نهاية حلم على يد اكزانتيب

**perrylover** · 03-21-2012, 02:29 AM

صباح الخير يانسمة رقيقة
و سط موجة حر
يالمسة ايد
بتشدنى زى حرف الجر
يا نظرة عين
زي موجة خطفتنى
و انا عالبر
هو انا غرقان
بعد الشر
قلت انا تايه فى اييه
هو دا مش بحر؟
بس حاسس بالدفا
هو دا مش بحر ؟
وبرضه حاسس بالامان
يبقى دا مش بحر
طب انا غرقان فى اييه؟
لو ماكنش البحر؟
قلت افتح عينى اشوف
شو فت حاجة بتلمع
زى ضوء الفجر
كات سلسلة متعلقة
بين جوز ارانب
لا قيتها نايمة جنب منى
رفعت عينى لفوق شوية
شوفت عروسة البحر
شعرها الموج اللى نايم
عالمخدة
و نفسها زى النسيم
اللى جاى من جنينه زهر

يبقى انا غرقان صحيح
بس مش فى البحر
كأنى فى الف ليلة
وانا شهر
فجأة صاح الديك
و راحت الصورة و راح البدر
لا قيت زلزال بيهزنى
و لا قيتها وا قفة فوق دماغى
و ف عنيها الغدر
صرخت فى وشى اكزانتيب
قوم يا سقراط
قوم يا فيلسوف
هات مصروف الشهر
عاو زنى خدامة فى البيت
ومن غير اجر
كانت مراتى الكابوس اللى ف حياتى
يبقى ده مش بحر
ده المحيط اللى بلعنى
بقالى دهر
ما كنش بحر
و ماكنش بدر
الحقيقة كنت بحلم
انى نايم جوة حضنك
حلم ليلة قدر....
...............................

ملحوظة ...
اكزانتيب هى زوجة سقراط .
و تعتبر نموذج تاريخى للزوجة المتسلطة على زوجها

**عاشقة القيصر1** · 03-21-2012, 02:36 AM

خير الكلام ما قل ودل

ابداااااااااع

خمس نجوم

**أســـير الهمس** · 03-21-2012, 04:38 AM

ويبقى قلمك
أجمل قلم ويكتب أرق حرف
أنتظره من زمن وبعد
ليطرب قلبى
كتبت فأبدعت فطربت
لقولك
فى إنتظار جمالك القادم

كن بخير

**المـــلاك البــرئ** · 03-21-2012, 08:53 AM

مازلت رائعا فى كل بوح

بس مختلف حاسه في الخاطرة دى
وبالتالي قدرت تعبر بصوره جميله
عموما اكيد روعه اوى واللهى وثقتك وأحساسك
لايعلى علية دايما انتا مبدع وروعه
يارب اشوفك اكبر شاعر فى مصر
أستمعت كتير بقرائتها
تسلم ايدك وظل زيد علينا

لك خالص تقديرى وأحترامى

شــــااعـــــر*ساهري* · 03-21-2012, 08:24 PM

جميل جداً اخي
لا تحرما من ابداعاتك
تقبل مروري

**perrylover** · 03-23-2012, 02:41 AM

المشاركة الأصلية كتبت بواسطة عاشقة القيصر1

خير الكلام ما قل ودل

ابداااااااااع

خمس نجوم

.....................................
عاشقة الساهر
خير الكلام و اجمله هو كلامك
و اشكرك على المنحة .. نجومك الخمس
امتنانى اختى الغالية و لتبقى صفحتى فى انتظار عودتك الغاليه
تحياتى وتقديرى

**perrylover** · 03-23-2012, 02:49 AM

[quote=أســـير الهمس;771680]

ويبقى قلمك
أجمل قلم ويكتب أرق حرف
أنتظره من زمن وبعد
ليطرب قلبى
كتبت فأبدعت فطربت
لقولك
فى إنتظار جمالك القادم

كن بخير

[/quote
..................................
اسير الهمس
....................
وليبقى مرورك بمتصفحى حدث تسعد به حروفى البسيطة
اشكرك اخى و صديقى العزيز
انتظرك دائما
اتشرف بوجو دك
تحياتى وتقديرى

**perrylover** · 03-23-2012, 03:01 AM

المشاركة الأصلية كتبت بواسطة المـــلاك البــرئ

مازلت رائعا فى كل بوح

بس مختلف حاسه في الخاطرة دى
وبالتالي قدرت تعبر بصوره جميله
عموما اكيد روعه اوى واللهى وثقتك وأحساسك
لايعلى علية دايما انتا مبدع وروعه
يارب اشوفك اكبر شاعر فى مصر
أستمعت كتير بقرائتها
تسلم ايدك وظل زيد علينا

لك خالص تقديرى وأحترامى

الملاك البرىء
اسعدنى مرورك بحق
ولا اجد من الكلمات ما يرقى لحد شكرك
معك حق فيما شعرت فيه بأختلاف
و ربنا يقبل دعوتك فيلس اقرب الى الله من دعاء الملائكة
تحياتى و تقديرى
و اجمل امنياتى لأجلك

**أسيل** · 03-24-2012, 01:07 PM

يعني اذا ابتليت باكزانتيت
راح تصير فيلسوف اكيد
حسب اعتراف سقراط
ومع انه عانى الامرين منها الا انه
باواخر حياته اعترف وقال

أنا مدين لهذه المرأة لولاها ماتعلمت أن الحكمة في الصمت وأن السعادة في النوم
وإذا رُزق الرجل بزوجة حكيمة مخلصة غدا سعيداً وإذا منحته الأقدار زوجة شريرة مشاكسة أضحى فيلسوفاً

خاطرتك ذكرتني بمواقف سقراط مع زوجته
وطريق ردوده عليها

يسلمووووو