صفحة 1 من 2 1 2 الأخيرةالأخيرة
النتائج 1 إلى 10 من 16
Like Tree8إعجاب

الموضوع: هو صحيح الرجالة ماتوا في 73؟!!

  1. #1

    تلمــــــيـــذ القيــــصر
    الصورة الرمزية سندباد
     رقم العضوية : 22996
     تاريخ التسجيل : Aug 2010
     المشاركات : 1,146
     هواياتي : الحــزن
     إعجاب متلقى : 159 إعجاب متلقى
     إعجاب مرسل : 106 إعجاب مرسل
     قوة السمعة : 12
     الحالة :  سندباد غير متصل


     

    Icon5 هو صحيح الرجالة ماتوا في 73؟!!



    المشهد الأول:

    المكان: أتوبيس مزدحم جدا..
    الزمانالساعة 8 صباحا
    سيدة حامل تحاول إيجاد مساحة فارغة داخل الأتوبيس المكتظّ.
    السيدة الحامل: "لو سمحت وسّع شوية مش عارفة أقف"
    شاب فنكي: "جرى إيه يا ست إنتي؟؟ ما إنت شايفة الدنيا زحمة"..
    صمت طويل.. شخص يقف فجأة استعداداً للنزول، والشاب قفز
    بسرعة ليجلس مكانه دون أدنى اهتمام بالسيدة الحامل..
    الشاب الفنكي: "الدنيا زحمة أوي.. مش معقول واقف من الصبح
    ما حدش قام علشان أقعد.. الناس جرى لها إيه؟؟"
    ويحاول أن ينام مسندا رأسه على ظهر المقعد حتى وقت النزول.
    عجوز يجلس في الخلف ويراقب المشهد من البداية: في نظرة استنكار
    وغضب يرد: "تعالي يا بنتي اقعدي مكاني.. أنا مش عارف الدنيا
    جرى فيها إيه! الظاهر إن الرجالة ماتوا في 73".
    يقف العجوز مستندا على ذراع الكرسي ويده الثانية على عكاز قديم
    وإلى أن يغادر الأتوبيس وهو مستنكر من الحالة التي وصل لها
    رجال مصر، وكيف أنهم بحق ماتوا في 73 كما نقول.
    المشهد الثاني:
    المكان: شارع جانبي في وسط البلد
    الزمان: يوم 6 أكتوبر - الساعة 12 ظهرا
    خناقة في وسط الشارع، والجميع يمر عليها ويكتفي بالمشاهدة من بعيد..
    عصام: "ما تيجي يا أخي نشوف الناس دي ونفضّ الخناقة..
    كده هيموّتوا بعض وما حدش سائل!!"
    فتحي: "باقول لك إيه، بلا خناقة بلا بتاع.. خليهم ياكلوا بعض،
    ولو ماتوا يبقى أحسن أهو نرتاح منهم.. ما ينوب المخلص إلا
    تقطيع هدومه.. وبعدين كده هنتأخر على ميعاد الواد عمرو،
    مستنينا في شارع سليمان باشا بالمسائل.. يلا بقى"..
    صوت شادية في خلفية المشهد من كشك صغير:
    ما شافش الرجال السمر الشداد فوق كل المحن
    ولا شاف العناد في عيون الولاد وتحدي الزمن
    ولا شاف إصرار في عيون البشر بيقول أحرار ولازم ننتصر
    أصله ما عدّاش على مصر.. يا حبيبتي يا مصر
    وهنا ينطلق صوت صاحب المحل العجوز: "اقفل يا واد الراديو ده،
    قال ما شافش الرجال قال.. تيجي تشوف دلوقتي، الكلام
    ده كان زمان.. فعلا الرجالة ماتوا في 73 ".
    عرفت إحنا بنتكلم على إيه ولا لسه؟؟ على تلك العبارة التي نرددها
    كل يوم، وعقب كل مشهد مؤسف تنهار فيه قيمة أو مبدأ أو
    تموت فيه الأخلاق: "الرجالة ماتوا في الحرب" جملة نرددها
    بمنتهىالتلقائية وتحمل بين حروفها ذلك المعنى الذي عجزنا أن نسميه
    لسنواتٍ، ويسميه المثقفون انهياراً أخلاقياً؛ ولكن الناس العاديين
    اختصروا ذلككله في تلك الجملة التي تؤكد دفن أخلاقيات المصريين
    مع شهدائها في حرب أكتوبر 1973.
    وبعيداً عن كون حرب أكتوبر نفسها بالنسبة لكثير من الشباب
    مجرد ذكرى سطر ونص في كتب التاريخ، أو اسم لكوبري
    "زحمة أوي"، أو اسم لمدينة جامدة بس ناقصها مترو، أو على
    حد تعبير شخص عادي سئل سؤالاً بسيطاً:
    "بماذا يذكرك 6 أكتوبر؟" "ده عيد ميلادي، بيفكرني
    بماما وبابا"..يعني أصبح ذكرى بعيدة مجوّفة لَدَينا، وخالية من معنى،
    تتذكره وسائلالإعلام باستضافة رموز الحرب الذين مازالوا على
    قيد الحياة، وأفلام "الرصاصة لاتزال في جيبي"،
    و"أغنية على الممر" و"أيام السادات"
    لمن لايزالون يشاهدون القنوات الأرضية.. لكن ماذا عن الأخلاقيات..
    عنا إحنا شباب مصر بعد 36 سنة من حرب أكتوبر؟!
    السؤال لك .. والإجابة لديك أيضا.. نحن الآن ومنذ أربعة عقود
    تقريبا ليس لدينا حرب مع عدو ظاهر؛ بل ما يقال لنا: إننا في سلام
    مع العدو الأساسي، ولا أعداء لدينا غير إسرائيل.. يعني من المفترض
    أن حالة الرخاء تنعكس على أخلاقياتنا وليس العكس.. وأن أعظم حرب
    في تاريخ مصر لا يصح أبدا أن تكون مجرد حرب عسكرية أعادت جزءاً
    من مصر وكفى، ودفنت معها أخلاقيات غالية مميزة للشعب المصري
    لتحل محلها اللامبالاة والسلبية وغياب الهدف والقدوة وحالة من
    التوهان، وشباب يختفي خلف الدخان الأزرق مكتفياً بجلسة علنية
    للشيشة على قهوة بلدي أو كافيه بالمعنى "المودرن"، وجلسة سرية
    مع أصدقائه ليضحك بهستيرية على لا شيء وهو يمسك بين
    أصابعه بسيجارة "محشية"..
    المنطق يقول: إن مصر التي أنجبت آلاف الشباب الذين دافعوا عنها
    بدمائهم وأرواحهم تنجب الآخرين الذين يرفعون راياتها -ليس على جبهة
    القتال فقط ولكن- في الشوارع والمدارس والجامعات ومجالات
    العمل المختلف.. لكن صفر المونديال في كل مجالات حياتنا يجعل مصر
    مثل مدرسة النجاح التي لم ينجح فيها أحد.. ولن ينجح فيها أحد أبداً،
    ونحن نعيش سنوات وباء الأخلاق الذي يشبه أنفلونزا الخنازير
    في سرعة العدوى به.
    اوعى تكون سرحت أو نمت.. الحكاية مش قصة فيلم؛ لكن إحنا فعلا
    نحتاج الآن إلى حرب أخرى ليست مع إسرائيل؛ ولكن مع
    أخلاقياتنا المنهارة.. وكما قال يسري فودة: إننا "نحتاج دعوة إلى
    الحرب.. لكنها حرب من نوع مختلف يقع ميدانها في بيوتنا وشوارعنا
    وجامعاتنا وإعلامنا"؛ لسبب بسيط، وهو أن بعد حرب أكتوبر
    لم يمت الرجال فقط، ولم تترمل نساؤهم فقط؛ ولكن ماتت الحالة
    الأخلاقية والإنسانية التي صنعت الحرب.. لسبب بسيط آخر؛
    لأن الذين حاربوا لم نزرعهم في صوبة منعزلة إلى حين بدء الحرب؛
    ولكنهم ولدوا علىأرض مصر كلٌ في بيئته، والتي صنعت منه وقت
    الشدة بطلاًفي الميدان وبطلا في المدرسة والجامعة والمسجد والشارع.
    ممكن تكون مختلف معانا وعندك وجهة نظر تانية، وتقول:
    إن مصر ليست بهذا السوء وأن تعبير الانهيار الأخلاقي ليس حقيقة؛
    ولكنه من خيال مثقفين يعيشون في برج عاجي.. وأنه مازالت
    الأخلاقيات موجودة والحالة "زي الفل"، وأن شباب الآن أحسن
    ألف مرة من شباب أكتوبر 1973، أو تقول حتى:
    إن جملة "الرجالة ماتوا في 73" مجرد جملة للسخرية ليس إلا
    ، أو ترى في نفسك أنه حين تحين الفرصة ستكون أفضل ممن رفع العلم
    فوق سيناء، وإذا جاءت الفرصة لن تتوانى عن كتابة "الله أكبر"
    بالدم على علم مصر.. لكن تذكر حينها أن الكلام أسهل بكثير من الفعل،
    وأن التضحية تحتاج إلى شخص آخر غير الذي يستمتع برائحة
    الحشيش والأفلام الإباحية على الموبيل..
    "يعني الحكاية مش سهلة زي ما إنت فاهم"؛ وإلا ما كناش نمثل
    فيلم الهروب عند كل خناقة صغيرة في الشارع، أو نردد
    "وأنا مالي" مع وردة عند كل موقف يتطلب "وقفة رجالة".
    يا ترى الرجالة ماتوا فعلا في 73 زي ما بنقول..
    ولا دي مجرد جملة بنقولها للسخرية من نفسنا؟
    وشباب مصر 2011 ممكن يعملوا بطولات زي
    شباب 1973؟ولا زمن البطولات راح
    وإحنا في زمن الدنيا خربانة؟


    أحاسيس كاظمية معجب بهذا .






  2. #2

    مشرفة
    الصورة الرمزية aza ahmed
     رقم العضوية : 23033
     تاريخ التسجيل : Sep 2010
     المشاركات : 1,593
     الإقامة : مصر
     هواياتي : الشعر و القصص والنادي الاهلي
     اغنيتي المفضلة : الحب المستحيل-ليلي-رمل البحر -الرعاةوالنار-مدينة الحب
     إعجاب متلقى : 77 إعجاب متلقى
     إعجاب مرسل : 86 إعجاب مرسل
     قوة السمعة : 11
     الحالة :  aza ahmed غير متصل


     

    افتراضي

    هيا فعلا المسالة مسالة اخلاقيات مش راجل او ست
    بس لما تكون متعلقة بالنخوة والشهامة وكل الكلام اللي مبقاش موجود بقينا بس بنسمع عنه لان فعلا كل واحد بقي بيقول انا مالي خليني في حالي احسن الا من رحم ربي ساعتها بنحس فعلا ان مبقاش فيه رجالة ولكن مجرد ذكور زي البطاقة مبتقول

    اما نشوف اخرتها ايه؟؟؟؟؟؟؟؟
    سندباد معجب بهذا .




  3. #3

    تلمــــــيـــذ القيــــصر
    الصورة الرمزية سندباد
     رقم العضوية : 22996
     تاريخ التسجيل : Aug 2010
     المشاركات : 1,146
     هواياتي : الحــزن
     إعجاب متلقى : 159 إعجاب متلقى
     إعجاب مرسل : 106 إعجاب مرسل
     قوة السمعة : 12
     الحالة :  سندباد غير متصل


     

    افتراضي

    اقتباس المشاركة الأصلية كتبت بواسطة aza ahmed مشاهدة المشاركة
    هيا فعلا المسالة مسالة اخلاقيات مش راجل او ست
    بس لما تكون متعلقة بالنخوة والشهامة وكل الكلام اللي مبقاش موجود بقينا بس بنسمع عنه لان فعلا كل واحد بقي بيقول انا مالي خليني في حالي احسن الا من رحم ربي ساعتها بنحس فعلا ان مبقاش فيه رجالة ولكن مجرد ذكور زي البطاقة مبتقول

    اما نشوف اخرتها ايه؟؟؟؟؟؟؟؟


    انتى جبتى من الاخر يا عزه ..هى بجد مسالة اخلاقيات


    نورتى ياقمرايه
    aza ahmed معجب بهذا .






  4. #4

    وعنداللہ لآتموت الآمنيات

    الصورة الرمزية edo maria
     رقم العضوية : 11512
     تاريخ التسجيل : Nov 2006
     المشاركات : 8,245
     الجنس : Female
     الدولة : Iraq
     الإقامة : في قلبهْ
     هواياتي : احبه موت..كل شي ء بعده زائف
     اغنيتي المفضلة : ومااللذي لااحبه فيه؟!
     إعجاب متلقى : 1405 إعجاب متلقى
     إعجاب مرسل : 203 إعجاب مرسل
     قوة السمعة : 24
     الحالة :  edo maria غير متصل


     

    افتراضي

    صح حبيبتي


    الف شكر للطرح


  5. #5

    مصرية ثورية
    الصورة الرمزية yasmina19
     رقم العضوية : 24301
     تاريخ التسجيل : Feb 2011
     المشاركات : 4,379
     الجنس : Female
     الدولة : Egypt
     الإقامة : مصر
     اغنيتي المفضلة : انا وليلى والحب المستحيل
     إعجاب متلقى : 1523 إعجاب متلقى
     إعجاب مرسل : 1429 إعجاب مرسل
     قوة السمعة : 18
     الحالة :  yasmina19 غير متصل


     

    افتراضي

    كلامك صحيح بس احنا مش عاوزين نفقد الامل
    يعنى لازم نضع فى الاعتبار الشباب اللى قامو بالثورة والناس اللى وقفوا جنبهم
    يعنى اكيد فى امل ان الاوضاع تتحسن بس لازم وقت ولازم صبر
    اولا انحدار الاخلاق وانعدام الرجولة بنسبة 80% ده نتيجة للظلم اللى البلد كانت فيه حسنى مبارك ضيّع كل حاجة حلوة فى الشباب
    بالمعنى الاصح سلط الشعب على بعضه
    يعنى مثلا ضابط المرور بيظلم السواقين والسواقين يغلو الاجرة على مزاج سيادتهم
    وادارة المدرسة تعامل المدرس معاملة سيئة ونفس الادارة بتتعامل نفس المعاملة من اللى اكبر منها......وهكذا
    والمدرس بدوره يبدا فى دوامة الدورس الخصوصية والمشاكل اللى عارفنها
    وغير كدة كتييييير
    لحد ما وصل كل واحد لمرحلة نفسى ثم نفسى ثم نفسى وبسسسسس
    وطبعا ده بدوره انعكس على الرجولة وعلى الاخلاص والاخلاق
    اكيد كل واحد منا مرت عليها اوقات فقد فيها الامل فى مصر
    يا جماعة ده ظلم 30 سنة يعنى عاوزله على الاقل 7,8 سنين علشان مصر ترجع حلوة
    وعلى فكرة لازم يجى حاكم صارم فى الفترة اللى جاية هو بئى اللى يعمل ثورة على الشعب فى الاخلاق


    شكرا
    اسفة على الاطالة
    سندباد و أسيل معجبان بهذا.


  6. #6

    ƸӁƷخ ـرافية الـ ح ـسن ƸӁƷ

    الصورة الرمزية المـــلاك البــرئ
     رقم العضوية : 3175
     تاريخ التسجيل : Jan 2006
     المشاركات : 30,794
     الجنس : Female
     الدولة : Egypt
     الإقامة : Cairo, Egypt
     هواياتي : الرسم_عزف البيانو
     اغنيتي المفضلة : صباحك سكــــــــــر
     إعجاب متلقى : 7558 إعجاب متلقى
     إعجاب مرسل : 2266 إعجاب مرسل
     قوة السمعة : 50
     الحالة :  المـــلاك البــرئ غير متصل


     

    افتراضي

    تسلم ايدك

    Renaad

  7. #7

    تلمــــــيـــذ القيــــصر
    الصورة الرمزية سندباد
     رقم العضوية : 22996
     تاريخ التسجيل : Aug 2010
     المشاركات : 1,146
     هواياتي : الحــزن
     إعجاب متلقى : 159 إعجاب متلقى
     إعجاب مرسل : 106 إعجاب مرسل
     قوة السمعة : 12
     الحالة :  سندباد غير متصل


     

    افتراضي

    اقتباس المشاركة الأصلية كتبت بواسطة yasmina19 مشاهدة المشاركة
    كلامك صحيح بس احنا مش عاوزين نفقد الامل
    يعنى لازم نضع فى الاعتبار الشباب اللى قامو بالثورة والناس اللى وقفوا جنبهم
    يعنى اكيد فى امل ان الاوضاع تتحسن بس لازم وقت ولازم صبر
    اولا انحدار الاخلاق وانعدام الرجولة بنسبة 80% ده نتيجة للظلم اللى البلد كانت فيه حسنى مبارك ضيّع كل حاجة حلوة فى الشباب
    بالمعنى الاصح سلط الشعب على بعضه
    يعنى مثلا ضابط المرور بيظلم السواقين والسواقين يغلو الاجرة على مزاج سيادتهم
    وادارة المدرسة تعامل المدرس معاملة سيئة ونفس الادارة بتتعامل نفس المعاملة من اللى اكبر منها......وهكذا
    والمدرس بدوره يبدا فى دوامة الدورس الخصوصية والمشاكل اللى عارفنها
    وغير كدة كتييييير
    لحد ما وصل كل واحد لمرحلة نفسى ثم نفسى ثم نفسى وبسسسسس
    وطبعا ده بدوره انعكس على الرجولة وعلى الاخلاص والاخلاق
    اكيد كل واحد منا مرت عليها اوقات فقد فيها الامل فى مصر
    يا جماعة ده ظلم 30 سنة يعنى عاوزله على الاقل 7,8 سنين علشان مصر ترجع حلوة
    وعلى فكرة لازم يجى حاكم صارم فى الفترة اللى جاية هو بئى اللى يعمل ثورة على الشعب فى الاخلاق


    شكرا
    اسفة على الاطالة



    وحياة شيبوب انتى كلامك ده ميه ميه

    على فكره لو فكرتى تترشحى للرئاسه عرفينى وانا هديكى صوتى.
    yasmina19 معجب بهذا .






  8. #8

    D o n j o i n
    الصورة الرمزية ali_aldouri
     رقم العضوية : 22914
     تاريخ التسجيل : Aug 2010
     المشاركات : 10,583
     الجنس : Male
     الدولة : Iraq
     الإقامة : بيــت الحبايـــب
     هواياتي : القراءة - التصميم
     اغنيتي المفضلة : كل ابداعات القيصر
     إعجاب متلقى : 4794 إعجاب متلقى
     إعجاب مرسل : 3252 إعجاب مرسل
     قوة السمعة : 26
     الحالة :  ali_aldouri غير متصل


     

    افتراضي

    شكرا اخي
    وان شاء الله مصر تنهض من كل الازمات








  9. #9

    هويتي مصرية و أصولي عربية
    الصورة الرمزية لؤلؤة احساس القيصر
     رقم العضوية : 22999
     تاريخ التسجيل : Aug 2010
     المشاركات : 1,470
     الإقامة : مصـــــر
     هواياتي : الشعر
     اغنيتي المفضلة : كله علي بعضه حلو
     إعجاب متلقى : 122 إعجاب متلقى
     إعجاب مرسل : 151 إعجاب مرسل
     قوة السمعة : 11
     الحالة :  لؤلؤة احساس القيصر غير متصل


     

    افتراضي

    مبروك الاول ع الاسم ..
    عارف الكلمة بتاعت الرجالة ماتوا في 73 اخر مرة سمعتها من واحدة صاحبتي يوم جمعة النصر ( اول جمعه ) بعد ما المخلوع فارقنا ..
    كنت بحكيلها اني لسه راجعه ن صلاة الجمعه في التحرير وراء شيخنا القرضاوي .. المهم قالتلي ان المدرس بتاعها يوم 24 يناير قالها هي البلد بقي فيها رجالة ده الرجاله ماتوا في 73 والاسطوانه بتاعت جيل بايظ وبقيت الاسطوانه اكيد انت عارفها .. المهم جه المدرس بعدها باسبوع وكان فات اسبوع ع الثورة قالها انا كنت غلطان لا الرجالة ما ماتوش ودول الرجالة وانا كنت غلطان ..
    بس الظاهر اني هقول ان الرجاله ماتوا في ثورة يناير ( معلش يعني ) بس لو البلد ما اتعدلتش في المدة ديه بجد هيبقي عار اللي احنا فيه








    تسلم ايدك سندباد


  10. #10

    تلمــــــيـــذ القيــــصر
    الصورة الرمزية سندباد
     رقم العضوية : 22996
     تاريخ التسجيل : Aug 2010
     المشاركات : 1,146
     هواياتي : الحــزن
     إعجاب متلقى : 159 إعجاب متلقى
     إعجاب مرسل : 106 إعجاب مرسل
     قوة السمعة : 12
     الحالة :  سندباد غير متصل


     

    افتراضي

    اقتباس المشاركة الأصلية كتبت بواسطة ali_aldouri مشاهدة المشاركة
    شكرا اخي
    وان شاء الله مصر تنهض من كل الازمات

    انشاء الله اخ على ....تحياتى ليك






صفحة 1 من 2 1 2 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الاعضاء الذين قرؤوا الموضوع: 0

لا يوجد أعضاء لوضعهم في القائمة في هذا الوقت.

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •