النتائج 1 إلى 8 من 8
Like Tree2إعجاب
  • 2 المشاركة بواسطة mazzika

الموضوع: وده يوم يتنسي

  1. #1

    ساهري
    الصورة الرمزية mazzika
     رقم العضوية : 3566
     تاريخ التسجيل : Feb 2006
     المشاركات : 911
     الجنس : Male
     الدولة : Egypt
     الإقامة : بلد العمال
     هواياتي : كتيييير
     اغنيتي المفضلة : كله
     إعجاب متلقى : 43 إعجاب متلقى
     إعجاب مرسل : 4 إعجاب مرسل
     قوة السمعة : 14
     الحالة :  mazzika غير متصل


     

    Icon6 وده يوم يتنسي

    اعادة نشر كتابات قديمة حتى لا تطير مع الدخان


    فاكر أول يوم ليك في حياتك ؟


    طبعا مش يوم ما اتولدت ، لأنك أكيد كنت أهبل وبرياله وبتعيط عالفاضي والمليانه ... طبعا هوا فيه حد عاقل يبئى قاعد بلبوص كده والدنيا كلها بتتفرج عليه ؟ ماعلينا

    أنا اقصد أول يو
    م ليك في المدرسة ... فاكره ؟


    طب فاكر ليلتها كان شكلك ايه ؟

    وبتستعد لليوم ده ازاي؟

    فاكر أول خطوه ليك جوه المدرسه وأبوك أو أمك او ايا كان بيودعك علشان خلاص لأول مره هتبئى لوحدك مع ناس ماتعرفهمش ؟

    أكيد فااكر ...لأن ده يوم ما يتنسيش ولا يمحى من ذاكره البني آدم مهما طال به العمر


    هتئولي أفتكر ايه والا ايه والا ايه ... ده انا مش فاكر اتعشيت ايه امبارح ؟ ائولك وماله تعالى نفكر بعض

    ماهو انتا هتفتكر يعني هتفتكر


    طيب انا عندي ائتراح (أيوه هيا بتتكتب كده) أنا ههحكي على اول يوم ليا وانتوا بئى وشطارتكم ..إشطه ؟

    ********

    أول ما عرفت إاني خلاص رايح المدرسه ...

    كوابيس وأحلام اليقظه ... ماكنتش مصدأ إني خلاص رايح المدرسه ... انا صحيح كنت سمعت أبويا في يوم بيئول لمامتي اني قدمت للولد في المدرسه وقبلوه اخيرا ..بس انا قلت اكيد بابا بيهزر او دي كدبة ابريل

    حتى جاءت ليلة الذهاب الى المدرسه وجاء ابي لأخذنا الى السوق لشراء لوازم المدرسه من ملابس وكشاكيل وشنطه وخلافه ....

    ولعدم رغبتي في هذا المشوار من أساسه دخلت لأخذ الشاور بتاعي الذي طال وطال حتى دخل في قرابة الساعه تقريبا ...
    انا اصلا مش عاوز اتعلم انا كان نفسي اطلع عربجي ...

    استسلمت للأمر الواقع وخرجت معهم وحيث ان المشوار مش على هوايا بدأت في رص الطلبات التعجيزيه لأمي علشان ما يلائو هاش فتبئى حجه قويه لكي ارفض الذهاب الى المدرسه

    وفي المكتبه ..ومن أولها بدأ الطفل الشرير في داخلي بالظهور وإطلاق الضحكه الساخره اللي بيضحكها توم لما كان بيبئى خلاص هياكل جيري

    ماما ... انا عاوز شنطه عليها سبايدر مان وسوبر مان وبات مان مع بعض !!!

    يابني نئي واحد فيهم بس والسنه الجايه هجيبلك البائي

    لا ..ماليش دعوه انا عاوزهم كلهم في شنطه واحده

    وبعد البحث والتدوير وللأسف وجدت امي ضالتها ووجدت الشنطه وعليها سبايدر وسوبر وبات مينز

    طبعا ازبهليت وجزيت على اسناني من فشل اول مطلب ليا ...لاكن على مين ده انا مازن وجاء الطلب التعجيزي الآخر

    يالا يا حبيبي اهو التلات بتوع اللي انتا قلت عليهم اهم في شنطه واحده

    لا لسه فيه واحد مش موجود

    مين تاني انتا مش قلت بات مان وسوبر مان ومنش عارفه ايه كده مان ده

    لا لسه كابتن ماجد ... انا عاوز كابتن ماجد كمان معاهم

    وبيشتغل ايه كابتن زفت ماجد ده

    ده بيلعب كوره يا ماما

    وايه اللي دخل ماجد مع المينز بتوعك دول

    ماليش دعوه انا عاوز كابتن ماجد معاهم ..خلاص مش عاوز اروح المدرسه

    يابني يا حبيبي اخزي الشيطان وخد الشنطه

    ولاكني اصريت (
    غير ألحيت(

    لاكن برضه على مين ده انتا دخلت في معركه كلاميه مع واحده ست فمن الطبيعي ان الست تكسب

    فقالت امي خلاص يا حبيبي مش هتروح المدرسه تعالى بئى نجيب بائي الحاجات علشان ادرسلك في البيت )
    قادره وتعمليها وصدق اللي قال الأم مدرسة(

    ولم اكن اعرف انها خطه محكمه حتى انسى موضوع الشنطه واتوه في وسط الأقلام والمساطر والجلاد وغيره)
    ان كيدهن عظيم ..اي والله (

    المهم رجعنا وجاء وقت النوم وأبت جفوني ان تحتضن بعضها في شوق الأحباب وكعادتهم كل ليلة لاكن احلام اليقظه التي راودتني في تلك الليله قطعت عليهم خلوتهم وافسدت عليهم شوقهم في الإحتضان حتى الصباح

    ولاكني اخيرا رضخت لمطالبهما المتكرره في الإحتضان وسلمت امري لله وسبتهم يحضنوا بعض ... وحسيت بموضوع الشوق ده الصبح لما جيت افتح عيني ولئيتهم ماسكين في بعض بطريقه بشعه لدرجة اني مش عارف افتح عيني )
    على فكره انا بتكلم عن رموشي ليكون حد فاهمني غلط ( ..لاكن على مين سابوا بعض غصبن عنهم وعني حين ارتطم بوجهي شيئ يشبه قطار السكه الحديد وما ان فتحت عيني حتى وجدته الحذاء الجديد وكأنه يرحب بي ويقول : يالا قوم البسني بئى ...فنظرت للحذا قائلا :حتى انتا مستعجل عاوز تروح المدرسه ...

    فقفزت من على سريري لاعنا كل شيئ عالصبح ولا اكلم احد ..حتى وقف ابي امامي كتمثال ابراهيم باشا أبو إصبع وهو يؤشر لي قائلا :
    10 دقايق تكون اخدت الشاور بتاعك ولبست علشان نفطر

    وفي سرعة كلب البحر قفزت الى الدش وتشششششش ولبست وكنت على سفرة الطعام رافعا يدي شاكرا المولى على نعمة الطعام والشراب داعيا بعدم زواله ...آمين )
    تربية خواجاتي(
    وبعد الإنتهاء من الفطار عملت عبيط ودخلت الى غرفتي خلسه حتى اخذ اخر جرعة حنان من سريري المصون حتى قطعت خلوتي اصابع ابراهيم باشا قصدي ابويا وهي تنزل على وجهي ..ماحسيتش بحاجه غير وانا مرمي زي كيس الزباله داخل السياره في الطريق الى المدرسه

    وطوال الطريق اطربني أبي بمعلقته الخالده والتي اسماها "
    قصيدة مش عاوز"

    مش عاوز شكاوي من حد مش عاوزك تضرب حد ومش عاوز شقاوه ومش عاوز شكاوي من المدير .. ومش عاوزك ترمي الساندوتش بتاعك .. ومش عااوز عياط ...فاااهم

    وبعد انتهاء ابي من سرد القصيده .. اعطيته التحيه العسكريه ونزلت من السياره متجها الى باب المدرسه مكره اخاك لا بطل

    ********

    اول ما حطيت رجلي جوه المدرسه اطلقت العنان لدموع عيني في الإنهمار وكاننا في موسم المطر وانا اردد

    بابا انا مش عاوز اروح المدرسه ..مكن نخليها في يوم تاني اصل انا تعبان النهارده ... اصل انا عاوز ادخل الحمام ...
    فقاطعني جوز اقلام ظباطي من اللي يفوقوا العفريت فرجعت دموعي الى كهفها وارتسم وجهي بابتسامة تلقائيه ناسيا كل الأوجاع والحجج التي اطلقها من قليل

    وما ان غاب الوالد عن ناظري حتى تفاجئت .. خير اللهم اجعله خير ... ركب بني آدم

    استغفر الله العظيم ... فاتجهت بناظري الى الأعلى محاولا معرفة ماهذا الشيئ الذي قلب النهار الى ليل حتى وصلت الى اكتاف هذا المخلوق ..وحال الضباب دون ان ارى وجهه لاكن مالبث ان انقشع الغيم وشرقت الشمس ليظهر وجه المخلوق في الأفق

    هوا كان بيتكلم لاكن نظرا لبعد المسافه بيني وبينه كان الكلام بيوصل مقطع

    فهوى هذا الجسد الى اسفل حتى اسمعه فأمسك بكتفي كالعصفور قائلا :

    الساعه كام يا ولد ؟

    فارتجف جسدي في رعب شديد قائلا : مش بعرف في الساعه يا عمو

    فرد قائلا : جميل جميل )مش عارف ايه اللي جميل بالظبط (

    طيب يالا عاوز اغمض عيني وافتحها الائيك اختفيت من ادامي

    وما ان هممت بالركض حتى عاجلتني احدى قدماه بشلوت من اللي بياخدهم توم من سبايك جابتلي البواسير

    فدخلت الى الفصل باكيا لاعنا المدرسه والمدرسين والتعليم من اساسه

    حتى وجدت خير اللهم اجعله خير الدنيا نورت والشمس طلعت والدنيا ربيع والجو بديع ... والسبب هذه الفتاه التي رايتها

    جمال ايه وعيون ايه ومناخير ايه وشعر ايه و..ايه وايه وايه )اطفال اخر زمن صحيح(

    فباغتتني باحتضانه انستني بكائي وبواسيري وبابا غنوجي وطبعت شفتاها النونو على خدي الوردي )ايام ماكان وردي(

    وقالت : مالك يا حبيبي ... )حبيبك بسرعه كده ده انا تاثيري قوي اوي(

    مافيش يا طنط اصل في راجل ضربني بره

    معلش يا حبيبي ماتزعلش

    هوا انتا اسمك ايه

    انا اسمي مازن وانتي ؟ )لا عيال ما بتضيعش وقت (

    انا اسمي أبله نبيله المدرسه بتاعتك

    ياسلام هوا في نبيله كده في الدنيا ...الظاهر اني هحب المدرسه

    فقالت .. بتعرف تكتب اسمك ؟

    فقلت لها : لا مش بعرف

    فقالت طب تعالى : فامسكت يدي وبدات في كتابة اسمي على الصنبوره

    ومن يومها لم انسى اسمي قط

    فطالبت كل من في الفصل بالتصفيق لي بحراره ...ياسلام دي المدارس دي حاجه حلوه خالص

    *********

    وعدى اليوم على مهله...على مهله... وفي الفسحه كنت قد تعرفت على بعض الأطفال ودي احد صفاتي الجيده والحمد لله بعمل علاقات في لمح البصر ..فاخترع احد الذين تعرفت عليهم لعبه وهي ان نركض فوق الطاولات ..اهو أي هبل وخلاص

    فاعجبتني الفكره واخذت اركض على الطاولات في مهارة لاعبي السيرك حتى اختل توازني في احدى المرات

    وهوووووووووووب وقعت على حرف الكرسي فانفتحت ذقني ..

    وخد عندك بئى صراخ وعوييل والحئووني حتى جاء احد المدرسين واجدا ملابسي غارقة في الدماء فهرول بي الى المدير ..الحق يا حضرة الناظر ...يالهوي كده من اول يوم انتا هببت ايه يابني

    فاتصل المدير بالسيد الوالد في العمل حتى يبلغه بهذه المصيبه

    وقال له احنا هناخد الولد على المستشفى الفلاني

    وفعلا ذهبنا الى المستشفى وعند رؤية الطبيب مكان الجرح قال :

    لازم تتخيط

    تتخيط ...ياخراشي

    فركضت كالمجنون في المستشفى والدماء تسيل مني ولم تفلح جميع المحاولات في الإمساك بي اصل انا كنت سريع وبعدين كنت لعيب كوره فمش من السهل اتمسك

    حتى انقض علي ايجار كاسياس ..قصدي حارس الأمن واخذوني بالقوه الى غرفة العمليات وخيطولي دقني 4 غرز

    والحمد لله الحمد لله اخذت اسبوع اجاازه

    ودي كانت حكايتي مع الزمان

    ياترى انتوا بئى كان اول يوم ليكم حلو كده ؟
    Omar1985 و آلاء معجبان بهذا.


    حتى الشاي مالوش طعم من غيرك


  2. #2


    الصورة الرمزية Omar1985
     رقم العضوية : 2
     تاريخ التسجيل : Apr 2006
     المشاركات : 5,220
     الجنس : Male
     الإقامة : جازان
     اغنيتي المفضلة : الحب المستحيل
     إعجاب متلقى : 868 إعجاب متلقى
     إعجاب مرسل : 1505 إعجاب مرسل
     قوة السمعة : 50
     الحالة :  Omar1985 غير متصل


     

    افتراضي

    والله موضوعك رهيب ههههه
    من ينسى بداية المدرسة الصدق انها من اصعب مراحل العمر لا وبالمدرسة يعطونا كيك وبسكوت وعصير كانا ما نلقاها في البيت هههه يعملو حركات

    شكرا يابرنس عالموضوع


  3. #3

    ساهري
    الصورة الرمزية mazzika
     رقم العضوية : 3566
     تاريخ التسجيل : Feb 2006
     المشاركات : 911
     الجنس : Male
     الدولة : Egypt
     الإقامة : بلد العمال
     هواياتي : كتيييير
     اغنيتي المفضلة : كله
     إعجاب متلقى : 43 إعجاب متلقى
     إعجاب مرسل : 4 إعجاب مرسل
     قوة السمعة : 14
     الحالة :  mazzika غير متصل


     

    افتراضي

    تسلم ياعمر

    اي والله كانت صعبه موووت

    انتا متخيل ابوك او امك بيسلموك للمدرسه زي كأنك مجرم وبيسلموه للشرطه

    شعور صعب جدا

    وكنت تقول في نفسك

    للدرجه دي انا هنت عليهم

    هههههههههههه


    حتى الشاي مالوش طعم من غيرك


  4. #4

    إنّ إلى ربِّكَ الرُّجعَى.
    الصورة الرمزية أسيل
     رقم العضوية : 23337
     تاريخ التسجيل : Nov 2010
     المشاركات : 6,919
     الجنس : Female
     الدولة : Palestine
     إعجاب متلقى : 3805 إعجاب متلقى
     إعجاب مرسل : 5161 إعجاب مرسل
     قوة السمعة : 18
     الحالة :  أسيل غير متصل


     

    افتراضي

    أنا كنت رايحه اول يوم فرحانه ومش مصدقة حالي
    وقبل المدرسه كنا بالروضه كنت انا وتؤامي وبنت عمتي
    ثلاثي مرح دايماً مع بعض

    بنت عمتي ما قبلوها وطلعوها من الصف وهي تبكي
    ما بدها تروح وانا اشد ايدها بدي اياها معي ههههههه

    وتؤامي كان بمدرسه ثانيه فكان شعور اول يوم مفرح ومحزن بنفس الوقت
    وأخيراً بالثانوية رجعنا التقينا
    ويا سلام لما كنت بالمقعد مع تؤامي كل البنات هنيالك وهنيالك هههههههه
    كان عنا استاذ الانجليزي واسمه مازن كمان كان بحصته ما يخليني
    بالمقعد مع اخي ينقلني واعصب منه ههههههه


    لكن احلى ايام ايام المدرسه فهي ايام لا تنسى صدقاً


    يعطيك العافية يا معلم

  5. #5

    الصورة الرمزية آلاء
     رقم العضوية : 24721
     تاريخ التسجيل : May 2011
     المشاركات : 3,193
     الجنس : Female
     الدولة : Lebanon
     هواياتي : قرأة الشعر
     اغنيتي المفضلة : أنا وليلى
     إعجاب متلقى : 1781 إعجاب متلقى
     إعجاب مرسل : 1204 إعجاب مرسل
     قوة السمعة : 14
     الحالة :  آلاء غير متصل


     

    افتراضي

    أووول يوم فتت فيه المدرسه كنت مفكره
    أني رايحه عند الحكيم كانت مرعوبه كتير
    وظليت شي اسبووع وانا مفكرتو مشفى هههه


    موووضوع رائع يعطيك العاافيه يامميز
    بأأنتظاار جديدك بكل شوق
    بقاات الياسمين لك






    ســــــأقطع لســــااااان الحرف
    إذ لـــم يتغنـــــــى بحبـــــــك



  6. #6

    ساهري
    الصورة الرمزية mazzika
     رقم العضوية : 3566
     تاريخ التسجيل : Feb 2006
     المشاركات : 911
     الجنس : Male
     الدولة : Egypt
     الإقامة : بلد العمال
     هواياتي : كتيييير
     اغنيتي المفضلة : كله
     إعجاب متلقى : 43 إعجاب متلقى
     إعجاب مرسل : 4 إعجاب مرسل
     قوة السمعة : 14
     الحالة :  mazzika غير متصل


     

    افتراضي

    ميرسي يا الاء على مرورك

    كله جاي ان شاء الله

    تحياتي


    حتى الشاي مالوش طعم من غيرك


  7. #7

    ali almnsef
    الصورة الرمزية lord of war
     رقم العضوية : 22997
     تاريخ التسجيل : Aug 2010
     المشاركات : 6,112
     الجنس : Male
     الدولة : Iraq
     الإقامة : بين جفنيها
     هواياتي : كل مايفرز الادرينالين
     اغنيتي المفضلة : بالتأكيد كان صديقي
     إعجاب متلقى : 1495 إعجاب متلقى
     إعجاب مرسل : 940 إعجاب مرسل
     قوة السمعة : 17
     الحالة :  lord of war غير متصل


     

    افتراضي

    موضوعك شيق جميل اخي
    سلمت يداك






  8. #8

    ساهري
    الصورة الرمزية mazzika
     رقم العضوية : 3566
     تاريخ التسجيل : Feb 2006
     المشاركات : 911
     الجنس : Male
     الدولة : Egypt
     الإقامة : بلد العمال
     هواياتي : كتيييير
     اغنيتي المفضلة : كله
     إعجاب متلقى : 43 إعجاب متلقى
     إعجاب مرسل : 4 إعجاب مرسل
     قوة السمعة : 14
     الحالة :  mazzika غير متصل


     

    افتراضي

    اقتباس المشاركة الأصلية كتبت بواسطة أسيل مشاهدة المشاركة
    أنا كنت رايحه اول يوم فرحانه ومش مصدقة حالي
    وقبل المدرسه كنا بالروضه كنت انا وتؤامي وبنت عمتي
    ثلاثي مرح دايماً مع بعض

    بنت عمتي ما قبلوها وطلعوها من الصف وهي تبكي
    ما بدها تروح وانا اشد ايدها بدي اياها معي ههههههه

    وتؤامي كان بمدرسه ثانيه فكان شعور اول يوم مفرح ومحزن بنفس الوقت
    وأخيراً بالثانوية رجعنا التقينا
    ويا سلام لما كنت بالمقعد مع تؤامي كل البنات هنيالك وهنيالك هههههههه
    كان عنا استاذ الانجليزي واسمه مازن كمان كان بحصته ما يخليني
    بالمقعد مع اخي ينقلني واعصب منه ههههههه


    لكن احلى ايام ايام المدرسه فهي ايام لا تنسى صدقاً


    يعطيك العافية يا معلم
    كويس انكم التئيتوا تاني
    على رأي الشاعر اللي مش فاكره قال :
    وقد يجمع الله الشتيتين بعد ما يظنان كل الظن الا تلاقيا

    ياسلام يافيروز


    حتى الشاي مالوش طعم من غيرك


معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الاعضاء الذين قرؤوا الموضوع: 1

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •