازم له كرسى ينجسه
    ولازم له مجلس للموافقة والسكوت
    وان يوم نسى وطلع له صوت
    يتربسه ..
    ولازم له كهان للثقافة
    عند اللزوم
    يتمومسوا ..
    ولازم له خُدام .. للنظام
    على الجميع يتجسسوا
    ولازم له حبة بلطجية من التقال
    أولاد حلال
    جوه المظاهرة ينكسوا علم البلاد
    ويهتفوا بحب الفساد
    ويلزقوا ف مُزز المعارضة
    يقفّشوا .. ويحسسوا
    الواد كبر
    واظنه زيي
    ما لوهش قلب
    والحكم حلو وابن كلب
    كفاية شكل الحاشية
    لما بيسجدوا
    من غير سجود
    ساعة ما يعتبروا الرضا منى
    صعود
    أو لما ياكلوا ف بعض
    علشان يفوزوا ببسمتى
    وسط الحشود
    يتنططولى ويرقصوا زى القرود
    الواد كبر
    ولازم له حلم يمتعه
    ولازم له حصة تشبعه
    ولازم له حاشية يبرطعوا
    يترّبعوا
    يتطمعوا
    يدّلعوا
    واذا واد معارض
    حب يعمل فيها مسمار
    يخلعه
    يقلع عينيه .. ويأدبه
    وف أى صحرا
    يقلّعه
    الواد كبر
    واياك يا شعب تزهقوه
    أو تقرفوه
    وتطلعوله من النكت
    زى اللى طلعت عن أبوه
    اسمع يا واد
    الشعب ده ..
    وضع أساس النمردة
    وإياك ف مرّة تدلعه
    إكبس عليه ..
    يا تركعه .. يا تطمعه
    اسمع يا واد
    اول دروس حب الوطن
    سيب اللى نادوا بإسم غيرك
    يولعوا
    وسيب مصارين بطنهم
    - من حقدهم -
    يتقطعوا
    اسجد لآلهة الحياة
    وافتح لهم باب البلاد
    هاتفوز بأسباب النجاة
    وتفوز بأرواح العباد
    اسمع يا واد
    أول دروس حب الوطن
    ما ترتبطش بالوطن
    ولا ف سر ..
    ولا ف علن ..
    وحب نفسك أولاً ..
    سيبه يجوع
    يعطش .. يغيب ..
    أو يتفلق
    انت الحقيقة الثابتة
    من قبل هو ما يتخلق
    اسمع يا واد
    إياك تصدق
    ان فيه حاجة اسمها
    حب الوطن
    العرش اكبر م اليقين
    العرش .. دين
    العرش هو اللى جعلّك مخلصين
    بيوحدوك
    العرش للحاكم وطن
    والناس عشانه يقدسوك
    أو يشنقوك
    اسمع يا واد
    انا هنا لآخر نفس
    من غير شكوك
    ها تقولى : ليه ؟!
    العرش جنة خُلد للجالس عليه
    جنة خصوصى للاباطرة والملوك
    ولو جلست انت عليه
    كل الرعايا ..
    ها يتركونى ويتبعوك
    وانت
    - بدون احساس بذنب -
    من نشوتك
    ها تبيع أبوك


    دان 2 و أسيل و أحاسيس كاظمية معجبون بهذا.


  2. #2

    وكأني بك َأعانق القمر

     رقم العضوية : 22848
     تاريخ التسجيل : Aug 2010
     المشاركات : 14,558
     الجنس : Female
     الدولة : Egypt
     الإقامة : مصـريـهـ
     إعجاب متلقى : 2298 إعجاب متلقى
     إعجاب مرسل : 2362 إعجاب مرسل
     قوة السمعة : 31
     الحالة :  serialperson غير متصل


     

    افتراضي

    قصيده رائعه
    تسلم ايدك هبه
    شاعره القطرين معجب بهذا .



    يوما ما ..
    وحين تتركون أشياء من أجل الله وحده !
    فقط ابتغاءً لرضاه سبحانه ..
    كونوا على يقين أن الله سيمنحكم عوض أجمل ، أجمل بكثير !


  3. #3

    ƸӁƷخ ـرافية الـ ح ـسن ƸӁƷ

    الصورة الرمزية المـــلاك البــرئ
     رقم العضوية : 3175
     تاريخ التسجيل : Jan 2006
     المشاركات : 30,794
     الجنس : Female
     الدولة : Egypt
     الإقامة : Cairo, Egypt
     هواياتي : الرسم_عزف البيانو
     اغنيتي المفضلة : صباحك سكــــــــــر
     إعجاب متلقى : 7558 إعجاب متلقى
     إعجاب مرسل : 2266 إعجاب مرسل
     قوة السمعة : 50
     الحالة :  المـــلاك البــرئ غير متصل


     

    افتراضي

    تسلمى ياابلة
    شاعره القطرين معجب بهذا .

    Renaad

  4. #4

    يقينى بالله يقينى
    الصورة الرمزية شاعره القطرين
     رقم العضوية : 22849
     تاريخ التسجيل : Aug 2010
     المشاركات : 4,207
     الجنس : Female
     الدولة : Egypt
     الإقامة : أرض الكنانة
     هواياتي : الذوبان فى الكوثر
     اغنيتي المفضلة : ليلى
     إعجاب متلقى : 1166 إعجاب متلقى
     إعجاب مرسل : 2120 إعجاب مرسل
     قوة السمعة : 17
     الحالة :  شاعره القطرين غير متصل


     

    افتراضي

    شكراً ريناد
    شكراً سارة


  5. #5

    بكفي ....
    الصورة الرمزية دان 2
     رقم العضوية : 25118
     تاريخ التسجيل : Aug 2011
     المشاركات : 1,247
     الجنس : Male
     الدولة : Syria
     الإقامة : سوريا
     اغنيتي المفضلة : الرسم بالكلمات
     إعجاب متلقى : 555 إعجاب متلقى
     إعجاب مرسل : 982 إعجاب مرسل
     قوة السمعة : 11
     الحالة :  دان 2 غير متصل


     

    افتراضي

    حاولت اتنقي شي
    ولكن كل القصيدة رائعة وعبرة وجاي على الجرح
    يسلمو ايديكي
    أسيل معجب بهذا .


  6. #6

    إنّ إلى ربِّكَ الرُّجعَى.
    الصورة الرمزية أسيل
     رقم العضوية : 23337
     تاريخ التسجيل : Nov 2010
     المشاركات : 6,919
     الجنس : Female
     الدولة : Palestine
     إعجاب متلقى : 3805 إعجاب متلقى
     إعجاب مرسل : 5161 إعجاب مرسل
     قوة السمعة : 18
     الحالة :  أسيل غير متصل


     

    افتراضي

    قصيده جداً جداً مؤثره
    واضم صوتي للأخ دان

    بس الكلمات دي

    اسمع يا واد
    إياك تصدق
    ان فيه حاجة اسمها
    حب الوطن

    كتير بنسمعها

    يسلموو شاعرتنا

  7. #7

    يقينى بالله يقينى
    الصورة الرمزية شاعره القطرين
     رقم العضوية : 22849
     تاريخ التسجيل : Aug 2010
     المشاركات : 4,207
     الجنس : Female
     الدولة : Egypt
     الإقامة : أرض الكنانة
     هواياتي : الذوبان فى الكوثر
     اغنيتي المفضلة : ليلى
     إعجاب متلقى : 1166 إعجاب متلقى
     إعجاب مرسل : 2120 إعجاب مرسل
     قوة السمعة : 17
     الحالة :  شاعره القطرين غير متصل


     

    افتراضي

    دان
    أسيل
    جمال بخيت منبع إبداع
    معنديش كلام يوصف جمال مروركم على جمال بخيت


  8. #8

    رحم الله وجهها لم أنسآه

    الصورة الرمزية أحاسيس كاظمية
     رقم العضوية : 23031
     تاريخ التسجيل : Sep 2010
     المشاركات : 21,910
     الجنس : Female
     الدولة : Saudi Arabia
     الإقامة : تحت التراب معه
     هواياتي : إحتواء داخلي من الشتات
     اغنيتي المفضلة : كُل إحاسيس القيصر
     إعجاب متلقى : 1354 إعجاب متلقى
     إعجاب مرسل : 14181 إعجاب مرسل
     قوة السمعة : 34
     الحالة :  أحاسيس كاظمية غير متصل


     

    افتراضي

    تسلم يمينك


  9. #9

    ساهري
    الصورة الرمزية Rama
     رقم العضوية : 22907
     تاريخ التسجيل : Aug 2010
     المشاركات : 22,997
     الجنس : Female
     الدولة : United Arab Emirates
     إعجاب متلقى : 3169 إعجاب متلقى
     إعجاب مرسل : 3316 إعجاب مرسل
     قوة السمعة : 38
     الحالة :  Rama غير متصل


     

    افتراضي

    رائعة

    يسلمو ايديكي يا بطة


معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الاعضاء الذين قرؤوا الموضوع: 0

لا يوجد أعضاء لوضعهم في القائمة في هذا الوقت.

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •