صفحة 1 من 2 1 2 الأخيرةالأخيرة
النتائج 1 إلى 10 من 14
Like Tree5إعجاب

الموضوع: جدل في مصر حول صحة فيديو سحل وتعرية فتاة مجلس الوزراء

  1. #1

    سفير القيصر في الكويــت

     رقم العضوية : 22861
     تاريخ التسجيل : Aug 2010
     المشاركات : 3,491
     الجنس : Male
     الدولة : Kuwait
     الإقامة : الكويـــت
     اغنيتي المفضلة : في مدرسة الحب
     إعجاب متلقى : 1848 إعجاب متلقى
     إعجاب مرسل : 2609 إعجاب مرسل
     قوة السمعة : 0
     الحالة :  School of love غير متصل


     

    Icon3 جدل في مصر حول صحة فيديو سحل وتعرية فتاة مجلس الوزراء

    السلام عليكم ورحمة الله وبركاتة





    جنود مغاربة في فيديو اعتداء على سيدة بميدان التحرير


    جدل في مصر حول صحة فيديو سحل وتعرية فتاة مجلس الوزراء





    مازالت قصة الفتاة التي سحلها جنود بعد تعريتها من الجزء العلوي من ملابسها في شارع مجلس الشعب في معارك مجلس الوزراء تشغل الرأي العام المصري والعالمي.

    وبينما تحدث اللواء عادل عمارة في المؤتمر الصحافي للمجلس الأعلى للقوات المسلحة عن أن الفيديو يخضع للتحقيق لكشف ملابسات الحادث ومحاسبة المسؤولين عنه، بدأت موجة الجدل حول صحة الواقعة، لاسيما أن الفتاة لم تظهر بعد ومازالت مجهولة.

    وتطرقت بعض البرامج في القنوات الفضائية الخاصة إلى هذا الجدل، إلا أن الصحافي أيمن الصياد رئيس تحرير مجلة "وجهات نظر" رد على ذلك أمس الثلاثاء في برنامج "العاشرة مساء" الذي تقدمه الإعلامية منى الشاذلي بأن الفيديو لم يُلتقط بكاميرا تليفون محمول وإنما بواسطة وكالة "رويترز"، وبذلك لا يمكن التشكيك في مصداقيتها خصوصاً أن مصور الوكالة الذي التقطها موجود ومعروف.

    وأثار المشهد ردود فعل غاضبة محلياً ودولياً، وتبلغ مدته بضع ثوانٍ لجنود يسحبون فتاة أثناء معارك مجلس الوزراء يوم الجمعة الماضي ويسحلونها بعد تعرية الجزء العلوي من ملابسها ثم قيام أحد الجنود بضربها بحذائه على صدرها.

    ونشرت "نيويورك تايمز" صورة الفتاة على صدر صفحتها الأولى، ووصفتها بعض الصحف الغربية بأنها أشجع امرأة في الشرق الأوسط، وانتقدته بشدة وزيرة الخارجية الأمريكية هيلاري كيلنتون ووصفته بالعار.

    وخرجت مظاهرات نسائية أمس في ميدان التحرير احتجاجاً على الحادث ورفعت شعارات منها "نساء مصر خط أحمر"، وأصدر المجلس العسكري بياناً على صفحته بـ"فيسبوك" حمل رقم "91" يعرب عن أسفه لسيدات مصر اللاتي وصفهن بالعظيمات لوقوع بعض التجاوزات، مؤكداً حقهن في التظاهر.

    ولقي 13 شخصاً مصرعهم في معارك مجلس الوزراء واحترق المجمع العلمي الذي يضم تراث مصر وخرائطها الحدودية منذ عام 1800 بالإضافة إلى مبانٍ أخرى حيوية.

    وقامت صحيفة مصرية مستقلة صدرت بعد الثورة بنشر صورة الفتاة مرتين في صدر صفحتها الأولى على مدار يومين متتاليين.



    طارق الخولي: أعرف الفتاة وترفض الكشف عن وجهها





    في البداية تحدث طارق الخولي المتحدث الإعلامي لحركة 6 أبريل "الجبهة الديمقراطية مؤكدا لـ"العربية.نت" أنه يعرف الفتاة معرفة شخصية وهي ترفض الكشف عن وجهها لوسائل الاعلام "لأن الموقف الذي وضعت فيه موقف لا تحسد عليه، وهي ترى أن هذا المشهد الذي وقعت فيه سيكون رمزا للثورة المصرية ولما يحدث من المجلس العسكري تجاه الثوار ".



    ويعلق على الجدل المثار حول حقيقة فتاة التحرير بقوله" هذا ما اعتدناه في الفترة الأخيرة من المجلس العسكري.. قلب للحقائق، وتشكيك في الثوار وشباب التحرير، وإحداث انقسامات بين جماهير الشعب المصري لكي يبقى هو المسيطر على مقاليد الأمور".

    ويعترف طارق الخولي بأن هناك بالفعل صورة لجنود مغاربة تم نسبها للأحداث المصرية، لكنها صورة نشرت بطريق الخطأ وهي الصورة الوحيدة وغير مشهورة، أما واقعة الفتاة فهي حقيقية ويكفينا اعتراف المجلس العسكري بها، واعتذاره عنها فهذا اقرار بالواقعة ".

    ويضيف الخولي قائلا "أما اذا استدرك اللواء عادل عمارة عند سؤاله عن تفاصيل هذه الواقعة بأنها قيد التحقيق فهذا مسلك اعتدنا عليه من المجلس العسكري، فهو عندما يتم ادانته في أي موقف يقول أنه قيد التحقيق ".
    دان 2 و عاشقة القيصر1 معجبان بهذا.


  2. #2

    سفير القيصر في الكويــت

     رقم العضوية : 22861
     تاريخ التسجيل : Aug 2010
     المشاركات : 3,491
     الجنس : Male
     الدولة : Kuwait
     الإقامة : الكويـــت
     اغنيتي المفضلة : في مدرسة الحب
     إعجاب متلقى : 1848 إعجاب متلقى
     إعجاب مرسل : 2609 إعجاب مرسل
     قوة السمعة : 0
     الحالة :  School of love غير متصل


     

    افتراضي

    والله هالشى يقهر مسكينه البنت شنو ذنبها...! الله يستر على بنات المسلمين ...


  3. #3

    بكفي ....
    الصورة الرمزية دان 2
     رقم العضوية : 25118
     تاريخ التسجيل : Aug 2011
     المشاركات : 1,247
     الجنس : Male
     الدولة : Syria
     الإقامة : سوريا
     اغنيتي المفضلة : الرسم بالكلمات
     إعجاب متلقى : 555 إعجاب متلقى
     إعجاب مرسل : 982 إعجاب مرسل
     قوة السمعة : 11
     الحالة :  دان 2 غير متصل


     

    افتراضي

    لا حول ولا قوة الا بالله
    هني بيعرفو ان نقطة الضعف هيي العرض
    الله يكسر ايديهن
    يسلمو علاوي عالخبر تحياتي


  4. #4

    eng. mohamed
    الصورة الرمزية alsahir eyes
     رقم العضوية : 22859
     تاريخ التسجيل : Aug 2010
     المشاركات : 892
     الإقامة : Riyadh, Saudi Arabia, Saudi Arabia
     هواياتي : Facebooking Electrical engineering books Sherlock Holmes, SHERLOCK HOLMES 2: Jocul umbrelor, Just Go
     اغنيتي المفضلة : مدرسة الحب
     إعجاب متلقى : 144 إعجاب متلقى
     إعجاب مرسل : 55 إعجاب مرسل
     قوة السمعة : 10
     الحالة :  alsahir eyes غير متصل


     

    افتراضي

    تسلم ايدك على الطرح

    تحياتي

    [/IMG]

  5. #5

    ساهري
    الصورة الرمزية Rama
     رقم العضوية : 22907
     تاريخ التسجيل : Aug 2010
     المشاركات : 22,997
     الجنس : Female
     الدولة : United Arab Emirates
     إعجاب متلقى : 3169 إعجاب متلقى
     إعجاب مرسل : 3316 إعجاب مرسل
     قوة السمعة : 38
     الحالة :  Rama غير متصل


     

    افتراضي

    :(

    :(


    :(


  6. #6

    الصورة الرمزية حسام المصرى
     رقم العضوية : 23262
     تاريخ التسجيل : Nov 2010
     المشاركات : 1,733
     الجنس : Male
     الدولة : Egypt
     إعجاب متلقى : 169 إعجاب متلقى
     إعجاب مرسل : 30 إعجاب مرسل
     قوة السمعة : 12
     الحالة :  حسام المصرى غير متصل


     

    افتراضي

    مع إنى فى الجيش بقضى فترة خدمتى العسكرية

    إلا إنى حزين جدا بسبب أفعال المجلس العسكرى لانى فى الاول والاخر إنســان مصرى

    أعيش حالة إكتئاب مزمنة لانه أصبح يطلق علينا كتائب المجلس المباركى

    والحقيقة غير ذلك

    الحقيقة أننا جنود مصر

    نحن خير أجناد الارض

    احنا رجالة مصر مش أعداء مصر عشان نهتك عرض أخواتنا

    الجيش اللى بيتشتم دلوقتى هو اللى حمانا واحنا فى التحرير

    وساعدنا واحنا واقفين فى الشوارع عاملين لجان شعبية

    معملش زى جيش ليبيا وسوريا واليمن

    الله وحده يعلم بحقيقة الفتاة التى تدعى عزة

    ولكن مع احترامى ليها

    هل هناك فتاة تخرج فى مظاهرة ترتدى عباءة سمراء فقط ؟

    بدون وجود اى شئ تحتها ؟

    لا وكمان العباية دى بــ كباسين يعنى لو حد بص للعباية تلاقى العباية اتفكت لوحدها

    !!!!

    تعالوا نفكر بس مع بعض بصوت عالى

    ليه كل مالدنيا تهدى فى مصر تحصل حاجه تولع الدنيا

    ؟

    طب احنا دلوقتى فى انتخابات برلمانية

    يعنى من مصلحة كل فئات الشعب بما فيها الفلول ان تكون الاجواء فى مصر مستقرة

    بقى مين من مصلحته ان الدنيا تولع كدا ؟

    وبعدين ليه دايما كل شئ خطئ يحصل فى مصر تكون معاه كاميرا فيديو جاهزة للتصوير ؟

    عامة ربنا يسامح أى حد يخطئ فى حق رجال مصر

    وافتكروا اننا قبل ما نكون جنود احنا مصريين

    وان لو جالى أمر إنى أضرب واحده او ارفع سلاحى فى وجه اى مصرى

    هكسر الامر وهرمى السلاح

    ويكون اهون عليا اتحاكم محاكمة عسكرية ممكن توصل لاعدام رميا بالرصاص

    عن انى اهين حد المفروض انى بحميه

    ودا مش كلامى لوحدى

    دا كلام كل اللى فى الجيش

    وفى النهاية اتمنى نفكر قبل ما نصدق

    مافيش ممنوع
    وهتكلم وهتألم
    عشان صاحبى
    اللى مات م الجوع

    مافيش ممنوع
    وهتظاهر
    ومِ الآخر
    يا اجيب حقى
    يا من جِدرى
    هكون مقلوع

    مافيش ممنوع
    ومهما تضربوا ف رصاص
    وفى قنابل ..تسيل فى دموع
    أنا مكمل .. كما الأول
    ومعجم ثورتى الكامل
    مافيهش رجوع



  7. #7

    اقتربت ...
    الصورة الرمزية 2nSan"y"
     رقم العضوية : 23541
     تاريخ التسجيل : Dec 2010
     المشاركات : 1,498
     الإقامة : حيث اريد
     هواياتي : اهوى القتل حقا
     إعجاب متلقى : 608 إعجاب متلقى
     إعجاب مرسل : 105 إعجاب مرسل
     قوة السمعة : 13
     الحالة :  2nSan"y" غير متصل


     

    افتراضي

    اقتباس المشاركة الأصلية كتبت بواسطة حسام المصرى مشاهدة المشاركة
    مع إنى فى الجيش بقضى فترة خدمتى العسكرية
    إلا إنى حزين جدا بسبب أفعال المجلس العسكرى لانى فى الاول والاخر إنســان مصرى
    أعيش حالة إكتئاب مزمنة لانه أصبح يطلق علينا كتائب المجلس المباركى
    والحقيقة غير ذلك
    الحقيقة أننا جنود مصر
    نحن خير أجناد الارض
    احنا رجالة مصر مش أعداء مصر عشان نهتك عرض أخواتنا
    الجيش اللى بيتشتم دلوقتى هو اللى حمانا واحنا فى التحرير
    وساعدنا واحنا واقفين فى الشوارع عاملين لجان شعبية
    معملش زى جيش ليبيا وسوريا واليمن
    الله وحده يعلم بحقيقة الفتاة التى تدعى عزة
    ولكن مع احترامى ليها
    هل هناك فتاة تخرج فى مظاهرة ترتدى عباءة سمراء فقط ؟
    بدون وجود اى شئ تحتها ؟
    لا وكمان العباية دى بــ كباسين يعنى لو حد بص للعباية تلاقى العباية اتفكت لوحدها
    !!!!
    تعالوا نفكر بس مع بعض بصوت عالى
    ليه كل مالدنيا تهدى فى مصر تحصل حاجه تولع الدنيا ؟
    طب احنا دلوقتى فى انتخابات برلمانية
    يعنى من مصلحة كل فئات الشعب بما فيها الفلول ان تكون الاجواء فى مصر مستقرة
    بقى مين من مصلحته ان الدنيا تولع كدا ؟
    وبعدين ليه دايما كل شئ خطئ يحصل فى مصر تكون معاه كاميرا فيديو جاهزة للتصوير ؟
    عامة ربنا يسامح أى حد يخطئ فى حق رجال مصر
    وافتكروا اننا قبل ما نكون جنود احنا مصريين
    وان لو جالى أمر إنى أضرب واحده او ارفع سلاحى فى وجه اى مصرى
    هكسر الامر وهرمى السلاح
    ويكون اهون عليا اتحاكم محاكمة عسكرية ممكن توصل لاعدام رميا بالرصاص
    عن انى اهين حد المفروض انى بحميه
    ودا مش كلامى لوحدى
    دا كلام كل اللى فى الجيش
    وفى النهاية اتمنى نفكر قبل ما نصدق

    بص يا حسام .. انا اكتر من مرة و الله اقرى ردودك و تعجبني .. و بحس انك فاهم انته بتقول ايه .. مش زي ناس تانية هبل في المنتدى ..

    و الله يعني انا فاهمك و سمعت الكلام دا من اكتر من واحد من عساكر الجيش و الله .. بس اللي بيحصل دا حقيقة .. و مش معنى ان فيه شرفاء في الجيش سوا انته او غيرك .. ان مافيش في الجيش ولاد كلب ..

    اللي حصل دا .. حصل قدام عيون الناس في الشارع في مظاهرة كبيرة في التحرير .. و كونه انه يتصور .. فدا طبيعي جدا .. لان ناس كتير جدا بتنزل التحرير بكاميرات .. و فيه قنوات اخبارية كتير ليها كاميرات دائمة و شبة دائمة في التحرير ..

    و على فكرة في حجات كتير بتحصل افظع من دي مية مرة و مش بتتصور .. و مش عزة لوحدها اللي انضربت .. و الله العظيم اللي انضربوا و اتقتلوا كتير اوي .. منهم صحابنا و حبايبنا و خواتنا ..

    احنا ما بنتكلمش عن مؤسسة الجيش .. لان الجيش دا انا هاخشه زي زيي اي حد في البلد .. و نزاهة الجيش من نزاهتي انا و انته و نزاهة الشعب المصري كله .. محدش يقدر يشكك فيها ..

    احنا بنتكلم عن المجلس العسكري .. عن لوائات الجيش اللي زيهم زي اي حد في طره دلوقتي .. صعب تلاقي حد فيهم شريف و قلبه ع البلد ..

    احنا بنتكلم عن التعبئة النفسية اللي بتحصل للعساكر اللي اكيد انته عارفها .. الكلام اللي بيحشوا بيه دماغ العسكري اللي مقطوعة عنه الاخبار .. اللي كل صبح و كل ليل بيسمعه من كل اللي حواليه ..ان الثوار دول مأجورين .. و واخدين فلوس عشان يخربوا البلد و يدمروا الدولة و انتو درعها الاخير و مافيش غيركو هايحمي مصر ..

    اما موضوع البت اللي اتعرت .. اللي اتهرس مية الف مرة دا .. فوالله عيب اوي .. عيب اوي اوي ان بنت تنضرب ضرب موت في الشارع قدام الناس بالمنظر دا .. و حد يجي يتكلم عن انها مدفوعلها و ايه اللي منزلها و مش لابسه حاجة ليه .. والله عيب اوي .. اولا .. البنت كانت لابسه بلوفر و العساكر قطعوه .. ثانيا .. مش دي البنت الوحيدة اللي انضربت بالمنظر دا على فكرة .. و مش البنت الوحيدة اللي العساكر سحلوها .. و مسحوا بكرامتها الارض ..

    و الله كل اللي بتكلموا في موضوع ان البنت دي مدسوسة .. دول خنازير بيحاولو يبرروا سكوتهم عن اللي حصل و جريهم ورا الانتخابات و السلطة اللي مافيش حاجة في الدنيا تهمهم غيرها باي شكل و اي مبرر ..

    و مش انته لوحدك اللي حزين .. و الله حال البلد يبكي .. و اذا كنت انته حزين فافتكر الام اللي ابنها في طب ولا في هندسة و لا لسه بيبدأ حياته و العساكر قتلوه .. و افتكر البنات اللي العساكر سحلوهم و مسحوا بكرامتهم الارض في الشوارع و في غير الشوارع .. و افتكر الناس اللي الدبابات ساوتهم بالارض .. و الناس اللي ماتت عنيها راحت و الناس اللي ماتت بالغاز و غيره و غيره و غيره ..

    انا كنت النهاردة الصبح في جنازة واحد زميلي في هندسة عين شمس قتلوه بالرصاص و شفت منظر امه و هيا بتعيط عليه.. و الله العظيم ولا دم طنطاوي و شلته كلها يسيح في الشوارع ممكن يطفي نارها عليه .. و الله الرجالة كانت واقفة بتسح في الدموع من كلامها على ابنها ..

    يا عم الحج كلنا حزنين .. حزن ايه بس .. حد شاف حزن ؟؟
    عاشقة القيصر1 معجب بهذا .

    نم يا صلاحَ الدين
    نم.. تَتَدلى فوقَ قَبرِك الورودُ..
    كالمظلِّيين!
    ونحنُ ساهرونَ في نافذةِ الحَنينْ
    نُقشّر التُفاحَ بالسِّكينْ
    ونسألُ اللهَ "القُروضَ الحسَنه"!
    فاتحةً:
    آمينْ.



    دنقل

  8. #8

    الصورة الرمزية عاشقة القيصر1
     رقم العضوية : 22863
     تاريخ التسجيل : Aug 2010
     المشاركات : 4,392
     الإقامة : روحي
     هواياتي : الكتابة
     اغنيتي المفضلة : انا وليلى ، كثر الحديث
     إعجاب متلقى : 2462 إعجاب متلقى
     إعجاب مرسل : 2948 إعجاب مرسل
     قوة السمعة : 14
     الحالة :  عاشقة القيصر1 غير متصل


     

    افتراضي

    سبارتاكوس قال كل شي برده
    انا في الاول كنت متوقعه انو صورة مفبركه
    بس والله في ناس اكدولي هالشيء لانهم شافوا بعيونهم
    مش عيب اننا نقول الحقيقة عادي الجيش يضم جميع الفئات
    واي شيء ممكن
    مثل ما كانوا ناس مع الثوار بليبيا سرقوا بيوت هما محسوبين عليهم
    لانهم معهم
    مثل ما صار بسوريا وبتونس
    لو بندور بنلاقي كثير
    بس ما بنقول غير انو الله يوحد صفوفنا


    ربي ياخذ حق كل مظلوم
    ويقوي الشعوب العربية




    اسد الثورة أنت أبيت الظلم........... فلبيت مقبلا للثورة النداء

    عرفناك حرا عرفناك بطلا ..............وها أنت شهيد الشهــداء

    سنذكرك دوما ويوم نزحـف ........... وندك عقر دار الطغـاة

    سنذكــرك يوم نثأر قسمـــا ...........يوم نقتص لكل الشهـداء

    رحيلك عنا أليما صاعقا ............... ولكن ثمن الحرية الفداء

    على دربك سنسير عهدا............... على أبواب النصر اللقاء

    جنة الخلد مقامك أبــــدا ............. وسنحمل من بعدك اللواء

    لا نهاب في سبيل الوطن ............ الموت وأرواحنا له فداء

    وداعا يا حبيب الثوار ولن ............. نرضى دون النصر عزاء

  9. #9

    الصورة الرمزية حسام المصرى
     رقم العضوية : 23262
     تاريخ التسجيل : Nov 2010
     المشاركات : 1,733
     الجنس : Male
     الدولة : Egypt
     إعجاب متلقى : 169 إعجاب متلقى
     إعجاب مرسل : 30 إعجاب مرسل
     قوة السمعة : 12
     الحالة :  حسام المصرى غير متصل


     

    افتراضي

    سبارتكوس , عاشقة

    أولا شكرا سبارتكوس لكلامك ومدحك

    ثانيا

    انا مقلتش ان الصور مفبركة لانها اصلا فيديو مش مجرد صور

    لكن انا اقصد

    انه من الخطأ اننا نصنف خطأ شخصى ونقوم بتعميمه على فئة بأكملها

    يعنى دا خطأ فردى من أفراد فى الجيش إستخدموا القوة إستخدام خاطئ وسئ ومفرط

    الجيش المصرى أكبر وأشرف من كدا بكتير

    والخطأ الحقيقى يقع على عاتق جنرالات المجلس العسكرى

    اللى رموا الجنود فى مواجهات مع الشارع

    الشارع اللى تم شحنه بجرعات كبيرة من الغضب من طريقة إدارة الحياة السياسية فى مصر

    إحنا جنود مصر

    ولاد مصر

    بنتدرب بفلوس أهل مصر وعلى سلاح هنحارب به عشان مصر

    وعايز اقول حاجه كمان

    جنود الجيش المصرى ثلاثة فئات

    مؤهل عالى ومتوسط وبدون مؤهل

    العالى والمتوسط فاهمين

    اللى بدون مؤهل دا مش فاهم حاجه كل اللى فى دماغه انه فى الجيش يعنى هو الصح وان اللى قدامه دول اعداء الوطن عشان كدا بيتعامل من المنطلق دا بقوة مفرطة غاشمة

    انا جندى بخدم فى القوات المسلحة

    يعنى عارف ازاى القادة بيتعاملوا مع الجنود

    وعارف ان مستحيل ان يصدر امر لينا بأننا نضرب البنات ونمزق ملابسهم

    مستحيل ومن رابع المستحيلات

    الفعل دا نتيجة التعرض لضرب وهجوم

    انا كنت فى تأمين لنادى ظباط الشرطة فى السويس ورحت كمان تأمين ققسم الاربعين

    تخيل كدا وحط نفسك مكانى

    انت جندى قوات مسلحة واقف خدمة وعندك أوامر بتأمين منشأة عامة

    يجى تجمهر أو مظاهرة سلمية

    ساعتها هكون فرحان بالمنظر الحضارى

    بعد ربع ساعه بالظبط اتحدف علينا مولوتوف وطوب وانضرب علينا رصاص

    تخيل اخواتك بيضربوك بمولوتوف وطوب وباراشوتات وكمان رصاص

    ساعتها انت بتكون فى حالة دفاع عن النفس اولا وثانيا بيكون جواك حالة غضب لانك لازم المكان اللى بتحميه يفضل سليم حتى لو هتموت

    ساعتها لازم تضرب وتمسك وتسلمه للشرطة العسكرية وبعدين يروح النيابة العسكرية عشان يتحقق معاهم

    صدقونى انتوا بتتكلموا كدا عشان انتوا شايفين الموضوع من زاوية واحدة

    انا بتكلم كدا لانى كنت فى الناحيتين

    مرة كنت مع المتظاهرين وبعدين دخلت الجيش وبقيت بحمى

    صدقونى عشان تشوفوا صح

    لازم تشوفوا من الناحيتين

    وهكرر تانى

    مهما حصل تأكدوا انه مستحيل انه يصدر لينا أمر بضرب الفتيات وتمزيق ملابسهم

    انا قلت هنا حاجات مينفعش أقولها وحكيت حاجات

    ممكن اتحاكم محاكمة عسكرية عليها بس عادى بالنسبة لى لانى اهون عليا اكون مسجون عن انى حد يشوفنى وحش

    :)

    مافيش ممنوع
    وهتكلم وهتألم
    عشان صاحبى
    اللى مات م الجوع

    مافيش ممنوع
    وهتظاهر
    ومِ الآخر
    يا اجيب حقى
    يا من جِدرى
    هكون مقلوع

    مافيش ممنوع
    ومهما تضربوا ف رصاص
    وفى قنابل ..تسيل فى دموع
    أنا مكمل .. كما الأول
    ومعجم ثورتى الكامل
    مافيهش رجوع



  10. #10

    الصورة الرمزية حسام المصرى
     رقم العضوية : 23262
     تاريخ التسجيل : Nov 2010
     المشاركات : 1,733
     الجنس : Male
     الدولة : Egypt
     إعجاب متلقى : 169 إعجاب متلقى
     إعجاب مرسل : 30 إعجاب مرسل
     قوة السمعة : 12
     الحالة :  حسام المصرى غير متصل


     

    افتراضي

    نسيت اقول شئ اخير

    ايام المظاهرات كنت بحرق
    بس كنت بحرق أقسام شرطة بينضرب علينا منها رصاص

    لكن مستحيل متظاهر حقيقى يحرق مجمع علمى فيه حاجات نادرة وملهاش بديل

    ويكون فرحان وهو بيحرقه

    فكر كدا معايا لما تحب تسقط دولة تعمل ايه ؟

    1 تسقط الشرطة ( وددا حصل فعلا )

    2 تعمل فتنة طاائفية ( ودا كمان حاصل )

    3 تهدم آقوى مؤسسة فى أى دولة اللى هى الجيش ( ودا اللى بيحصل اليومين دول )

    توقع انت بقى مين له مصلحة فى كدا
    School of love معجب بهذا .

    مافيش ممنوع
    وهتكلم وهتألم
    عشان صاحبى
    اللى مات م الجوع

    مافيش ممنوع
    وهتظاهر
    ومِ الآخر
    يا اجيب حقى
    يا من جِدرى
    هكون مقلوع

    مافيش ممنوع
    ومهما تضربوا ف رصاص
    وفى قنابل ..تسيل فى دموع
    أنا مكمل .. كما الأول
    ومعجم ثورتى الكامل
    مافيهش رجوع



صفحة 1 من 2 1 2 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الاعضاء الذين قرؤوا الموضوع: 0

لا يوجد أعضاء لوضعهم في القائمة في هذا الوقت.

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •