النتائج 1 إلى 5 من 5
Like Tree2إعجاب
  • 2 المشاركة بواسطة mazzika

الموضوع: بابا أنا عاوزه أشتغل !

  1. #1

    ساهري
    الصورة الرمزية mazzika
     رقم العضوية : 3566
     تاريخ التسجيل : Feb 2006
     المشاركات : 911
     الجنس : Male
     الدولة : Egypt
     الإقامة : بلد العمال
     هواياتي : كتيييير
     اغنيتي المفضلة : كله
     إعجاب متلقى : 43 إعجاب متلقى
     إعجاب مرسل : 4 إعجاب مرسل
     قوة السمعة : 14
     الحالة :  mazzika غير متصل


     

    افتراضي بابا أنا عاوزه أشتغل !

    اعادة نشر كتابات قديمة حتى لا تطير مع الدخان


    كنت اتحدث من كم يوم مع الشله المنيله بستين نيله الي انا فيها عن عمل المراه


    مش المراه المراه لاكن البنت يعني

    كان محور الحديث هل لو انتا اتهببت وانتصيت في نظرك واتجوزت وسبحان الله الذي يمهل ولا يهمل استطعت (
    وطبعا ربنا كبير يعني) انك تخلف وكان المولود بنت

    المهم البنت كبرت وكده وعاوزه تشتغل .... هل انتا كأب تقبل انها تشتغل ؟

    طبعا كانت الردود موافقه بالإجماع .... بس

    ايووووه هيا بس دي ... بس ايه بئى ؟


    احد الأصدقاء قال :

    والله انا راجل متحضر ومتفتح وعادي ان بنتي تشتغل ايه يعني بس الأهم انها تكون شغلانه محترمه وكويسه وكمان تكون بالنهار بس

    ماشي ياسيدي اهو برضه النهار له عينين

    وصديق اخر قال :

    والله انا ماعنديش مانع لو كانت مصره بس انا او حد من البيت يجيبها ويوديها ويكون العمل كله نسوان مافيهوش ريحة راجل اه ياعم احنا عيلة محافظه وماعندناش

    بنات ينكشفوا على رجاله


    ياواد ياحمش ماشي ياسدي حئك ماهو على اساس هتخلف سهير رمزي ياخويا اتنيل ما العينه بينه والا انتا ماشي على نظام القرد في عين امه غزال لاكن وماله حئك

    برضه


    وصديق ثالث قال :

    لالالا تشتغل ايه انتا تهبلت تقعد في البيت ال شغل ال هيا بتتنيل تعرف تعمل صينيه مكرونه حتى , هيا فالحه في المطبخ لما هتفلح في الشغل ربنا يستر عاللي هييجي

    ياخدها , ده ممكن يرجعهالي وفوقيها مروحه هديه


    هوا اعتبر خلاص انه اتجوز وجاب بت فاشله زيه , احب الناس اللي عارفه نفسها كويس هيا تجيب نجاح منين ماهو ابوها اسمالله عليه ... ماعلينا

    واخر قال :

    شوف يامازن ياخويا , البت من دول لما هتكبر وتخش الجامعه هتقعد اكتر من نص اليوم بره البيت من الجامعه للكورسات يعني تطلع من صباحية ربنا ماترجعش قبل

    الساعه 8 بالليل ,فبصراحه لما تخلص لو حبت تشتغل اوكي عادي ما احنا كده كده مش كنا بنشوفها واهي تريحني من مصاريفها يمكن في الشغل حد يعجب بيها ويجي

    يطلبها ويجوزها ويخلصنا منها


    مش عارف ليه كل صحابي متشائمين من العيال اللي لسه ماخلفوهمش يمكن علشان احنا اصلا كنا عيال بنت تيييت وكنا معذبين خلق ربنا فأولادنا هيورونا النجوم في

    عز الضهر واحنا اصلا فشله ومحو اميه فالعيال هتجيب ذكاء منين ؟ ممكن


    وقال اخر :

    لا اناواثق في بنتي جدا (ال يعني)عيب انا ربيت كويس وعارف ان بنتي محترمه ومثقفه وعارفه بتعمل ايه

    جميل خالص والله

    واخر قال :

    يالا تتوكل على الله اهي ممكن تفلح بدل البغل اللي قاعدلي لا شغله ولا مشغله وهات فلوس هات فلوس وخلاص لما قربت ابيع هدومي منه



    الآراء كتير اوي بس الكلام حلو لحد دلوقتي

    حسيت ان القعده هديت قلت لا ما ينفعش النظام ده لسه بدري على الصمت ده

    رحت داخل عليهم بسؤال تاني

    بصوا ياولاد خلونا ان كلنا اتفقنا ان بناتنا ولادنا يشتغلوا ... طيب ايه نوع الشغلانه بالظبط


    واحد قال :

    اي حاجه غير دكتوره ... لالا ياعم ترجعلي نص اليل كل يوم وتقولي كنت في شيفت والا بطيخ لالالالالا الناس تئول ايه ماعرفتش اربي لالالالا

    وقال اخر :

    والله اي شغلانه شريفه اهم حاجه تكون قدام الناس

    قدام الناس ازاي بالظبط هتفتح كشك سجاير يعني ؟

    لا مش القصد القصد انها تكون شغلانه معروفه يعني ومكانها معروف ..

    اه ماشي

    وقال اخر :

    انا نفسي البت تطلع مذيعه في الراديو

    قلتله راديو بس دول ساعات بيخلصوا الساعه واحده بالليل وساعات 2 وساعات الفجر

    طب وماله كده كده انا متطمن عالبنت يوم ما احب اعرف هيا فين هفتح الراديو .. ومعروف هيا فين وهتخلص امتى ..شفت سهله

    قلتله والله فكره واهو الواحد يتصل بيها ويقولها يابت يافلانه ازيك يابنت الكلب ده ابوكي صاحبي الأقرع الأحول ... يابنت ميمون .. ده انا هفضحك ههههههههه


    الإجابات حلوه برضه لاكن كل واحد وجاوب على حسب شخصيته

    عاوز اعرف منكم انتوا بئى لو انتوا في هذا الموقف

    لاحظوا انكم هتكونوا انتم الآباء ... يعني كل حد هيجاوب يجاوب على اساس انه اب مش ابن
    nova و تلميذة الساهر 2 معجبان بهذا.


    حتى الشاي مالوش طعم من غيرك


  2. #2

    أظل أحبك و إن طال إنتظاري
    الصورة الرمزية nova
     رقم العضوية : 24888
     تاريخ التسجيل : Jun 2011
     المشاركات : 1,163
     الجنس : Female
     الدولة : Egypt
     الإقامة : مصر
     هواياتي : القراءة----- الموسيقي
     اغنيتي المفضلة : مدينة الحب----انا وليلي
     إعجاب متلقى : 548 إعجاب متلقى
     إعجاب مرسل : 424 إعجاب مرسل
     قوة السمعة : 9
     الحالة :  nova غير متصل


     

    افتراضي

    اولا اشكرك علي هذا الموضوع الجميل
    وانا من رأيي انشاء الله ما في مانع انه او انها تشتغل لان لازم يكون ليه او ليها شخصيه في المجتمع وراي يؤخذ به من حيث نوع الشغلانه فاي شغلانه تكون محترمه وغير مسيئه




  3. #3

    ali almnsef
    الصورة الرمزية lord of war
     رقم العضوية : 22997
     تاريخ التسجيل : Aug 2010
     المشاركات : 6,112
     الجنس : Male
     الدولة : Iraq
     الإقامة : بين جفنيها
     هواياتي : كل مايفرز الادرينالين
     اغنيتي المفضلة : بالتأكيد كان صديقي
     إعجاب متلقى : 1495 إعجاب متلقى
     إعجاب مرسل : 940 إعجاب مرسل
     قوة السمعة : 17
     الحالة :  lord of war غير متصل


     

    افتراضي

    شكرا على الموضوع الجميل اخي
    انا بأعتباري والد لكن معنديش بنت عندي ولاد اثنين
    فأذا صارت عندي بنت بفكر بالموضوع واجاوبك
    لكن على الاغلب تشتغل ما اشوف فيها مانع اذا شغل محترم






  4. #4

    وكأني بك َأعانق القمر

     رقم العضوية : 22848
     تاريخ التسجيل : Aug 2010
     المشاركات : 14,558
     الجنس : Female
     الدولة : Egypt
     الإقامة : مصـريـهـ
     إعجاب متلقى : 2298 إعجاب متلقى
     إعجاب مرسل : 2362 إعجاب مرسل
     قوة السمعة : 30
     الحالة :  serialperson غير متصل


     

    افتراضي

    موضوع حلو اوى كالعاده
    واسلوب احلى

    انا عن نفسى بنتى تشتغل او متشتغلش ده راجع ليها معنديش اى مانع
    وبعدين انا بشتغل مش هشغل بنتى يعنى !!!



    يوما ما ..
    وحين تتركون أشياء من أجل الله وحده !
    فقط ابتغاءً لرضاه سبحانه ..
    كونوا على يقين أن الله سيمنحكم عوض أجمل ، أجمل بكثير !


  5. #5

    ساهري
    الصورة الرمزية شامخة
     رقم العضوية : 26022
     تاريخ التسجيل : May 2012
     المشاركات : 40
     الجنس : Female
     الدولة : Saudi Arabia
     إعجاب متلقى : 45 إعجاب متلقى
     إعجاب مرسل : 35 إعجاب مرسل
     قوة السمعة : 8
     الحالة :  شامخة غير متصل


     

    افتراضي

    طيب انا مش اب ينفع اجاوب

    والله الي بشوفه في مجتمعي ان الاب هو الي يروح ويسعى ويدور على شغل لبنته-بس طبعا لازم في بيئة محافظة


    والتحولات الاقتصادية فتت الكلاكيع الي كانت زمان

    وفي عقد الزواج كل وحده تحط شرط مايمنعني من شغلي (هذا اذا جا الشغل- والا حتى العريس ههههههههه

    وصرنا نسمع مصطلحات الوظيفة امان -مستقبلي اهم وصوت البنات يعلى هههههههه لحد مافي الاخر تكونت نفس القناعة عند الاباء انه معاهم حق والشغل ظروري

    وبالنسبة لي بما اني اب زي مافرضت علينا هههه فبنتي تعمل الي تحبه المهم تعمل الصح ههههه

    صوتها يبكي فاحمله .. بين زهر الصمت والوهن
    من حدود الأمس يا حلماً .. زارني طيراً على غصنِ
    أيُّ وهم أنت عشت به .. كنت في البال ولم تكن


معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الاعضاء الذين قرؤوا الموضوع: 0

لا يوجد أعضاء لوضعهم في القائمة في هذا الوقت.

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •